|
|
المشاركات 1,535 |
+التقييم 0.44 |
تاريخ التسجيل 25-08-2014 |
الاقامة الاسكندريه ....ج م ع |
نظام التشغيل |
رقم العضوية 130764 |
السلام عليكم ورحمة الله وبركاته
الاخوات والاخوه
عيد سعيد وكل عام وانتم بخير وسعاده
بداية اعتذر اليكم لان هذه ايام عيد وفرحه وسعاده
ولكني قرأت هذا الرثاء من زوج لزوجتة الراحله
اعجبني كثيرا واحببت ان تشاركوني قراءته
زوجتى الحبيبة
جه اليوم اللى لما أعوز أقول لكى حاجه لازم اكتبها لكى لان خلاص مينفعش تسمعيني
مينفعش تفهمينى عاوز أقول لك حاجات كتير
١-اليوم مر 73 يوم على رحيلك و الالم و الحزن ولد كبيرا و ما زال كبيرا
٢- رمضان كان وحش أوى من غيرك مش علشان الاكل الحلو اللى كنتى بتعمليه ولا الجلاش اللى ياسين مفتقدة من إيدكى
ولا السحور الجميل اللى كنتى بتعمليه لينا لأ افتقدنا أنفاسك افتقدنا تلاوة قرآنك افتقدنا صوت منبهك لتهجدك افتقدنا دعائك لينا
٣-لينا راحت مسجد المدينة المنورة امبارح فى صلاة التراويح مع دكتورة مايسة علشان تحضر ختام المصحف علشان تدعيلك
٣- بكرة العيد وده اول عيد من غيرك من 22 سنة والله بحاول افرح و افرح الولاد بس مش عارف على العموم انا جبت لياسين لَبْس العيد
و حلقت له شعرة و قصرتة زى ما بتحبى تمام و جبت للينا لبس العيد ومن نفس المحل اللى بتحبى تشترى لها اللبس منه
٤- ياسين صلى ليلة ٢٧ مع يوسف عمر و يوسف حميدو التهجد و الفجر علشان يدعي لكى
٥- الحمد لله الولاد نجحوا فى الامتحانات صحيح بدرجات اقل من كل عام بس معلهش ظروفهم و توقيت مرضك ووفاتك كان صعب جدا عليهم
٦- ياسين عندة بطولة فى المنصورة تالت يوم العيد ادعى له
٧- عارفه ساعات كنت بزهق من مكالماتك و طلباتك وسؤالك انت فين دلوقتي ؟؟ والله لو رجعتى تانى عمرى ما هزهق و لا حتضايق من مكالماتك
طب ارجعى كده و انتى تشوفى ومجيب لكى الزبادى من خليفة حتى لو تعبان و مش قادر
٨- مش حعرف اصلى العيد بكرة و اطلع مالأكيش فى البيت لأ السنة اللى فاتت انتى صليتى معانا فى مسجد حسين صدقى
المهم قولى لى العيديه حديها لمين ؟؟؟ ومين هيدى الولاد العيدية
على العموم انا حصلى العيد و أجيب الولاد و أجيلك استنينا احنا حنيجى بعد الصلاة علطول
٩- انا مستغرب صفاء ابو السعود كل عيد بتقول العيد فرحة وأجمل فرحة !!!!
وأم كلثوم بتقول ياليلة العيد أنستينا
بيتهيأ لى هم قصدهم على العيد زمان
١٠- عيدك فى الجنة ان شاء الله احلى
بصى هديتك السنة دية أبيات شعر للحلاج أهديها لكى يا رب تعجبك
والله ما طلعت شمسٌ ولا غربت إلا و حبّـك مقـرون بأنفاسـي
ولا خلوتُ إلى قوم أحدّثهــم إلا و أنت حديثي بين جلاســي
ولا ذكرتك محزوناً و لا فَرِحا إلا و أنت بقلبي بين وسواســـي
ولا هممت بشرب الماء من عطش إلا رَأَيْتُ خيالاً منك في الكـــأس
ولو قدرتُ على الإتيان جئتـُكم سعياً على الوجه أو مشياً على الرأس
ما لي وللناس كم يلحونني سفها ديني لنفسي ودين الناس للناس
نعم ودين الناس للناس
نعم ودين الناس للناس
دعونا ندعو الله لها بالرحمه وله ولاولاده بالصير
ربنا يرحمها و يصبرك بجد الناس اللى عندها الوفاء ده إنقرضت
وعليكم السلام ورحمة الله وبركاته
والله كلمات صعبه تخلي الواحد يبكي ولكن المعنى قوي الله يكون في عون اللي اتحرم من شريك حياته ويصبر اولادها
من اجمل ما قرات اليوم
شكرا استاذ نجيب
|
يتصفح الموضوع حالياً : 1 (0 عضو و 1 زائر) | |
أدوات الموضوع | إبحث في الموضوع |
انواع عرض الموضوع | |
|
الموضوع | كاتب الموضوع | المنتدى | مشاركات | آخر مشاركة |
قصه الاسد الذي قتل مدربه قصه وفاء نادره | نور الهدى | الاخبار | 10 | 29-03-2022 10:40 PM |
قصه وفاء كلب لصاحبته المتوفيه بالصور | افنان | جميع الصور | 5 | 09-01-2022 12:22 PM |
وفاء لا مثيل له | أبو خولة | المنتدى الادبي والخواطر | 3 | 20-09-2019 04:11 PM |
وفاء نادر هذه الايام | نجيب محمد امين | الاخبار | 1 | 06-11-2015 03:13 PM |
وفاء وأعتذار!! | الـقـلـب الـحـزيـن | المنتدى الادبي والخواطر | 8 | 31-05-2010 05:44 PM |