مدرسة جرافيك مان  

ايقاف العضويات التي لم تسجل دخول منذ عام


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > الأقسام العامة > المواضيع الاخباريه > منتدى الخواطر

الملاحظات

منتدى الخواطر الخواطر : هي كلمات ذات إبداع حسي تترجم فيها الأحاسيس بأسلوب ملفت للنظر يستهوي القارىء لمتابعتها وذلك لما تحويه من معاني عاطفية عميقه تعبر عن ماقد يجول في خاطرنا ..


جرافيكيات

الخواطر : هي كلمات ذات إبداع حسي تترجم فيها الأحاسيس بأسلوب ملفت للنظر يستهوي القارىء لمتابعتها وذلك لما تحويه من معاني عاطفية عميقه تعبر عن ماقد يجول في خاطرنا ..


موضوع مغلق
 
أدوات الموضوع إبحث في الموضوع انواع عرض الموضوع
قديم 03-10-2009, 05:31 PM   #1
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
كلام جرافيكيات


بسم الله الرحمن الرحيم

لعل البعض يقول أن الموضوع مستهلك
أو مرآه لموضوع آخر لجرافيك مان في احدى المنتديات

ولكـــن

هنا سوف يكون الكلام مختلف
سوف اتحدث بكل حريه
سوف يعرف كل الأعضاء أحاسيس ومشاعر وتجارب جرافيك مان

جرافيكيات

هو الموضوع المفضل لي
ولبعض الناس ايضا لأن الموضوع يضم ذكريات معينه تهم بعضهم

لن أخوض في ما لا يعنيني فالوقت قد فات والحروف حتى الحروف أصبحت ذكريات

من هو الشخص الذي يستحق أن يكون في حياة جرافيك مان الى الابد ولن يكون ذكرى ؟

ما هي النقطة الفاصله في حياة جرافيك مان ؟

سوف نتحدث سوف نفصح







أخوكم جرافيك مان
جرافيكيات

 
قديم 11-10-2009, 06:15 PM   #2
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي


الفوتوشوب

حبيب البي جرافيكيات

اتذكر انه اول برنامج اشتغلت عليه في مجال التصميم كان اسمه

Paintshop

جرافيكيات



و حصلت على البرنامج ده من مجله كمبيوتر تصدر بمصر و اتذكر ايضا الصعوبات التي واجهتني
منها اني جلست حوالي الاسبوع او 7 أيام أو 168 ساعه احاول اتعلم كيفيه تحجيم الصوره
يعني ازاي اكبرها واصغرها لما اضيفه على خلفيه

المهم ربنا كرمني وتعلمت طريقة ما
وبعد فتره عرفت المعلومه الصحيحه واكتشفت ان اللي تعلمته غلط
يالهوي على العذاب

يلا مش مهم التعب المهم اني اتعلم

ملحوظه :: ده كان في سنة 2000 تقريبا وكان الانترنت بالنسبه لي صعب المنال الا بقدر

من نفس المجله عرفت انه في برنامج اسمه الفوتوشوب .. وانه الاول في مجاله

<<< طيب يافالح كمل جرافيكيات

المهم دورت على البرنامج عند الاصدقاء ووجدته عند صديق لي وهو ما يعرف البرنامج ده بتاع ايه ههههههه
...كمثل النوسو نوسو يحمل اسفارا ...

لقيت عنده الاصدار الرابع ما شاء الله
واكتشفت انه مش بيكتب عربي و كان لازم يكون في الفتره دي معجزه علشان اتعلم الطريقه

يا مسهل

يلا نلتقي بعد الفاصل
اشربوا العصير
جرافيكيات
















...

 
قديم 11-10-2009, 06:22 PM   #3
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي

طريقه الكتابه بالعربي في الفوتوشوب ايام زمان

توصلت بعبقريتي طبعا انه ممكن اكتب الكلمه في برنامج يدعم العربي واستخدم زر print Scrn او برنت اسكرين الموجود على لوحه المفاتيح
وبعدين اروح للفوتوشوب وأعمل لصق وبعدين أحدد الكلمه و اقص الخلفيه بتاعتها
<<<< مشوار كبيييييييييييييير جرافيكيات

المهم نجحت الطريقه وسموني العبقري ايامها و طبعا كنت بخبي المعلومات الذهبيه دي عن المنافسين << شاطر جرافيكيات

ووحده وحده عرفت طبعا انه الفوتوشوب بيكون له اصدارات وبتنزل عند صاحبنا النوسو نوسو << فاكرينه ؟
نزل الاصدار 5.5 .. وعلى فكره مش عارف في اصدار 5 أو لأ

المهم جبت الاصدار الجديد لقيته عاوز رامات عاليه ولازم تكون 128 وانا عندي 64 ههههه <<< اشمت ياللي ببالي
جبت رامه كمان بقينا 128 وميه ميه واشتغل البرنامج والمفاجأه الكبيره انه بيكتب عربي وكمان ارقام عربي
مش ممكن مستحيل و معلوماتي الذهبيه حتروح فين جرافيكيات هههههه

