مدرسة جرافيك مان  

ايقاف العضويات التي لم تسجل دخول منذ عام


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > الأقسام العامة > المواضيع الاخباريه > منتدى الخواطر

الملاحظات

منتدى الخواطر الخواطر : هي كلمات ذات إبداع حسي تترجم فيها الأحاسيس بأسلوب ملفت للنظر يستهوي القارىء لمتابعتها وذلك لما تحويه من معاني عاطفية عميقه تعبر عن ماقد يجول في خاطرنا ..


قصيدة كأنك مفيش - أحمد فؤاد نجم

الخواطر : هي كلمات ذات إبداع حسي تترجم فيها الأحاسيس بأسلوب ملفت للنظر يستهوي القارىء لمتابعتها وذلك لما تحويه من معاني عاطفية عميقه تعبر عن ماقد يجول في خاطرنا ..


إضافة رد
 
أدوات الموضوع إبحث في الموضوع انواع عرض الموضوع
قديم 29-06-2011, 03:31 AM   #1
عبدالقوى
كبار الشخصيات
 
الصورة الرمزية عبدالقوى

الإقامة :  محافظه المنوفيه
هواياتي :  الكمبيوتر والانترنت
عبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارز
عبدالقوى غير متواجد حالياً
افتراضي قصيدة كأنك مفيش - أحمد فؤاد نجم


كأنك مفيش ..

برغم إن صورك فـ كل الدواير
وكل المداخل وكل المحاور
ومليا الشوارع على كل حيط ..
مطنش علينا وعامل عبيط ..
كأنك مفيش ..

***





يا فرحة قلوبنا رئيسنا ظريف ..
فُكهي ..
إبن نكته ودمه خفيف
فـ عهدك سيادتك فَرَشنا الرصيف
وآخر مُنانا الغُموس والرغيف
وكل أمَّا تُخنُق ندوَّر ..
مفيش !!

***

مسيِّب علينا عصابة حبايبك
فضايح وسرقة ونهب بسبايبك
مابين حزب نجلك .. وهانم جلالتك
وجيش الغوازي إللَّي داير يجاملك
وناملك وقاملك .. وحارسك وأمنك
شبعنا مهانه .. شبعنا لطيش ..!
وأنت .. مفيش !!

***

باعونا فـ حضورك ..
ببركة عِبـيدك وغالي وسرورك
باعوا الأراضي .. وكل المصانع
وباعوا البنوك ..
وقدَّام عِنيك .. صوتنا إتـنبح ..
ننادي عليك ..
إلحق يا ريس : ده باعوا الحديد !!
وأنت منشِّف دماغك عنيد !!
.. كأنك مفيش !!

***

دوشتوا دماغنا " بجمال " طلعتك
ومن يومها وإحنا عَبـيد حضرتك
ما تزعلش إني مواطن أبيح
ورافض كلابك فـ شعبك تطيح
فسادهم يا ريِّس واضح .. صريح
قوم بينا صلّح وفتَّش .. وثور
ح نكتب تاريخك ياريِّس بنور
مش تبقى عايش كأنـَّك مفيش !!

***

ورحمة أبوك .. مادام أنت قاعد
عيب لمَّا عُصبة نَـوََر يسحبُوك
م تُقبض عليهم .. م تقطع إيديهم ..
م تعمل عليهم يا ريِّس شاويش
بدل م انت ساكت وقاعد مفيش

***

ياريس علىّ الطلاق تعبانين !!
ياريس علىّ الحرام كفرانين !!
صبرنا سنين ..
سيادتك مسلطن
وشعبك وناسك بتاكل مسرطن
وتشرب مجاري وميت سم هاري ..
ومش دريانين !!
ما تنهض يا ريس تلم الديابه ؟!!
ده شعبك غلابه ..
ومليان طيابه ..
وهوَّ الشفاعة ف يوم الحساب
وهما البطانة الحُثاله الكلاب
ما يملاش عنيهم غير التراب
وليهم ضوافر
وميت ألف ناب
وواقفين لشعبك ورا كل باب
لإمتى ح تسكت وليه الغياب ؟
ده ياما ممالك طواها التراب
حياتنا ياريس تعب فوق عذاب
يا ريس " شريفك " ماهوَّاش شريف !!
" نظيفك " يا ريس ماهوَّاش نظيف !!
وحتى " حبيبك " ماهواش حبـيب !!
وأنا غصب عني .. خلاص إستويت ..
بـ غـُلبي إنحنيت ..
وطلعان عنيا .. وصعبان عليا
بحسبة بسيطة ومن غير خريطه ..
وكونك مفيش .. لقيت متساويش
ومش فارقه أعيش ..
نويت أشتكيك للِّي فوقي وفوقك
وأصلي الفرايض ..عسى يفـُك طُوقـك
قالولي إللي يسجد عدو النظام !!
حاولت أحكي حالي ..!!
قالولي الحكاوي نميمة وحرام !!
فكرت أكتب ..
لقيتكم سيادتك منعتوا الكلام !!
فقررت أحلم ..
هاحلم سيادتك وأفُك اللِّجام
ولو مش هيعجب سيادتك يا فندم
وصِّي العساكر .. تاخُدني أمَّا انام !!

***

حلمت إني شعب ..!
حلمت إني شعب ومصلوب بطولي
على أرض سمرا
ودمي بينـزف ومليان جروح
وفوق صدري جمرة
يميني مربّط على أرض طابا
شمالي ممسمر فـ "أولاد علي"
ورجلي على جزع نخلة فـ "حلايب"
ومرتاح براسي على حِجْر مصر
وشوفتك ياريس ..كأنك ولي ..
كأنك نبي ..
فـ إيدك عصاية وليك معجزات
وشايل صليبي وبتفـُكني ..
وانا فـ جنَّه خضره .. وتحتي جداول ..
ومن فوقي نور .. وريحة بخور ..
همست ف ودانك بآخر وصيّة :
إنسى إللي فاتك ..
هننسى الأسية .. !!
أمانه عليك ..
حُط الوطن جُوَّه نِنِّي عينيك
كرامة عيالنا أمانة ف إيديك
بحق إللي بينّا يا ريِّس وبـينك
وحَق اليَمِين و" ألكتاب " فى يمينك
بحق الشهيد .. إللي رافع جبينك
وجيش إنتصارك فى يوم العبور
وجيل حُر طالع .. وعدته بدور
لملم عيالك .. وجمَّع فـ مالك

وإسحب " جمالك " وسيبنا وغور

  رد مع اقتباس
قديم 29-06-2011, 04:08 AM   #2
Eman
كبار الأعضاء
افتراضي رد: قصيدة كأنك مفيش - أحمد فؤاد نجم

عبدالقوى

كلمات معبرة

ميرسي الك اخي الفاضل

  رد مع اقتباس
قديم 29-06-2011, 07:57 PM   #3
عبدالقوى
كبار الشخصيات
 
الصورة الرمزية عبدالقوى

الإقامة :  محافظه المنوفيه
هواياتي :  الكمبيوتر والانترنت
عبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارزعبدالقوى له مستقبل بارز
عبدالقوى غير متواجد حالياً
افتراضي رد: قصيدة كأنك مفيش - أحمد فؤاد نجم

تسلميلى يالمسه على المرور الكريم

  رد مع اقتباس
إضافة رد

الكلمات الدليلية
, , , ,


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:41 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google