مدرسة جرافيك مان  

مشاريع افترافكت


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > منتدى طلاب مدرسة جرافيك مان > جرس الفسحه ... حوش المدرسة

الملاحظات

جرس الفسحه ... حوش المدرسة ترفيه و تسليه اعضاء المنتدى فيديوهات كوميديه من يوتيوب - نكت و فوازير مصوره جديده - صور مضحكه معاكسات و شقاوه - مقالب و قفشات كوميديه - مواضيع ترفيهيه خفيفه للبنات والشباب


تعالو نتعلم الروشنه البريئه

ترفيه و تسليه اعضاء المنتدى فيديوهات كوميديه من يوتيوب - نكت و فوازير مصوره جديده - صور مضحكه معاكسات و شقاوه - مقالب و قفشات كوميديه - مواضيع ترفيهيه خفيفه للبنات والشباب


إضافة رد
 
أدوات الموضوع إبحث في الموضوع انواع عرض الموضوع
قديم 13-12-2010, 03:04 AM   #1
AREEG
اسطوره لن تتكرر
 
الصورة الرمزية AREEG
افتراضي تعالو نتعلم الروشنه البريئه

ازيكوووووووووووووووووووووو
فى الاول احب ادحرج المسا على كل الاعضاء
انا جايبه شويه موتوع كامد
اخرر وشنه
روش طحن الطحن


بجد يا مان بجد يا ومان

طبعا انتم عاوزين تعرفوا ايه الموضوع اقولكم انا بقي


انتشرت في الفتره الاخيره لغه شبابيه والبعض يسميها اللغه الهبابيه ههههه
اي ماخوذه من الهباب
تعالو نتعلم الروشنه البريئه
وهي لغه خاصه بشباب الجامعات والنوادي والشات والمنتديات والمسن
تعالو نتعلم الروشنه البريئه تعالو نتعلم الروشنه البريئه تعالو نتعلم الروشنه البريئه


مثلا تلاقي الحروف عندهم مضروبه والواحد لما يتكلم تحسه كانه ممسوك من زمارة رقبته ويطلعها بالعافيه زي مثلا

طويل = تويل
كده = كته
ابدا = ابتا
خالص = خالس - ولو رقيقه اوى _ خالث
عسل = عثل
ماشي = ماسي
بجد = بكد
حلو = حووووووووووووووووو
اشرب = اشششششششششب انبوووووه
حاكه تنأت بكد يووووووووووه
يقصد حاجه تنقط بجد
-----------------------

وتلاقي بقي الواد من دول راح السينما

يرجع يقول لصحابه :

اووووووبس رحت حته فيلم روش طحن فيلم اخر حاجه بجد فيلم يهوس هيهئ هيهئ هيهئ هييييييييييييييييييييييييييييييييييييييييييييييييي يييهئ
مش عارفه بيضحك علي ايه بس بيضحك وخلاص

تعالو نتعلم الروشنه البريئه


نيجي بقى دلوقتي في سيرة اثنين بيحبو بعض

يتكلموا في التليفون :

هو : الو يا حبي
هي : حبيبي
هو : ازيك النهارده ( ليه بيقول النهارده هو يعني بيكلمها في زمن الماضي)
هي : بيس وانت
هو : سهران من امبارح مش نمت علشان اكلمك مخسوس
هي : وانا كمان مش نمتش خالس مستنيه تليفونك بجد
( وتلاقيها مخموده بقالها 8 ساعات علشان تحافظ علي بشرتها)
هو : وحشاني موت بجد
هي : وانت بجد موت اكتر حاجه
هو : امبارح شفت فيلم اوووبس يا روحي رومانسي موت كان نفسي تتفرجي معايا
هي : بجد طيب احكيلي
هو : البتل ( البطل يعني ) تول الفيلم بيحب فى البتله
( البطله ) ---
( عاوز يجرجرها بقي في الكلام )
هي : بجد
هو : بجد
هي : بجد بجد
هو اه بجد
وباقي المكالمة بقي بجد وهو يقولها بجد
طالما مش قد الكلام في الحاجات دى بيتكلموا لييييييييييييييييه ::





