|
|
المشاركات 2,049 |
+التقييم 0.38 |
تاريخ التسجيل 01-08-2009 |
الاقامة ابوظبي |
نظام التشغيل |
رقم العضوية 189 |
عتاب من امرأة عراقية كلها وفاء لزوجها المتمرد مع شرح للمفردات الصعبة!
بعد شتريد اسويلكاصيرن شمعة وضويلك
بعد شتريد اسويلكابوق بشوش* واشويلك
نسيت شچنت اطبخلك وشچنت آنه احشيلك
آنه اللي چنت اطبخلك ومن كل الالوان اخليلك
وبالصالون اذب آلاف حتى بتسريحة حلوة اجيلك
اثاري الطبخ واللبخ ميفيد شسويلك بعد يمعود دخيلك
ابن الاوادم نسيت شچنت اسويلك
من جنت تعطش وينقطع بوري الماي اقل لعيوني تبچيلك
واشربك من دموع العين ماي عذب يصفيلك
وك نسيت شچنت اسويلك
من چنت تتقلب وماتنام الليل آني اسهر وألوليلك*
والظهرية من تطفي الكهرباء أني اعرق واهفيلك*
واذا بليلة مسج دزيت ألم فلوس الكارت واعبيلك
ومن چنت تزعل علي جيش مشاية اوديلك
نسيت شجنت اسويلك
من اجيتني بطرق دكان تبيع بيه مصاصك ومساقيلك*
قلت رجلي وراعي بيتي واجب علي لو ينكسر ظهري اشيلك
وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات صرت آني وجهالي كلشي مانعنيلك
ومن اطلع اشتري خضراوات تغافلني وتروح تلعب بذيلك
رصيدك خلص من المسجات يوم سمسم يوم نمنم تقشمرهن بمراسيلك
وبكل ليلة تجي سكران وريحة نسائية تعط من مناديلك
واليوم....اجيت إلي ندمان تطلب سماحي وتتوسل اجيلك
تقشمرني بكلمة احبچ من حبتك حية بعد ما يعبر علي فيلك*
شحسبالك احنة بالمكسيك؟ لو انتة بمدبلج وتتفنن بتمثيلك
ما ارجع الك لو حتى تبني قصور روح بعيد انته وكفشتك* وتواسيلك
تقلي بحقچ چنت آنه غلطان من قبر اللي لفك ووجعة التشيلك
وانشالله لتاج محل رحلتي تكون وانت لأبو غريب يصير ترحيلك
وحق ذهباتي البعتهن مول لفتح يم محلك واشرد كل معاميلك
وحق شيباتي اللي من القهر طلعن لاصير اصالة بت نصري واغنيلك
اسفة شوفلك غيري تكنسلك وتطبخلك وتكويلك وتسويلك ولو ذرة من الچنت آنه اسويلك
*بشوش : ومفردها بشّة وهي البطة او الوزة
*الوليلك:وهي عملية الغناء للطفل حتى ينچب وينام
*اهفيلك:كلمة قديمة ولم يعد لها استعمال بسبب توفر الكهرباء
*مساقيلك: ومفردها مسقولة وهو ماكنتوش عراقي
*فيلك : وهو الفيل , كائن يطير عندما يبدأ الانسان بالكذب
*كفشتك : وهي تسريحة غير قانونية يعني فاول
|
يتصفح الموضوع حالياً : 1 (0 عضو و 1 زائر) | |
أدوات الموضوع | إبحث في الموضوع |
انواع عرض الموضوع | |
|