مدرسة جرافيك مان  

ايقاف العضويات التي لم تسجل دخول منذ عام


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > الأقسام العامة > المواضيع الاخباريه > الاخبار

الملاحظات

الاخبار أخبار عالميه محليه متابعه الاحداث ، مواضيع متنوعه في كافة المجالات ،حوادث ، قضايا الساعه ، أخباريه ، متابعات


تجربتى مع التجنيد .. خطوة بخطوة

أخبار عالميه محليه متابعه الاحداث ، مواضيع متنوعه في كافة المجالات ،حوادث ، قضايا الساعه ، أخباريه ، متابعات


إضافة رد
 
أدوات الموضوع إبحث في الموضوع انواع عرض الموضوع
قديم 02-09-2009, 06:00 PM   #1
bio7mo
نجوم المدرسة
 
الصورة الرمزية bio7mo
B10 تجربتى مع التجنيد .. خطوة بخطوة


تجربتى مع التجنيد .. خطوة بخطوة


سأقوم فى هذا الموضوع بشرح جميع خطوات التقدم للتجنيد التى قمت بها أنا شخصيا .. ليستفيد منها جميع المتقدمين للتجنيد من أعضاء وزوار مدرسة جرافيك مان ..

فى البداية سنقسم الخطوات إلى مراحل وسنشرح كل مرحلة بالتفصيل ..
1 – مرحلة تجهيز الأوراق والمستندات الرسمية .
2 – مرحلة تقديم الأوراق الرسمية إلى مكتب التجنيد التابع له المتقدم للتجنيد .
3 – مرحلة الكشف الطبى فى منطقة التجنيد .
4 – يوم الإرجاء .
5 – مرحلة إنهاء إجراءات دخولك الجيش .

نبدأ بالمرحلة الأولى : مرحلة تجهيز الأوراق والمستندات الرسمية .

1- فيش جنائى حديث ، وده بيطلع من القسم ، العادى ب 4 جنيه والمستعجل ب 6 ، والمستعجل بيطلع تانى يوم على طول .

2- المؤهل الدراسى . وبيكون الشهادة المؤقته أو حتى إفاده بالنجاح .. طبعا الأصل

3- شهادة ميلاد كمبيوتر .. و يمكن استخراجها في نفس اليوم من السجل المدنى مقابل سبعة جنيهات .



4- فصيلة دم من مستشفى حكومى .. مختومة بختم النسر .

5- البطاقة العسكرية 6 جند . ودى موجوده فى الملف الخاص بك فى الكلية .. هتستلمه عند التخرج .

6- صورة من البطاقة الشخصية .. (ويكون معاك أصل البطاقة )

7- 3 صور شخصية 4 × 6 بدون لحية ويفضل لو خلفية بيضاء .

8- رخصة القيادة ان وجدت .

9- قسيمة زواج للمتزوجين .

10- قيد عائلى للمؤهلات العليا.. وهى دى الخطوة الأطول .. حاول تعمله قبل ميعاد الكشف الطبى بحوالى 3 أسابع على الأقل.. وده طبعا على حسب القسم التابع إليه وعلى حسب الضغط .. وممكن يخلص فى يومين بس هيكون بشكل غير رسمى .. فاهمنى طبعا .
الأوراق المطلوبة لعمل القيد العائلى :
- نموذج 17 و 40 الخاص بالقيد العائلى وده من البريد أو ممكن تاخده من موظف الأحوال المدنية اللى هتعمل عنده القيد العائلى .
- صورة قسيمة الزواج للوالدين ..( ويكون معاك أصل القسيمة ) .
- صورة بطاقة الوالد والوالده .
- صور شهادات ميلاد كمبيوتر لإخوتك إذا كانوا لم يحصلوا على بطاقة شخصية حتى الآن .. أما إذا كانت معهم فنكتفى بصورة لبطاقاتهم .
- صورة بطاقة شخصية لك .
- طابع شرطه بجنيه . من قسم الشرطه .