ملاحظه هامه : ياريت كل اللى على راسه بطحة ميحسسش عليها...يسبها كدة يمكن تخف
وياريت مانخدش الموضوع بحساسيه او نحملها على محمل شخصي
انا صحيح ضد بعض الالفاظ الغريبه المنتشره بين الشباب ولغة السهوكه بتاعتهم بس في نفس الوقت انا شايفه انو طبيعي انو أي جيل بتبقى ليه لهجه ولغه خاصه فيه وحتى الطبقات الاجتماعيه بتبقى عندهم مصطلحات خاصه بكل طبقه وكمان المراحل العمريه ودا شي طبيعي زي ما كان جيلي انا بتسيطر عليه مصطلحات خاصه بتضايق اهالينا بس دي سنة الحياه ودي هي العولمه المهم اننا لانصهر في بوتتقتها ونضيع هويتنا العربيه والاسلاميه وطول ما الالفاظ الشبابيه مفيهاش الفاظ نابيه او سوقيه


تعالو نتعلم الروشنه البريئه

تعالو نتعلم الروشنه البريئه

خلينا بقى نتعلم بعض المصطلحات الخاصه فيهم

<< اذا كنت من الجاهلين بفك طلاسم وشفرات الالفاظ الغريبة والمريبة التى يتعامل بها بعض شباب وفتيات اليوم فى المدارس والجامعات والاماكن العامة
, ولكى لا تكون مثل الاطرش فى الزفة ,
ولكى لا يغلى دمك وتفور اعصابك عندما يلقى شاب أو فتاة فى وجهك بلفظ من هذه الالفاظ فتمسك برقبته أو تدخل معه فى نقاش وجدال غير متكافئ

هدئ من روعك وتعال لنكشف لك عن بعض مفردات قاموس الهباب فى كلام الشباب

على اعتبار أن من عرف لغة قوم امن شرهم

*عندما تسمع من احد كلمة <استمورننج> فعليك أن تفهم انها لفظ يقال فى الصباح بغرض تناول الطعام أو الدخان أو الشاى حتى يفيق الشاب من نعاسه!!!

* <الابلتين لدع فى دهاليز الحياة> عبارة تدل على الخواء او الفوضى فى الحياة وغالبا ما تأتى بقصد الفلس!!!

* <اديها جاز> عبارة تقال فى مواقف المشاحنات بين الاصدقاء لزيادة حدة المشاجرة!!!

*<عاوزك تختفى لحد ما الحياة تعدى>
اى لا تظهر نفسك حتى تنتهى المشاكل..

*<اتشبح .. وتقال شبحته>اى تعديت عليه بالضرب المبرح..

*<ولد إتم> يقصد بها حسب تعريف الروشنه الغلاسة ..

*<إحلق له >لا تعنى الذهاب الى الحلاق وانما تعنى لا تفكر فيما يقول فهو لا يستحق "نفض له"

*<الحياة فى الامبلايز>تعنى ان الحياة خربانة وفاشلة وتعب على الفاضى

*<ولد اشاعاتى> يقصد بها الشخص الذى يصدر الاشاعات

*<انجز بالونجز> تعنى تخليص المصلحة المتوقفة بالرشوة

كل المشاكل التى تقابلها لها حل سريع وحاسم ما دمت تدفع المقابل ، والونجز يقولون انها كانت نوع من انواع السجائر قديماً ، لكنها تطلق هنا علي النقود لانها حلالة العقد وسريعة التأثير في انهاء المصالح المتوقفه

أيه البواخه ديه
عبارة بمعنى " ليه الرزاله " والعباره غالباً ما تصدر من الفتيات عندما يعاكسهن الشباب في الشوارع او في محطات المترو


أنتخ

لفظ بمعنى جلس بدون هدف ينتظر الفرج حتى يأتى له ، مثال " انت ها تقعد مأنتخ من غير شغل كتير " والمقوله يردد مثلها الاباء كثيرا للابناء الجالسين بلا عمل بعد التخرج ومعناها ابحث لك عن عمل بدلا من الجلوس الممل لانى لا انوى الاستمرار في منحك مصروف

أينح
لفظ يدل علي الشخص الذى يجلس في استرخاء وهدوء بدون عمل ويقال " انت مأينح ليه " اى ما هو الشئ الذى تنتظره حتى تحقق ذاتك وتبحث لك عن هدف

*<أعلن فرارى>عبارة تعنى ان قائلها ينوى الانسحاب من الجلسة او الموقف

*<ايه الحياه؟>سؤال بمعنى ماذا حدث اليوم أو ماهو الجديد فى الدنيا

*<اخلع فردة>عبارة مأخوذة من لسان شاب جزمجى وتفيد بأن من نتكلم عنه قادم

*<احنا اللى بهيظنا الفهايص>عبارة يطلقها قائد الشلة افتخارا بنفسه وبأنه جعل الجميع يغيب عن الوعى

