مدرسة جرافيك مان  

ايقاف العضويات التي لم تسجل دخول منذ عام


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > الأقسام العامة > المواضيع الاخباريه > منتدى الخواطر > المنتدى الأدبــــي

الملاحظات

المنتدى الأدبــــي مجتمع الشعر والشعراء .. قصائد فصيحه، قصائد نبطية، قصائد حب، قصائد عتاب، قصائد مدح، قصائد شعبية، قصائد مسموعة، اشعار، وكل مايتعلق بالقصيدة graphic man


مش انت واحد مننا ؟؟ .. أحمد فؤاد نجم لمبارك

مجتمع الشعر والشعراء .. قصائد فصيحه، قصائد نبطية، قصائد حب، قصائد عتاب، قصائد مدح، قصائد شعبية، قصائد مسموعة، اشعار، وكل مايتعلق بالقصيدة graphic man


إضافة رد
 
أدوات الموضوع إبحث في الموضوع انواع عرض الموضوع
قديم 07-05-2011, 05:06 PM   #1
Diamond Heart
نجمه المدرسه
 
الصورة الرمزية Diamond Heart
افتراضي مش انت واحد مننا ؟؟ .. أحمد فؤاد نجم لمبارك












مش انت واحد مننا ؟؟

و عمرك في يوم ما سرقتنا..
ولا خدت مليم مننا..
ما تيجي طب ترجعلنا
تقعد بأهلك وسطنا
أهو مرة تاكل أكلنا..
وتلبس يا خويا من لبسنا
وتعيش في حارة او في شارع زينا
قلت ايه ؟؟ يا حارق دمنا
سيادة المخلوع ... ارجعلنا
وغداك يا سيدي عندي أنا
رز و بطاطس مسرطنة
لحمة ؟؟... مفيش من سنة
فاكهة ؟؟... تعيش انت و أنا
و الشاي .. بآخر معلقة م السكر اللي كان عندنا
اشرب و فوق وركز بقه .. علشان نكمل حكينا
سيادة الرئيس ... ارجعلنا
مش سبت الحكم .. لأجلنا ؟؟ـ
ما تيجي تسمع حكمنا !!ـ
أفكرك ؟؟ ولا انت فاكر زينا
قطار اتحرق من كام سنة
وغازنا اللي طار من أرضنا ... لعدونا
وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا
ومركبة بأحلى شباب ... ييجوا من ايطاليا غرقانين .. والقرش ياكل لحمنا
والله كانوا زينا
ويمكن أحسن مننا
لهم بيوت و ولاد و عيشة و حلم .. زي حلمنا
اتغربوا و اتبهدلوا .. لما الفساد طال كل حاجة في أرضنا
واللي ما ماتش .. قاعد في غربته .. والغريب بيذلنا
اقول كمان ؟؟ ولا كفاية ... و اهو انت عارف عننا
أصبر هتسمع حكمنا
سيادة الرئيس ... ارجعلنا
ولو انت واحد مننا
فعلا يهمك أمرنا
بينا عالنائب العام .. تفتنله على ولاد الحرام ... مصوا بلدنا و دمنا
و افتن دي فتنة مش حرام .. ده حقنا
دا لو انت واحد مننا
أصبر هتسمع حكمنا
سيادة الرئيس ... ارجعلنا
اقعد معانا و زينا
هعرفك .....ـ
دي (أم خالد) أمنا
ودول أهل (سالي) أهلنا
و(عمر بن بنونة ) إبننا
فسر و احكي و قللهم .. و قللنا
واستسمح الروح اللي منورة في الجنة عند ربنا
هتقول مكنش قصدنا ؟؟ـ
دول ماتوا غصب عننا ؟؟ـ
كداب و فاجر .. و اللي يصدقك زيك .. والكدب ريحته منتنة
تتشل إيد اللي ضرب ،، و اللي أمر ،، و عليكوا لعنة ربنا
أصبر هتسمع حكما
أيوه بقول ارجع لنا
ياللي سرقت حلمنا
وغربتنا و نهبتنا ... و في كل حتة أهنتنا
إحنا اللي سال دمنا
في الأربعين و اسكندرية و التحرير يشهدلنا
آدي القفص ... أقف هنا
والشعب يحكم .. مش أنا
صدقني ... هي بينة
من فوق سبع سماوات .. قالها ربنا
العين بالعين والسن بالسن ... و هو دا بقه حكمنا ... و مفيش غيره عندنا



مش انت واحد مننا ؟؟ .. أحمد فؤاد نجم لمبارك مش انت واحد مننا ؟؟ .. أحمد فؤاد نجم لمبارك

توقيع - Diamond Heart



سبحان الله
.. الحمدلله .. لا اله الا الله .. الله اكبر



  رد مع اقتباس
قديم 06-03-2012, 09:05 AM   #2
الموهوب1
طالب جديد

هواياتي :  الرياضه والفوتوشوب
الموهوب1 يملك الكثير من الإبداعات لكنه يكتفي بالقليلالموهوب1 يملك الكثير من الإبداعات لكنه يكتفي بالقليلالموهوب1 يملك الكثير من الإبداعات لكنه يكتفي بالقليلالموهوب1 يملك الكثير من الإبداعات لكنه يكتفي بالقليلالموهوب1 يملك الكثير من الإبداعات لكنه يكتفي بالقليلالموهوب1 يملك الكثير من الإبداعات لكنه يكتفي بالقليلالموهوب1 يملك الكثير من الإبداعات لكنه يكتفي بالقليلالموهوب1 يملك الكثير من الإبداعات لكنه يكتفي بالقليلالموهوب1 يملك الكثير من الإبداعات لكنه يكتفي بالقليل
الموهوب1 غير متواجد حالياً
افتراضي

احمد فؤاد نجم دا سافل اخر حاجه

بس له قصايد جامده اخر حاجه بردوا

تسلمى دياموند على القصيده الجميله دى

فكرتينى بنكته بيقولك حسنى مبارك قرر يدى لكل واحد من الشعب مليون جنيه بس يرجع للحكم فالشعب قال ومين قاله ارحل المذيعه قالتلهم انتوا فى ميدان التحرير قالولها لا احنا كنا بنقول ايه الحل ؟ ايه الحل ؟

  رد مع اقتباس
قديم 20-04-2012, 01:21 PM   #3
Diamond Heart
نجمه المدرسه
 
الصورة الرمزية Diamond Heart
افتراضي

ما احنا بنحاول ننتقى منها الممكن

تسلم على مرورك

توقيع - Diamond Heart



سبحان الله
.. الحمدلله .. لا اله الا الله .. الله اكبر



  رد مع اقتباس
قديم 20-04-2012, 01:58 PM   #4
karema1
عضوه
افتراضي

هههههههههههه

انا بعشقه الراجل دة على الرغم انه لسانه طويل

ولكنه جرئ وصريح ومش بيخاف

  رد مع اقتباس
قديم 03-05-2012, 02:51 PM   #5
Diamond Heart
نجمه المدرسه
 
الصورة الرمزية Diamond Heart
افتراضي

هو فعلا لسانه مش حلو


ربنا يهديه و يهدينا

نورتينى نهال

توقيع - Diamond Heart



سبحان الله
.. الحمدلله .. لا اله الا الله .. الله اكبر



  رد مع اقتباس
إضافة رد

الكلمات الدليلية
, , , ,


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:23 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google