ثم تقوم بملأ نموذج 40 على ما أذكر .. لاحظ أن هناك وجهان للنموذج أحدهم للقيد العائلى وده اللى هتكتب فيه البيانات المطلوبة .. ملحوظة أخرى القيد العائلى بيكون باسم والدك .. يعنى هتكتب الأول بيانات الوالد .. ثم تكتب بيانات الوالدة .. ثم بيانات الأبناء متضمنة بياناتك أنت .
ثم تقوم بلصق طابع الشرطة وتسلم كل الأوراق للموظف وهياخد منك رسوم 11 جنيه . وماتنساش الايصال لازم يكون مختوم .

ملحوظة هامة : ممكن تتقدم لمكتب التجنيد بإيصال القيد العائلى .. لو لم يتم الإنتهاء من القيد العائلى.. فلا تقلق لو تأخرت فى عمل القيد العائلى .

2 – مرحلة تقديم الأوراق الرسمية إلى مكتب التجنيد التابع له المتقدم للتجنيد .

بعد الانتهاء من الحصول على جميع الأوراق المطلوبة .. تقوم بالتوجه إلى مكتب التجنيد التابع له .. وغالبا بيكون بجوار قسم الشرطة .
يقوم المسئول هناك فى مكتب التجنيد بأخذ الأوراق منك وترتيبها والتأكد من أنها كامله .. يعطيك الأوراق وعليها أوراق إضافية تسمى الفيش الرباعى وده عبارة عن ثلاث ورقات متشابهه .. ستأخذها وتدخل للقسم لعمل تبصيم لك .. زى ما حصل لك فى الفيش الجنائى .
وبعد كده ترجع لمكتب التجنيد وتعطيه كل الأوراق مرة أخرى سيقوم بختمها بختم مهم جدا وهو على شكل معين .. وهذه هى أخر خطوة ..
ملحوظة : مرحلة مكتب التجنيد والفيش الرباعى كل ده بيخلص فى نفس اليوم .

3 – مرحلة الكشف الطبى فى منطقة التجنيد .

قبل الذهاب إلى منطقة التجنيد قم بتصوير حوالى 5 أو 6 نسخ من أوراقك كلها حتى أيصال القيد العائلى لو لم يمكنك إستلامه بعد .. ولا تقوم بتدبيسها لأنك كده كده هتفكهم هناك علشان هترتبها بشكل معين هيقولك عليه المسئول العسكرى هناك .
ملحوظة : هذه الأوراق لا تقدر بثمن فحافظ عليها بشده .
يلا نبدأ يوم الكشف :
حاول الذهاب إلى منطقة التجنيد مبكرا حوالى الساعة 7 صباحا .. ستقف فى طابور طويل .. وبعد كده هتدخل .. لو أنت مصور أوراقك كله تمام حوالى 5 صور أو أكثر هتقف فى طابور لأخذ بطاقة حمراء ومعها كتيب به معلومات عن التجنيد ثمنها جنيه واحد .
ولو مصور أوراقك أقل من 5 صور هتقف فى طابور لتأخذ بون تصوير وبعد ذلك تذهب لمكان التصوير وهتقف فى طابور تانى برضه .

بعد كده هتروح لمكان تحت مظلة وهيكون هناك عسكرى هيقولك على كيفية ترتيب الأوراق .. وتركز معاه جدا .. ملحوظة يجب أن تكون حالق اللحية .. ومقصر للشعر .. حتى لا تضطر أن تحلقهم هناك
بعد كده هيأخدكم إلى قاعة الإستقبال لتنتظر أن ينادى على اسمك لتذهب ليتم تصويرك بالقميص الزيتى (الزى العسكرى) .وأثناء انتظارك لسماع اسمك بيوزع عليك وثيقة تعارف بتكتب فيه شوية بيانات عن عائلتك . يعنى عناوين واسماء ومؤهلات ..
بعد ذلك تذهب لمكان الكشف الطبى .. سيطلب منك خلع جميع ملابسك من الآخر كده هتكون بالشورت بس .. وبكده هتحتاج شنطه أو كيس تضع فيها ملابسك .. وتبدأ تمر على الأطباء وتقول أى حاجه بتشتكى منها .. ولو معاك حاجه تدل على كده خدها معاك ..
هتمر على العظام والجلدية والعيون والجراحه .. وكشف الجراحه بيطلب منك فيه إنك تخلع الـ .. أنا بقولك علشان مش عايزك تتفاجئ بالطلب ده هناك .
وبعد كده بتذهب لقاعة أخرى وهى العرض العام بينظموكم فى صف جنب بعض وبيمر عليكم أطباء بس رتب عاليه يعنى عقيد أو عميد .. وهنا لو عندك أى مشكله بتطلب الكشف ولومحتاج كشف أعلى بيعملك لجنه طبيا عليا .