*<ادعك الفانوس>عبارة بمعنى ارحل بدون ان يراك احد

*<انسانى وخد عنوانى>
تعنى انه جاء ميعاد انصرافى واطلبنى عندما تريدنى

*<انزل من على ودنى>عبارة تقال للثرثار كثير الكلام

*<أوكشة> كلمة يقصد بها الفتاة الباهرة الجمال

إستوك .. بيتوك

مصطلح يطلق علي الفتاه الجميلة ، وهذا اللفظ يتشابة مع اللفظ الذى ورد في الاغنية الشهيره التى تقول " أيه الأستوك ده ... اللى مش بيتوك ده " اى التى تسير بدلع ودلال أنثوى ليس له مثيل


أوزى
لفظ يطلق علي الفتيات الصغيرات الجميلات في المدارس الثانوية والإعدادية وشابه ذلك


*<أوجو>يقصد به الفتاة التى تخضع لتأثير الشباب بسهولة أو لها علاقات متعددة


أزبهل
لفظ يدل علي الزهول الشديد ويقال " انت مزبهل كده ليه " أى مندهش لدرجة العبط

أنش

لفظ مختصر لاسم " انشراح الخباثة " وهى شخصية خيالية تعنى الشخصية الساذجة الى درجه الهبل


*<افتكس..وتقال ايه اخر افتكاساتك>بمعنى ايه اخر اختراعاتك فى الحياة؟

*<استكانيس> لفظ يدل على الراحة والرفاهية وتقال انا مستكانيس كده اى مرتاح جدا

لحوس : لخص
خليك فرش عشان الوش ميكرمش
خليك اون ومتبقاش اوف
( خليك ايزززى ومتبقاش قفل)
انا جالى هبووط في الزعبوط (هبوط حاد )
- واد شامبو ( واد طيب)
اددينى سلك ( اديينى رنة )


روش أو روشنة
خليك روش أو ده شاب روش أى يعنى شاب على الموضة متابع
ومساير لكل ما هو جديد...

نفض أو كبر دماغك
أى لا تعطى للموضوع اهتماما أو تجاهل هذا الشخص أو ميعاد معين...

قشطة عليك
أى برافو عليك أو قد تعنى فى بعض الاحيان اتفاق على شىء ما ...

زميكى أى زميلى ... زميل الدراسة .. نعمل ايه بس مش عجباهم زميلى...

ما تبقاش خنيق
عندما لا يوافق صديقك على شىء معين مثل الخروج الى مكان ما...

ابعت أو بعتة أو اشتغلتك
أى ضحكت عليك ووضعتك فى موقف من صنع خيالى..
بمعنى أكثر روشنة عيشتك الوهم...

المزاجنجى أو يعمل مزاج
تقال غالبا على المدخنين ومن يتعاطوا المخدرات حيث أن هذه السموم
توهم الشباب بأنها تهدىء وتريح الاعصاب وبالتالى
يطلقوا عليها لفظ مزاج...

ما ياكلش
أى لا ينفع معى هذا النظام أو لا يجوز

ايه النظام؟ .... النظام فى العظام
عادى يعنى.... عادى فى المعادى
جمل متعارف عليها بين الشباب ولا تعنى أى شىء
مجرد نوع من التوازن بين الكلمات لا تعنى أى معنى غير اضفاء جو
من الفكاهة...


تعالو نتعلم الروشنه البريئه

اسماء بلوتوث جامدين موز موز موزا خر روشنه ههههههه وتنفع كمان في المنتديات

وافي في زمن قاسي

جليس القمر

ولد فله يلعب سله

مجنون بس حنون

شارب بيرة ومسلك اميرة

طايش بس عايش

منحرف بس محترف

حساس و ابن ناس

مهستر وربنا يستر

مواصل والمخ فاصل

حبه حبه تيجي المحبه

الزوم عند اللزوم

رومنسي بس منسي

تعلمت الوفا من خيانتك

المساله مبدا يا ترى ابدا ؟؟؟

دمي ولا دمعه امي

قبر يضمني ولا بنت تذلني

شارب بيبسي ومدلع نفسي

هايم في زمن نايم

روحي هيا جروحي

غريب في عالم عجيب

ولد قمر وراكب همر

بدمي كتبت همي

سارق بطه وشكلي في ورطه

رايق والكل متضايق

واكل خوخه وحاسس بدوخه

تخصص علاقات مستحيله

نصيبك لازم يصيبك

شارب كولا وبحب واحده حولا

مسطول على طول

مستشفى كنتاكي للخياطه وادوات الزينه

امير وسط حمير


راكبه دباب ومنفضه للشباب

نايم في الصاله بسمع اصاله

مغرورة لاسباب امنيه

ولد نظيف متعشي خفيف

دايخ والبخت بايخ

بكاش وبدفع كاش

ملاك بس هلاك




وياريت الي عنده كلمه عايز يضيفها للقاموس يحتها علشان عايزين نجمع اكبر عدد من الكلمات الشبابيه ونعمل موضوع كااااااامت كدا
ها ايه رايكم في الموتوع ده كامد اخر حاجه صح يا روشين يويويو
يلا بيــس
ميسي ليكو ( ميرسي ليكو بس اتاثرت بيهم ههههه)


