الطباعة على التي شيرتات بالسلك سكرين او بالترانسفير او الديجيتال

سلام عليكم
ازيكم يا شباب يارب تكونوا بخير
عايز ارائكم ومجهوداتكم في مساعدة ليا
انا دلوقتي هطبع تصميماتي على التي شيرتات
بس للاسف مش عارف سعر الطباعة هتكلف كام سواء كانت بالسلك سكرين او بالترانسفير او الديجيتال ومش عارف اي نوع الاحسن
في ناس بتقول الترانسفير احسن في الكميات القليلة والسلك سكرين احسن مع الكميات الكبيرة
وفي ناس بتقول ان الترانسفير جودته وحشة جدا مقارنة بالسلك سكرين
وانا محتاس في النص بصراحة
ولما نزلت وسالت على سعر الطباعة للاسف لاقيت ان سعر اللون الواحد للتي شيرت الواحد هيتكلف 30 جنيه وده غالي جدا بالنسبة للسلك سكرين
فانا عايز اعرف دلوقتي الحل ايه ولو في حد عنده خبره يتواصل معايا ونساعد بعض جميعا
لان انا عايز اعرف سعر التي شيرت هيتكلف كام نهائيا (سعر التي شيرت + الطباعة + التصميم + نسبة التسويق) ولازم يكون السعر موازي لسعر السوق لان الناس بتبيع ب 80 جنيه للتي شيرت الواحد يعني انا لازم ابيع التي شيرت بتاعي بنفس السعر او اغلى بحاجة بسيطة لكن بالطريقة دي ممكن سعر التي شيرت يوصل ل 120 جنيه وطبعا غالي جدا
اللى عنده اي خبرات ياريت يقولي
وجزاكم الله خيرا