بعد ما بتخلص الكشف الطبى بترتدى ملابسك .. وبتروح على قاعة تانية علشان نموذج الـ 110 جند وهناك بيطلب منك كتابة شوية بيانات على إفادة النجاح وهياخد منك صورتين من القيد العائلى لو كان معاك أو بتكتب إقرار انك هتسلمه بعد كده .. المهم بعد انتظارك مده هينادى على اسمك وهيسألك على كليتك وتخصصك وتقديرك ووظيفة الوالد .. وبيسموها المقابلة الشخصية .. وبعد كده تذهب لمظلة كبيرة .. وهناك هتنتظر وتكون صبور جدا على ما ينادى اسمك وتأخد نموذج الـ 110 جند اللى مكتوب فيه ترشيحك هل هتكون ظابط احتياط ولا هتكون عسكرى .. وتروح على البيت بعد عناء يوم طويل .. فى الغالب هتروح بعد العصر .

وبكده يكون قد انتهى يوم الكشف الطبى .. وموجود بالنموذج الـ 110جند ميعاد يوم الإرجاء اللى هتعرف فيه هل ستنال شرف خدمة الوطن ولا هتروح على بيتك فى انتظار شهادة التأجيل .



نصائح هامة :
- فى البداية اذهب إلى مكتب التجنيد بعد ما تخلص كليتك واسئل عن ميعاد التقدم للتجنيد .. وخد بالك .. نصف اول يعنى مواليد شهر 1 إلى 6 ونصف تانى يعنى مواليد شهر 7 إلى 12 . واسئل برضه فى مكتب التجنيد حتى لا تتخلف عن دفعتك ..
- قم بتصوير جميع أوراقك خمس نسخ أو أكثر .
- قم بحلق اللحية وتقصير الشعر .
- لا تذهب التجنيد بملابس قيمة .
- خذ معاك أى حاجه تحميك من الشمس .
- خذ معك مياه وسندوتشات .. عامة هناك فى بسكوت وحاجات كده وكمان كان فيه بيتزا بس المياه مش مضمونه .
- الحمام غير مضمون .. وأعمل حسابك على كده لأنه غالبا مفيش حمام .. يعنى على أى جنب ههههه .


وبكده نكون إنتهينا من مرحلة تجهيز الأوراق والكشف الطبى يتبقى لنا الإرجاء وما بعدها .. نكملها قريبا ..

تحياتى للجميع




توقيع - bio7mo


التعديل الأخير تم بواسطة bio7mo ; 04-09-2009 الساعة 11:11 AM
  رد مع اقتباس
قديم 02-09-2009, 06:05 PM   #2
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي

كده تمام قوي
بس انت مقلتش البنات بتعمل ايه في التجنيد ؟
^____^

  رد مع اقتباس
قديم 03-09-2009, 01:52 PM   #3
elnaggar
استاذ الخط العربي
 
الصورة الرمزية elnaggar

الإقامة :  مصر الكنانه
هواياتي :  الخط العربي ؛؛؛ قراءة الشعر
elnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدعelnaggar مبدع
elnaggar غير متواجد حالياً
افتراضي

ملازم bio7mo

تجربتى مع التجنيد .. خطوة بخطوة تجربتى مع التجنيد .. خطوة بخطوة تجربتى مع التجنيد .. خطوة بخطوة

تسلم يا غالى والله معاك

خطواط وشرح مفيد جدا بس للاسف جه متأخر بالنسبه لى تجربتى مع التجنيد .. خطوة بخطوة تجربتى مع التجنيد .. خطوة بخطوة

تحياتى لك وتقبل مرورى

توقيع - elnaggar

---------------------------------------------------
أكلبٌ أنت أم أســـدُ ؟ ***** أروحٌ أنت أم جســـدُ ؟

أم الشيطان يخدعنا ***** بصورةِ حاقـــــدٍ يـعـــدُ

بعدلٍ زائفٍ يسعــــى ***** لقتلِ الناسِ يجتهــــــدُ

سترحل ذالك أولهــا ***** ستُقتل أيها الوغـــــــدُ
--------------------------------------------------

  رد مع اقتباس
قديم 04-09-2009, 11:27 AM   #4
bio7mo
نجوم المدرسة
 
الصورة الرمزية bio7mo
افتراضي

ألف شكر لكم جميعا على المرور ..