التعديل الأخير تم بواسطة AREEG ; 13-12-2010 الساعة 04:14 AM
  رد مع اقتباس
قديم 13-12-2010, 10:39 AM   #2
marwan1
الاعضاء
افتراضي رد: تعالو نتعلم الروشنه البريئه

انتى جيبتى الكلام ده من وين اميره

اوعى تكون من الشباب الروش الطحن ده

وتكونى عارفه الالفاظ دى

بصراحه مصطلحات اول مره اسمعها

بس نفسي اعرف انت جيبتى المصطلحات دووول منين

^__^

  رد مع اقتباس
قديم 13-12-2010, 11:20 AM   #3
AREEG
اسطوره لن تتكرر
 
الصورة الرمزية AREEG
افتراضي رد: تعالو نتعلم الروشنه البريئه

ههههههههههه لاطبعا بالعكس انا دقه قديمه وكلامي رسمي جدا بس بحاول افك شويه


انا مش ضد لغة الروشنه وليس معها بس هي لغة فئة من الشباب


خصوصا شباب المنتديات

وفيه بعض المصطلحات لزيزه اووي وبعضها غريب وبعضها مجرد سهوكه وهيافه

وانا جبت الكلام من مصادر عديده من الافلام ومن ردود الاعضاء في المنتديات والشات والمسن والنوادي

بس ساعات بتكون الفاظهم over

وزي ماقلت لك أن من عرف لغة قوم امن شرهم


التعديل الأخير تم بواسطة AREEG ; 13-12-2010 الساعة 11:25 AM
  رد مع اقتباس
قديم 13-12-2010, 11:38 AM   #4
marwan1
الاعضاء
افتراضي رد: تعالو نتعلم الروشنه البريئه

وايه الشر فى كده

احنا بقي واحنا فى الجامعه كنل بنسميهم خنافس

يعنى لما لما خنفس من دووول يحب يتروشن ياخد بالجزمه على دماغه

هما بيحبو كده

او لما منفهمش منهم حاجه ذى ما انتى قولتى كده

  رد مع اقتباس
قديم 13-12-2010, 11:51 AM   #5
AREEG
اسطوره لن تتكرر
 
الصورة الرمزية AREEG
افتراضي رد: تعالو نتعلم الروشنه البريئه



هههههههههههه يابني مش مفروض مننا اننا نفرض الرولز بتاعنا على حد

وتضروبهم ليه بالجزمه كل واحد يتصرف بالطريقه الي تعجبه

بالرغم اني بستهيف بعض المصطلحات بس في نفس الوقت انا بشوف انها حاجات بريئه

خصوصا انو كل جيل تحكمه قواعد ومثل خاصه فيه زي ماجيلنا كانو ولا زالو اهالينا بيشتكو منه

ونيجي احنا دلوقتي نقفل على الشباب ونتحكم حتى في الفاظهم

وبعدين اصلا اللغه العاميه نفسها تحتوي مصطلحات دخيله يعني جات بس على لغة الشباب

اصلا حتى لغة الستينات مثلا والزمن الجميل زي مابيقولو فيه الفاظ ومصطلحات تركيه وقبطيه وانجليزيه ووفرنساوي

  رد مع اقتباس
قديم 13-12-2010, 12:06 PM   #6
marwan1
الاعضاء
افتراضي رد: تعالو نتعلم الروشنه البريئه

بس مش انتخ وانتح

والكلام الغريب ده اللى الناس تفتكروا شتيمه

بس احنا عايزين نعرف منين جابوا الالفاظ دى

الستينات جابو من فرنسا وانجلترا يعنى ليها اصل

بس ايه اصل انتح وانتخ دى


لحوس
والله هما اللملاحيس

  رد مع اقتباس
قديم 14-12-2010, 02:06 PM   #7
Diamond Heart
نجمه المدرسه
 
الصورة الرمزية Diamond Heart
افتراضي رد: تعالو نتعلم الروشنه البريئه

ايه يا ميرو القاموس دا ههههههههه

فعلا داصبحت لغه الشباب عجيبه

و منها الفاظ كتير غير مقبوله و سخيفه

ربنا يهدينا و يهديهم

توقيع - Diamond Heart



سبحان الله
.. الحمدلله .. لا اله الا الله .. الله اكبر



  رد مع اقتباس
قديم 16-12-2010, 09:51 PM   #8
ايمان
طالب متفوق

الإقامة :  كل بلاد العرب اوطاني
هواياتي :  السباحة
ايمان سيصبح متميزا في وقت قريبايمان سيصبح متميزا في وقت قريب
ايمان غير متواجد حالياً
افتراضي رد: تعالو نتعلم الروشنه البريئه

