الفرق بين النظارات الشمسية الأصلية و المقلدة




الفرق بين النظارات الشمسية الأصلية و المقلدة ؟
1- العلبة اللي جاي فيها النظارة بيكون عليها ســـيريــال نمبر موجود على ذراع النظارة بردو .. وده ممكن تدخل على موقع الشركة المنتجة وتتأكد كمان من الســــيريــــال ده ... إما العلبة التقليد مابيكونش عليها تيكت فيه ســيــريال نمبر ولا اى حاجه

2 - النظارة الاصلى بيكون معاها كتالوج صغير في العلبة

3 - بيكون مكتوب في الكتالوج أو في كارت مستقل أنها بتحمى من أشعه إل uv
4 - بيكون معاها منديل جوه كيس مقفول وعليه الماركة أو اللوجو

5 - الجراب بيكون مطبوع عليه اسم الماركة بطريقه محفورة ، أحيانا من بره ومن جوه كمان

6 - جميع النظارات الأصلي لازم تكون إيطالي أو فرنسي أو إنجليزي
7 - ذراع النظارة الاصلى مستحيل يوصل يلمس العدسة لما تقفل الذراعين

8 - النظارة الاصلى بتكون مريحة للعين ولو كنت قبلها جربت نظارة تقليد لازم هتحس بالفرق




9 - النظارة الاصلى مابتتعبش عين الناس اللى بتلبس عدسات طبية

10 - النظارة الاصلى مش بتعلم ولا توجع عند جنبين المناخير مكان المخدات

11 - أحيانا الاصلى بتكون أثقل وزناً من اللي زيها تقليد

12 - العدسات بتاعت الاصلى مش بتتخدش بسهوله ودي ممكن تلاحظها خلال شهرين كده من الاستعمال صعب تعرفها في المحل.

13 - بعض الأنواع بيكون فيها اللوجو محفور على طرف العدسة وبيتشاف من جوه بس

14 - التغليف كمان يلعب دور كبير في التميز بين الأصلي والمقلد، لذلك ابحث عن النظارات المغلفة بشكل سليم داخل علبة جلدية وملفوفة بقماش سميكة والموضوعة في علب من الشركة الأم.

بقلم الأستاذة / علا أحمد شاكر