مدرسة جرافيك مان  

ايقاف العضويات التي لم تسجل دخول منذ عام


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > الأقسام العامة > المواضيع الاخباريه > منتدى الخواطر > المنتدى الأدبــــي

الملاحظات

المنتدى الأدبــــي مجتمع الشعر والشعراء .. قصائد فصيحه، قصائد نبطية، قصائد حب، قصائد عتاب، قصائد مدح، قصائد شعبية، قصائد مسموعة، اشعار، وكل مايتعلق بالقصيدة graphic man


دا شعب فقرى........

مجتمع الشعر والشعراء .. قصائد فصيحه، قصائد نبطية، قصائد حب، قصائد عتاب، قصائد مدح، قصائد شعبية، قصائد مسموعة، اشعار، وكل مايتعلق بالقصيدة graphic man


إضافة رد
 
أدوات الموضوع إبحث في الموضوع انواع عرض الموضوع
قديم 26-04-2009, 01:31 AM   #1
elnaggar
استاذ الخط العربي
 
الصورة الرمزية elnaggar

الإقامة :  مصر الكنانه
هواياتي :  الخط العربي ؛؛؛ قراءة الشعر
elnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدع
elnaggar غير متواجد حالياً
ممتاز دا شعب فقرى........


السلام عليكم
من خواطر الشاعر العامى(أحمد فؤاد نجم)
اهدى اليكم هذه القصيدة


دا شعب فقــــــــــــــــــــــرى



نظرا لأن النعمة فاقت حدها

ولأننا مش قدها

ولأن فعلا انجازاتك ..

فوق طاقتنا نعدها

ولأننا غرقنا في جمايل ..

مستحيل حنردها

نستحلفك ....... نسترحمك

نستعطفك ....... نستكرمك

ترحمنا من طلعة جنابك حبتين

عايزين نجرب خلقة تانية

ولو يومين

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك حضرتك

دا شعب فقرى مايستحقش جنتك

أنا عارْفُهْ شعب ماينفعوش

إلا شارون وبلير وبوش

عايز يجرب الامتهان

ويعيش عميل للأمريكان

بيمد "غازه" لإسرائيل

ويومين كمان ويمد نيل

أهو يعنى نشرب ميه واحدة

ندوب في بعض

ماء وماء وماء

ونفض سيرة الانتماء

وبلاها نعرة وطنطنة

تبقى البلاد "مستوطنة"

(متسلطنة بالسرطنة)

إيه اللي خدناه م الكرامة والإباء

حبة خطب وكلام...كلام

إحنا راهننا على النظام

ورضينا بخيار السلام

بخيار حنسد عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة ..

شلة مأجورين؟

ياعم فضك سيرة

وارضى بقسمتك

دا شعب مش فاهم أكيد

يالا اطرده من رحمتك

وإن كنت غاوي الحكم ..

خليك مطرحك

حاغطس واقب وأعود ..

بشعب يريحك

راضى وعمره مايجرحك

أخْرَس ومايسمعش

وأعميلك عينيه

مش كل قرش يبص فيه

مايقولش لأه، وفين، وليه

يضرب ينفض في السليم

وعلى الصراط المستقيم

كل اللي يعرف ينطقه

عاش الزعيم

يحيا الزعيم



  رد مع اقتباس
قديم 26-04-2009, 08:54 AM   #2
أنين قلب
مشرفة سابقة

الإقامة :  أخيراً مصر ... الحمد لله
هواياتي :  القراءة والموسيقى ورياضة المشي
أنين قلب على طريق التميز
أنين قلب غير متواجد حالياً
افتراضي

شكرا أخي علي النقل الأمين
ونتمني المزيد بس ابقي بص شمال ويمين قبل ما تدخل المنتدي أصلي بصراحة شاكة ان ممكن يكون حد مراقبك
تسلم وتقبل مروري
تحياتي

  رد مع اقتباس
قديم 26-04-2009, 10:52 AM   #3
osama salman
الرائع
افتراضي

هههههههههههههههههههههه
هم يبكي وهم يضحك
وصدق فيما عبر

أشكرك لإهتمامك بس انا بجد خايف عليك

  رد مع اقتباس
قديم 26-04-2009, 10:11 PM   #4
ناعس الجفن
طالب جديد
 
الصورة الرمزية ناعس الجفن
افتراضي

كلمات جميله تشكر عليها

  رد مع اقتباس
قديم 27-04-2009, 11:35 AM   #5
elnaggar
استاذ الخط العربي
 
الصورة الرمزية elnaggar

الإقامة :  مصر الكنانه
هواياتي :  الخط العربي ؛؛؛ قراءة الشعر
elnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدع
elnaggar غير متواجد حالياً
افتراضي

نستحلفك ....... نسترحمك

نستعطفك ....... نستكرمك

ترحمنا من طلعة جنابك حبتين

عايزين نجرب خلقة تانية

ولو يومين

السلام عليكم
بصراحه احنا فى بلد ديمقراطى تقبل المعارضه
وده اللى شجعنى ان انقل القصيدة
ومتشكر جدا ليكم على الاهتمام
بس على فكره ان حصل اى حاجه لا قدر الله
بيكون على قارئى الموضوع كمان
ههههههههههههههههههههههه
تحياتى

  رد مع اقتباس
قديم 29-04-2009, 03:29 PM   #6
أبوحنين
استاذ الفضائيات
 
الصورة الرمزية أبوحنين
افتراضي

تم الكشف عن صاحب الموضوعوجاري القبض عليه وتقديمه لمباحث امن المنتدى...........تقبلو المرور............تحياتى

توقيع - أبوحنين

  رد مع اقتباس
قديم 04-05-2010, 05:02 PM   #7
الـقـلـب الـحـزيـن
كبار الشخصيات
 
الصورة الرمزية الـقـلـب الـحـزيـن

الإقامة :  السعوديه .. الرياض ..
الـقـلـب الـحـزيـن على طريق التميز
الـقـلـب الـحـزيـن غير متواجد حالياً
افتراضي

طرح جميل

تقبل مروري

  رد مع اقتباس
قديم 18-05-2010, 09:26 PM   #8
elnaggar
استاذ الخط العربي
 
الصورة الرمزية elnaggar

الإقامة :  مصر الكنانه
هواياتي :  الخط العربي ؛؛؛ قراءة الشعر
elnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدع
elnaggar غير متواجد حالياً
افتراضي

ههههههههههه
تمام ابو حنين
متشكر جدا للمرور

توقيع - elnaggar

---------------------------------------------------
أكلبٌ أنت أم أســـدُ ؟ ***** أروحٌ أنت أم جســـدُ ؟

أم الشيطان يخدعنا ***** بصورةِ حاقـــــدٍ يـعـــدُ

بعدلٍ زائفٍ يسعــــى ***** لقتلِ الناسِ يجتهــــــدُ

سترحل ذالك أولهــا ***** ستُقتل أيها الوغـــــــدُ
--------------------------------------------------

  رد مع اقتباس
إضافة رد


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:05 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google