طبعا جرافيك .. البنات لها دور برضه فى التجنيد .. بس هو دور واحد بس.. دور كبير فى حياة كل شاب .. ده لما يكون كل أخواتك بنات هتكون انت يا سيدى الولد الوحيد .. وبكده أنت أخدت تأجيل لحين ظهور أى أخ لك ... هههههههه ..
أنا عارف انك كنت عايزهم يدخلوا الجيش .. ههههه ..

ألف شكر لك أخى النجار على المرور ..


تحياتى إليكم

توقيع - bio7mo

  رد مع اقتباس
قديم 04-09-2009, 11:20 PM   #5
bio7mo
نجوم المدرسة
 
الصورة الرمزية bio7mo
افتراضي

4 – يوم الإرجاء :

هذا هو يوم إعلان من سيتم إلتحاقه بالجيش ومن سيأخذ تأجيل .. ويكون ذلك على حسب التخصص أو على حسب المواليد .
فى اليوم المحدد للإرجاء .. بالنسبة لدفعتى وهى كانت (نصف أول 2009 ) .. بدئنا الدخول للمنطقة حوالى الساعة 9.30 صباحا .. وقاموا بتنظيمنا وجلسنا منتظرين حتى إعلان نتيجة الإرجاء و كانت الساعة حوالى 11.30 صباحا ..
فى البداية أعلنوا عن التخصصات المطلوبة لدى القوات المسلحة .. ومن يسمع تخصصه يقوم بالإنتقال إلى مظلة أخرى وهو بذلك قد أصبح فردا من القوات المسلحة .. التخصصات مثل ( تمريض – هندسة (تخصصات معينة ) – العلوم – الطب – أداب (اللغات غالبا) .. وهكذا )
بعد ذلك أعلنوا المواليد التى تحتاجها القوات المسلحة يعنى مثلا (مواليد 1-1-1988 ) تم الاعلان عنه إذن كل من ولد فى هذا اليوم فقد أصبح فرد من أفراد القوات المسلحة .

ملحوظة هامة : من دخل بالتخصص فليس له علاقة بالمواليد .. بمعنى لو تخصصك مطلوب وتاريخ ميلادك غير مطلوب .. كده كده داخل الجيش لأن الجيش محتاج تخصصك .

ما غير ذلك يأخذ تأجيل ثلاث سنوات .. ويعطوه تاريخ معين ليستلم فيه الشهادة .ومبرووك يا سيدى

أما المجموعة التى تم الاعلان عن تخصصاتها أو مواليدها .. فيأخذوا ميعاد ليأتوا مرة أخرى للمنطقة لعمل تحليل فيروس سى .

وبكده يكون يوم الإرجاء إنتهى .

5 - مرحلة ما بعد الإرجاء :

- يوم تحليل فيروس سى .. ستذهب فى هذا اليوم ومعك الـ 110 جند .. وتقوم بعمل تحليل فيروس سى .. بعد أن يختموا لك الـ 110 جند بأنك قمت بالتحليل .. تأخذها وبيعطيك أثناء فترة التحليل كارت أصفر وكارت أحمر ووثيقة تعارف ظابط إحتياط .. هتاخدهم وتملاهم فى البيت ..
أما لا قدر الله إذا أظهر التحليل أنك تحمل فيروس سى فستأخذ إعفاء نهائى من التجنيد .

حتى هذه المرحلة كل الذى قمت بشرحه .. فهو ينطبق على من تم ترشيحه ظابط إحتياط أو جندى .
الخطوات القادمة تنطبق على من تم ترشيحة ظابط إحتياط ..

