مدرسة جرافيك مان  

مشاريع افترافكت


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > إستراحة نواعم للبنات فقط > حواء > مكياج وتسريحات شعر

الملاحظات

مكياج وتسريحات شعر مكياج خليجى , مكياج لبنانى , مكياج هادى , مكياج عروسة , مكياج الجامعة , ميك اب للسهرات , مكياج عيون , مكياج نهار , مكياج النجمات , مكياج جديد , احدث تسريحات الشعر , قصات للشعر الطويل , قصات للشعر القصير , صبغات الشعر , احدث الوان صبغات الشعر , تسريحات شعر , تسريحات شعر للعروسة , تسريحات شعر الاطفال , تسريحات شعر مراهقات , تسريحات شعر للمدرسة , تسريحات شعر بسيطة , جدايل شعر


ملف رائع لفات طرح 2016 لفات طرح رائعه 2017 خطوات عمل لفات شالات وطرح

مكياج خليجى , مكياج لبنانى , مكياج هادى , مكياج عروسة , مكياج الجامعة , ميك اب للسهرات , مكياج عيون , مكياج نهار , مكياج النجمات , مكياج جديد , احدث تسريحات الشعر , قصات للشعر الطويل , قصات للشعر القصير , صبغات الشعر , احدث الوان صبغات الشعر , تسريحات شعر , تسريحات شعر للعروسة , تسريحات شعر الاطفال , تسريحات شعر مراهقات , تسريحات شعر للمدرسة , تسريحات شعر بسيطة , جدايل شعر


إضافة رد
 
أدوات الموضوع انواع عرض الموضوع
قديم 18-03-2012, 12:28 AM   #1
فتاه عربيه
طالب متفوق
 
الصورة الرمزية فتاه عربيه
New Asa ملف رائع لفات طرح 2016 لفات طرح رائعه 2017 خطوات عمل لفات شالات وطرح

ملف كامل عن: لفات الحجاب - احدث لفات الطرح - نصائح ولفات تجنن

ملف رائع لفات طرح 2016 لفات طرح رائعه 2017 خطوات عمل لفات شالات وطرح


لفات طرح تركية

ملف رائع لفات طرح 2016 لفات طرح رائعه 2017 خطوات عمل لفات شالات وطرح

أغلب البنات النهارده محجبات وأصبح اهتمامهم بالحجاب يوازي أو يفوق اهتمامهم بشعرهم، وأصبح البديل للكوافير والبحث عن قصة جديدة أو لون مختلف هو لف الطرحة بألوان زاهية على آخر موضة.. أشكال ربطات على هيئة تسريحة شعر "ضفيرة وكحكة"، وأما الأقمشة (دي فيها كلام كتير) "تل" و"شيفون" "وترتر"، الصبح والضهر وفي كل وقت...
المعادلة الصعبة في كل الحاجات دي ازاي أكون محجبة أحترم "حجابي" وفي نفس الوقت شكلي حلو ستايل على الموضة ومش "مبهرج" ولافت للنظر لدرجة تثير انتقاد الآخرين..

نصائح ذهبية لكل بنت محجبة ازاي تتعامل صح مع الحجاب.. ألوان الموضة في الإيشاربات ؟

لون الطرحة حسب لون اللبس ولكن اللون البني هو الأساس السنة دي وبيدخل معاه البرتقالي, التركواز,الروز, الزيتي بدرجاته, البني لوحده, البني المحروق مع البني العادي موضة جداً واستخدام الألوان الجديدة وتداخلها بيعطي نتيجة حلوه جداً..

هل البني المحروق ممكن "يغمق" البشرة وخاصة إن لوننا خمري أحياناً مائل للاسمرار؟


لا أبداً البني جميل جداً مع كل ألوان البشرة، على فكرة أنا عندي مبدأ إن كل الألوان تليق على البشرة السمراء


أو البيضاء بنفس الدرجة، حكاية إن الروز والموف لا تصلح للبشرة السمراء أو الخمرية أو إنه "بيسمر جداً
ده كلام مش صحيح، النهارده مافيش لون صريح.. الروز له درجات مختلفة وموجودة في كل أنواع المكياج كمان الموف, والأخضر.. المهم اختيار الدرجة من اللون القريبة من درجة لون البشرة وأكيد هتكون مناسبة ولا تعطي نتيجة عكسية

- ازاي تختاري خامة أو قماش الإيشارب صح؟


نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها حتى لو عجبك لونها أو تطريزها أو نقشتها.. من الأقمشة المزعجة في لبس الحجاب "الأوراجنزا الهايشة".. ابعدي عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... بأكد إن الإيشارب مهم إنه يكون عملي في اللف، ممكن الإيشارب يكون غالي ووحش في ربطته وبعد شوية هتكرهي الإيشارب وهتركنيه على جنب بعد ما غرمتي ثمنه


نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها مش مبهدل


تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار، فالأقطان فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون في طرف الإيشارب تطريز أو ترتر بس المهم يكون "Simple" جداً.. عشان الجامعة ممكن تختار الإيشاربات الأقطان المخططة أو المنقوشة، فيه مساحة تنوع النهارده وألوان ينفع تدخل مع بعض تعطي شكل جديد في كل مرة.

والتطريز البسيط يعطى جمال ورقة

أفكار لحجاب ممكن يناسب لفترة بعد الظهر أو بالليل؟



ممكن تحتفظي بشكل ربطتك اللي بترتاحي معاها والمناسبة لشكل واستدارة الوجه وتستخدمي إكسسوار مختلف.. حلق كبير، سلسلة فيها دلاية فيها حجر فيروزي، خاتم فضي بفص ملون.. النهارده مافيش لبس محدد للنهار وآخر لليل، مساحة الحركة تكون إضافة حاجة جديدة للبسك حسب وقت الخروج وطبعاً المناسب للمكان.