مممممممممم في منها بستعملها سراحة الي متل تيب و تبعا بس الي متل الطلاسيم هديك ما فهمت منها اشي اصلا

  رد مع اقتباس
قديم 17-12-2010, 12:31 AM   #9
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي رد: تعالو نتعلم الروشنه البريئه

حلو اوي التوبيك ده .. مودوعك يدنن يا ميرو
بييييييجاااد موت موت موت
هههههههههه

الله يرحم ايام الكلاكس ف الاكسلنس
ههههههههههههههه

  رد مع اقتباس
قديم 18-12-2010, 03:54 PM   #10
AREEG
اسطوره لن تتكرر
 
الصورة الرمزية AREEG
افتراضي رد: تعالو نتعلم الروشنه البريئه

لحوس
والله هما اللملاحيس

انت مافي معلوم واهد نفر صديك؟؟
تعالو نتعلم الروشنه البريئه

  رد مع اقتباس
قديم 18-12-2010, 03:57 PM   #11
AREEG
اسطوره لن تتكرر
 
الصورة الرمزية AREEG
افتراضي رد: تعالو نتعلم الروشنه البريئه

المشاركة الأصلية كتبت بواسطة Diamond Heart مشاهدة المشاركة
ايه يا ميرو القاموس دا ههههههههه

فعلا داصبحت لغه الشباب عجيبه

و منها الفاظ كتير غير مقبوله و سخيفه

ربنا يهدينا و يهديهم
تعالو نتعلم الروشنه البريئه تعالو نتعلم الروشنه البريئه

وحشتيني ياعثل ومرورك اكيد يسعدني

  رد مع اقتباس
قديم 18-12-2010, 04:04 PM   #12
AREEG
اسطوره لن تتكرر
 
الصورة الرمزية AREEG
افتراضي رد: تعالو نتعلم الروشنه البريئه

المشاركة الأصلية كتبت بواسطة ايمان مشاهدة المشاركة
مممممممممم في منها بستعملها سراحة الي متل تيب و تبعا بس الي متل الطلاسيم هديك ما فهمت منها اشي اصلا

بمووووووت في الدلع وبحس فعلا انو بعض الكلمات لزيزه بس المهم

ماتكون فيها مبالغه او تحتوي على الفاظ سوقيه او بذيئه

  رد مع اقتباس
قديم 18-12-2010, 04:13 PM   #13
AREEG
اسطوره لن تتكرر
 
الصورة الرمزية AREEG
افتراضي رد: تعالو نتعلم الروشنه البريئه

المشاركة الأصلية كتبت بواسطة جرافيك مان مشاهدة المشاركة
حلو اوي التوبيك ده .. مودوعك يدنن يا ميرو
بييييييجاااد موت موت موت
هههههههههه

الله يرحم ايام الكلاكس ف الاكسلنس
ههههههههههههههه


اااشطه عليك (يعني قشطه ههههه )

شكلك كنت ابو الافتكاسات في الكلاس
مس كتة ولا أيية؟ ياكايدهم انت

تعالو نتعلم الروشنه البريئه


التعديل الأخير تم بواسطة AREEG ; 18-12-2010 الساعة 04:16 PM
  رد مع اقتباس
قديم 19-12-2010, 07:03 PM   #14
BOSS
طالب متفوق

الإقامة :  المملكة العربية السعودية
هواياتي :  كمال أجسام
BOSS اسمه معروف عند الجميعBOSS اسمه معروف عند الجميعBOSS اسمه معروف عند الجميعBOSS اسمه معروف عند الجميعBOSS اسمه معروف عند الجميعBOSS اسمه معروف عند الجميع
BOSS غير متواجد حالياً
افتراضي رد: تعالو نتعلم الروشنه البريئه

اعجبني الموضوع جدا
الله يكفينا الشر
تحياتي لك

  رد مع اقتباس
إضافة رد

الكلمات الدليلية
البريئه, الروشنه, تعالو, وتعلم


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:35 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google