6- مرحلة كشف الهيئة فى حلمية الزيتون (منطقة التجنيد) :

من تم نرشيحة ظابط إحتياط .. سيقوم بالذهاب لعمل كشف الهيئة فى الميعاد المحدد له فى الـ 110 جند وتذهب مبكرا .. الساعة 7 صباحا ..
أما عن كيفية الوصول إلى حلمية الزيتون .. إذا كنت من خارج القاهرة .. لما تنزل الموقف فى عبود أو فى المؤسسة .. تأخذ عربية إلى رمسيس ومنها تأخذ المترو .. وهناك تسأل أى إتجاه لأن هناك إتجاهين .. المهم وهتنزل فى محطة حلمية الزيتون .. وهتعدى الكوبرى .. وبعدين اسئل على منطقة التجنيد .. عامة انت هتمشى فى نفس الشارع حوالى 10 دقائق .. أو ممكن تركب تاكسى يوصلك .. وممكن تلاقى عربية ميكروباص .

المهم بعد ماتوصل هناك وتدخل هتلاقى انهم موزعين كل منطقة تجنيد فى مظلة .. وبينادى على الأسماء وبيديها أرقام احفظه كويس وتكتبة على الكارت الأصفر والكارت الأحمر ووثيقة التعارف .. لاتنسى أن تأخذ منه ورقة أخرى سيعطيها لك العسكرى مثل وثيقة التعارف وبها بيانات هتملاها ..
بعد ذلك ستدخل إلى قاعة أخرى وهناك سيتم قياس وزنك وطولك ما تنساش تحفظة .. عامة هو هيكتبهولك ..

بعد كده هتدخل إلى قاعة الكشف الطبى .. وهيجيلك إستشاريين كبار فى جميع التخصصات وولو عندك أى حاجه بتقوله عليها ولو المشكلة محتاجه أشعة أو تحاليل هيخليك تعملها ..
بعد كده هتروح لقاعة أخرى وهى خاصة بكشف الهيئة .. وهناك هينادى على اسمك ويعطيك رقم مسلسل تحفظة .. وبعدين هتدخل غرفة كشف الهيئة .. هيكون موجود مدير كلية الضباط الإحتياط ومعاه مجموعة تانية وكل واحد أمامه شاشة .. وبتدأ تقول رقمك المسلسل واسمك وطولط ووزنك .. وهيسألك بتشتكى من حاجه ولا لأ .. وهنا ممكن ينزلك عسكرى لو تستاهل الشكوى .

وبعد كده بتطلع وتختم الـ 110 جند وده دليل إنك حضرت كشف الهيئة وده مهم جدا .. خد بالك

بعد كده بتخرج و على البيت
وكده يكون كشف الهيئة إنتهى وفى إنتظار النتيجة ..

لحين صدور النتيجة أترككم ونكمل بعدها ..

تحياتى إليكم

توقيع - bio7mo


التعديل الأخير تم بواسطة bio7mo ; 04-09-2009 الساعة 11:23 PM
  رد مع اقتباس
قديم 21-09-2009, 11:28 AM   #6
bio7mo
نجوم المدرسة
 
الصورة الرمزية bio7mo
افتراضي

السلام عليكم .. أخباركم إيه ؟

يلا نكمل موضوعنا ..

من كم يوم كانت نتيجة كشف الهيئة اللى فى حلمية الزيتون .. كتير جدا من الناس اللى كانت مترشحة ظباط نزلوا عساكر .. و أخذوا 160 فقط هما اللى ظباط احتياط (الكلام ده بالنسبة لمنطقة تجنيد الأسكندرية ) .. والمجموعة دى هى اللى هتكمل الاختبارات المتبقية لهم (اختبار السمات ثم المناظرة ) ..

بالنسبة للمجموعة اللى نزلت عساكر اخذوا ميعاد الترحيل .. وخلاص على كده

وبكده يكون يوم النتيجة انتهى كلامنا فيه ..

الخطوة القادمة لمن ترشح ظابط احتياط هى الذهاب لاختبار السمات الموجود فى ألماظه الكيلو 4.5 ( القاهرة ).. بعد ما أخلصه إن شاء الله أخبركم بما حدث ..