ازاي البنت المحجبة تختار الربطة المناسبة لشكلها؟



لازم تعرف هي بتحب إيه، الربطة التقليدية أو الربطة "الاسبانش" المربوطة "على ورا" عشان تكون مرتاحة ومقتنعة بربطة الإيشارب، ولو هي محجبة جديد ماتستعجلش على نفسها "شوية..... شوية" مش معقول


هتقدر تلف الإيشارب زي واحدة متحجبة من زمان.. البنات بتكتئب وبتزعل قوي عشان شكل حجابها مش "مظبوط" عشان كده لازم المحجبة جديد تلبس في الأول حجاب ربطته سهلة ولا تستخدم أنواع ناعمة جداً ممكن تتزحلق بسرعة وتظهر شعرها، ممكن تستخدم الأقطان في البداية لأنها بتثبت، وعشان تلم شعرهاكويس جداً تلبس "بونيه" قطن ولا تظهره، ومهمته مساعدتها في تثبيت الإيشارب ويمسك الشعر كله وتختار ربطة سهلة .


الربطة "الإسبانيش" موضة جداً، ازاي نربطها "صح" خطوة خطوة....؟




أولاً نلبس بونيه قطن يلم الشعر كويس وبعد كده نجيب طرحة مستطيلة لون تاني، فلو إن البونيه بني محروق تكون الطرحة تركواز تبين جزء من البونيه ونحط الطرحة الثانية بمحاذاة خط البونيه ونربطها على ورا كويس جداً وممكن نجيب طرحة تانية شيفون مثلاً وتكون لونها بني محروق ونربطها فوق التركواز، بعد كده نبين جزء منها زي ما عملنا في الخطوة السابقة ونربط كويس جداً، بعد كده نبدأ في ربط أطراف الطرحتين البني والتركواز بحيث ممكن نربط طرف الأولى مع الثانية والعكس، وإنتِ قدام المرايا هتلاقي نفسك بتربطي الأطراف، وممكن تبتكري تعملي الأطراف "كحكة" أو تعملي بطرف "كحكة" وتسيبي الطرفين نازلين على كتفك على حسب ذوق وشكل وجهك.

نصيحتى للف الطرح التقليدية؟

لازم تلبسي بونيه قطن وتحطي الإيشارب على حرف البونيه عشان يختفي وتمسكي الطرف القصير بدبوس مشبك بالطرف الكبير وتلفي الطرف الطويل حول الرأس وتثبتي بالدبابيس، وبلاش أكتر من إيشارب في الأول.. كفاية لفة بسيطة.


ولو عاوزة تدخل ألوان في اللفة التقليدية؟
زي ما قلنا البونيه وبعد كده الإيشارب على حرف البونيه وبعدها تمسك الطرف القصير بالطرف الطويل عند الرقبة، وبعد كده الإيشارب الثاني بعده بمسافة من الأول وتمسك أطرافه وتلف طرف الأولى وطرف الثانية في اتجاه واحد بشرط طرف يظهر لونه قبل الثاني، أو تحط الطرفين فوق بعض وتلفهم مرة واحدة وتحط دبابيس للتثبيت


ممكن تلبس "بندانا" وتلف الطرحة، ونصيحتي بلاش وضع شريط بلاستيك في مقدمة الطرحة.. ممكن تستخدمي "اسبراي نشا مخصوص للمكوى"، عشان تنشي الطرحة.
إيه رأيك في إضافة الضفيرة من قماش وعمل "الكحكة" بالربطة "الإسبانيش"؟


بصراحة لا أفضل الإضافات الكثيرة للحجاب طالما اخترتِ الحجاب عن قناعة لازم تكوني محتشمة وبسيطة في نفس الوقت... لازم تتعاملي مع الحجاب وكأنه شعرك وتحبيه عشان شكلك يكون حلو فيه ولما توصلي للدرجة دي أكيد هتبتكري في الربطات أكثر


نصيحتى للعروسة المحجبة؟


تبحث عن لون مناسب لبشرتها يبرز جمال لونها تفكر في موديل مناسب لجسمها وتفكر ازاي يكون شكلها مختلف وجديد، ومش شرط إن موديل أو ربطة عجبتك إنها ممكن تنفع معاك أو تليق عليك، وكمان تختار حد يساعدها في ربط الطرحة لأنه متخصص وبيتحكم أكثر في الربط وله خبرة في ابتكار ربطات جديدة.


لفات طرح




  رد مع اقتباس
قديم 15-04-2012, 10:48 AM   #2
Eman
كبار الأعضاء
افتراضي

طرح جميل ياقلبي

تسلم ايدك

  رد مع اقتباس
قديم 15-04-2012, 02:43 PM   #3
الجرافيك
طالب متفوق
افتراضي

لفات رائعة وتصلح لكل الاعمار شبابى وكبار



واحلى فايف ستار للموضوع

  رد مع اقتباس
قديم 13-11-2013, 05:15 AM   #4
Princess Shireen
مراقـــبه عــــــــامه
عضوية موثقة
 
الصورة الرمزية Princess Shireen
افتراضي

شكرا على الموضوع القيم
تسلم الايادى
بارك الله فيكى

  رد مع اقتباس
قديم 09-08-2016, 06:36 PM   #6
mrstamer
فريق الابداع
 
الصورة الرمزية mrstamer

الإقامة :  بلاد الله
هواياتي :  اتعلم الجميل المفيد
mrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدود

اوسمتي

mrstamer غير متواجد حالياً
افتراضي

اشكرك فتاة عربية

توقيع - mrstamer

  رد مع اقتباس
إضافة رد

الكلمات الدليلية
, , , , , ,


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:38 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان

Security team


اعلانات جرافيك مان
Google