مدرسة جرافيك مان  

ايقاف العضويات التي لم تسجل دخول منذ عام


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > الأقسام العامة > المواضيع الاخباريه > منتدى الخواطر > المنتدى الأدبــــي

الملاحظات

المنتدى الأدبــــي مجتمع الشعر والشعراء .. قصائد فصيحه، قصائد نبطية، قصائد حب، قصائد عتاب، قصائد مدح، قصائد شعبية، قصائد مسموعة، اشعار، وكل مايتعلق بالقصيدة graphic man


عشان انت مصرى لازم تعانى

مجتمع الشعر والشعراء .. قصائد فصيحه، قصائد نبطية، قصائد حب، قصائد عتاب، قصائد مدح، قصائد شعبية، قصائد مسموعة، اشعار، وكل مايتعلق بالقصيدة graphic man


إضافة رد
 
أدوات الموضوع إبحث في الموضوع انواع عرض الموضوع
قديم 26-04-2009, 01:47 AM   #1
elnaggar
استاذ الخط العربي
 
الصورة الرمزية elnaggar

الإقامة :  مصر الكنانه
هواياتي :  الخط العربي ؛؛؛ قراءة الشعر
elnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدع
elnaggar غير متواجد حالياً
افتراضي عشان انت مصرى لازم تعانى


مساء\صباح الخير والياسمين
عشان انت مصـــــــــــــــــــرى

عنوان قصيده جديده لانتقاد الواقع المرير الذى يعيشه الشعب المصرى
فى الوقت الحالى



اترككم مع الشعر الحلبنتيشى



عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك


ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت


عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف


عشان انت مصرى لازم تعانى عشان انت مصرى لازم تعانى

  رد مع اقتباس
قديم 26-04-2009, 08:46 AM   #2
أنين قلب
مشرفة سابقة

الإقامة :  أخيراً مصر ... الحمد لله
هواياتي :  القراءة والموسيقى ورياضة المشي
أنين قلب على طريق التميز
أنين قلب غير متواجد حالياً
افتراضي

شكلك مصري طحن ههههههههههههههههه
عمك الحج لو يعرف الكلام دا كله مكنش قال المقولة الشهيرة (( لو لم أكن مصريا لوددت أن أكون مصريا )) أصله بعيد عنك كان من العيلة المالكة ههههههههههه
يسلم التعبير
تقبل مروري تحياتي

  رد مع اقتباس
قديم 26-04-2009, 10:59 AM   #3
osama salman
الرائع
افتراضي

والله رائع رائع رائع
إيه الجمال ده
انا مكنتش أعرف عنك كدا
لا بجد طَلَّعت اللي جوايا بس لسه فيه كتير
حاول وربنا معاك تكمل

متقلقش هجيلك بحلاوة وعيش
هههههههههههههههههههههه

  رد مع اقتباس
قديم 26-04-2009, 12:31 PM   #4
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي

هو الكلام كبير
بس خطير وحاد شويه
روق يا باشا متوديناش ف داهيه هههههههههه
مشكور يا عسل
تحياتي

  رد مع اقتباس
قديم 26-04-2009, 10:09 PM   #5
ناعس الجفن
طالب جديد
 
الصورة الرمزية ناعس الجفن
افتراضي

هههههههههههههه

اه ده كلام كبير

  رد مع اقتباس
قديم 29-04-2009, 06:26 PM   #6
elnaggar
استاذ الخط العربي
 
الصورة الرمزية elnaggar

الإقامة :  مصر الكنانه
هواياتي :  الخط العربي ؛؛؛ قراءة الشعر
elnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدع
elnaggar غير متواجد حالياً
افتراضي


هههههههههههه
ايه يا شباب
بجد أنا قلقت
بس بأذن الله انا هاستمر
دا طبعا بعد أذن المشرفين
والاستاذ (جرافيك)
المدير العام

وشكر خاص للاخ (osama salman)
ولو حصل اللى فى باله بقى فرض عليه العيش والحلاوه



والله المستعان

تحياتى

توقيع - elnaggar

---------------------------------------------------
أكلبٌ أنت أم أســـدُ ؟ ***** أروحٌ أنت أم جســـدُ ؟

أم الشيطان يخدعنا ***** بصورةِ حاقـــــدٍ يـعـــدُ

بعدلٍ زائفٍ يسعــــى ***** لقتلِ الناسِ يجتهــــــدُ

سترحل ذالك أولهــا ***** ستُقتل أيها الوغـــــــدُ
--------------------------------------------------

  رد مع اقتباس
قديم 04-05-2009, 03:40 PM   #7
osama salman
الرائع
افتراضي

والله ما تقلق أنا قدها
إتوكل إنت على الله ومتحملش هم

  رد مع اقتباس
قديم 04-05-2010, 05:17 PM   #8
الـقـلـب الـحـزيـن
كبار الشخصيات
 
الصورة الرمزية الـقـلـب الـحـزيـن

الإقامة :  السعوديه .. الرياض ..
الـقـلـب الـحـزيـن على طريق التميز
الـقـلـب الـحـزيـن غير متواجد حالياً
افتراضي

طرح جميل

تقبل مروري

  رد مع اقتباس
قديم 18-05-2010, 09:18 PM   #9
elnaggar
استاذ الخط العربي
 
الصورة الرمزية elnaggar

الإقامة :  مصر الكنانه
هواياتي :  الخط العربي ؛؛؛ قراءة الشعر
elnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدع
elnaggar غير متواجد حالياً
افتراضي

تسلموا اخوانى على المرور الرائع وزيارتك للموضوع

توقيع - elnaggar

---------------------------------------------------
أكلبٌ أنت أم أســـدُ ؟ ***** أروحٌ أنت أم جســـدُ ؟

أم الشيطان يخدعنا ***** بصورةِ حاقـــــدٍ يـعـــدُ

بعدلٍ زائفٍ يسعــــى ***** لقتلِ الناسِ يجتهــــــدُ

سترحل ذالك أولهــا ***** ستُقتل أيها الوغـــــــدُ
--------------------------------------------------

  رد مع اقتباس
إضافة رد


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:13 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google