تحياتى لكم

توقيع - bio7mo

  رد مع اقتباس
قديم 21-09-2009, 04:43 PM   #7
Bio_Chem_000
طالب جديد
 
الصورة الرمزية Bio_Chem_000
افتراضي

ربنا يوفقك يا مان
وتخلص على خير إن شاء الله
وترجع لنا بألف سلامه تجربتى مع التجنيد .. خطوة بخطوة

  رد مع اقتباس
قديم 26-09-2009, 10:12 AM   #8
abutamim
طالب مجتهد
افتراضي

ربنا يوفقك اخوووووووووووي
فى مهمتك
تقبل تحياتي

  رد مع اقتباس
قديم 26-09-2009, 10:28 AM   #9
سلطان الزهراني
الرائـــع
 
الصورة الرمزية سلطان الزهراني

الإقامة :  السعوديه
هواياتي :  الجرافيك والمونتاج
سلطان الزهراني في إبداع مستمرسلطان الزهراني في إبداع مستمرسلطان الزهراني في إبداع مستمرسلطان الزهراني في إبداع مستمرسلطان الزهراني في إبداع مستمر
سلطان الزهراني غير متواجد حالياً
افتراضي

ربنا يوفقك

وان شاء الله تنال اللي في بالك يارب


كل الود

  رد مع اقتباس
قديم 20-10-2009, 12:27 AM   #10
bio7mo
نجوم المدرسة
 
الصورة الرمزية bio7mo
افتراضي

السلام عليكم .. أخباركم إيه يا شباب ؟؟؟؟ .. معلش على التأخير .. ألف شكر لكم جميعا على المرور .. وإن شاء الله أخلص على خير ..

نرجع لموضوعنا لقد إنتهيت من عمل إختبارات السمات والمناظرة ..
واللى حصل فى إختبار السمات هو إختبار نفسى على الكمبيوتر يعنى حوالى 100 سؤال على الكمبيوتر وبتجاوب عن طريق لمس الاجابة الصحيحة على الشاشة .. وبعد كده بتروح على مقابلة شخصية مع ظابط وهيكون واحدة ست .. هو مجرد دردشة خفيفة يعنى فى ظروف فى البيت عندك كم أخ ويشوف تفكيرك وأسلوبك فى الكلام وهكذا .. وبعد كده بتروح علشان يسحبوا منك دم لعمل تحاليل دم زى الإيدز وفيروس سى وكده .. وبكده يكون السمات خلص .. وهيعرفك اليوم المحدد لعمل إختبار المناظرة .


إختبار المناظرة .. بالظبط زى كشف الهيئة وفى نفس المكان فى حلمية الزيتون ولكن مفيش كشف طبى إلا للناس اللى ظهرت عليهم حاجه مستجدة ..
المهم بعد ما هتخلص المناظرة وفيها هيسألك على اسمك , طولك , وزنك وخلاص على كده .. بتعرف ميعاد النتيجة وتروح على البيت فى إنتظار يوم النتيجة فى منطقة التجنيد وغالبا هيكون قبل الترحيل بيوم أو يومين ..

وبكده نكون قد إنتهينا من كل الخطوات ..

تحياتى لكم

توقيع - bio7mo

  رد مع اقتباس
قديم 01-11-2009, 06:04 AM   #11
Eman
كبار الأعضاء
افتراضي

اخوى

::
::
::


ميرسي الك علىطرحك

بارك الله فيك اخوى

ودامك فى حفظ الله وامنه

منتظرة جديدك

لمسه حنين

  رد مع اقتباس
قديم 05-05-2010, 03:26 PM   #12
الـقـلـب الـحـزيـن
كبار الشخصيات
 
الصورة الرمزية الـقـلـب الـحـزيـن

الإقامة :  السعوديه .. الرياض ..
الـقـلـب الـحـزيـن على طريق التميز
الـقـلـب الـحـزيـن غير متواجد حالياً
افتراضي

طرح جميل


تقبل مروري

  رد مع اقتباس
إضافة رد

الكلمات الدليلية
, , , , , ,


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:31 AM.


Powered by vBulletin® Version 3.8.8
Copyright ©2000 - 2018, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google