وبدأت رحله التعلم بجد وكان لازم ادرس الفوتوشوب وأشوف اي مكان واخد دوره
ملقتش وقتها غير اماكن للدراسه النظريه وتعليم القوائم يعني من الاخر نوسو نوسو ويديك شهاده وتطلع في الاخر مش فاهم حاجه

قلت اعتمد على نفسي بقى لقيت اسطوانه تعليم فوتوشوب من شركه حاليا اصبحت عريقه في هذا المجال
وبدأت المعاناة الممتزجه بالفرح والطموح
ورقه كبيره وقلم وهيدفون وسجل يا عم حاتم واكتب وجرب واحفظ
جاني اغماء من كتير التفكير ومحاولة الحفظ
بس خلاااااص بقيت محترف <<< الصبر يا ابو الشباب ... سو باد جرافيكيات

تعالوا نشوف المحترف ده عمل ايه واخر ابداعاته ههههههههه

صممت يافطه لمكتب تصوير بالفيديو هي كانت حلوه بس الكتابه كانت ناقصه نقطه
الجمله اللي اعترض عليها صاحب المكتب بعد ما علقنا اليافطه كانت
(يوجد لدينا شاشات عرض )

طبعا انا نسيت نقطه على احد الحروف بالجمله دي وطبعا مش حقدر اقول اي حرف ولا اي كلمه
الحدق يفهم بقى ههههههه

وده طبعا كان بسبب الفوتوشوب اللي يكتب عربي لأني كنت بكتب وانا مش مركز مثل طريقتي الأولى اللي كنت بكتب الجمله فــ سنه هههههه

اقولكم أشربوا العصير ونلتقي بوقت لاحق ان شاء الله
تحياتي
جرافيكيات

 
قديم 24-08-2010, 08:43 PM   #4
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي

حياتك أم سعادة من تحب ؟

يمكن يكون الموضوع بالنسبه للبعض عادي جدا
ويمكن يكون محدش فكر بالطريقه دي غير القليل
عارفين ليه ؟
علشان ده مش تفكير .. ده احساس عاصر للقلب
مرهق للتفكير
طارد لأي احساس اخر .. و مغتصب حقه في البقاء داخل قلبك

هل فكرت ف يوم ان حياتك غاليه لدرجه خوفك من الموت عشقا و حبا لشخص ما ؟
هل تخيلت يوما انك لو مت وتركته سوف تحرق و جنته بدمعه كماء النار ؟


ايه ده ؟
المفروض الواحد يضحي بنفسه من أجل من يحب على ما اعتقد
<<< كلام منطقي جرافيكيات
ولكن هنا لا يوجد مجال للمنطق
هنا لا يوجد غير احساس مغتصب ومقتحم لحياتك

هل فكرت ان من يحبك يحتاج لدفئ قلبك ؟
هل فكرت ان كل نظره منك تشفي قلبه من هموم الدنيا ؟
هل فكرت ان الوقت ضيق وليس لك حيله في أن تجعله سعيداً ؟ جرافيكيات


لا تحير نفسك لا جدوى من أن تفهم كتاباتي
فقط ادعو ربك ان لا يكتب عليك هذا الاحساس
لانك لن تفهم كلامي الا اذا جربته
والله ما اصعب أن تخاف على حياتك في سبيل سعادة غيرك

سوف ترضى بمذلة الزمن
سوف ترضى بكل ما هو صعب
سوف تقبل اسوء الحلول
سوف تنحني حتى لا تنكسر ويفقدك من يعشقك

لو فكرت باحساس الأب عندما يخاف على حياته حرصاً على مستقبل أسرته لفهمت كلامي
ولكنك .... لن تشعر بإحساسي

معلش كلام غبي وملوش لزمه بس كان لازم حد يسمعني

تحياتي

 
قديم 21-06-2012, 05:58 PM   #5
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي

كان حلم

مدرسة جرافيك مان بدأت بالصدفه ، ولم اندم في يوم على قرار اخذته .. ولكن
عندما تخيلت ان المدرسه ملك للجميع كنت واهم..
نعم قابلتنا صعوبات ومشاكل ولم يتخلى اصحاب المدرسه عنها ، واقصد هنا اصحاب المدرسه الذين ينتمون لها ويخافون عليها بدون مقابل ، بس برضه بتيجي لحظه الانسحاب مش عارف ليه
طيب ليه لما الواحد يحب مكان معين وينتمي ليه بتيجي عليه لحظه يقول انا منسحب ؟
الجواب بسيط .. لانه مش صاحب المكان ^_^
ولان صاحب المكان لا يتخلى عنه في اي و قت مهما كان

يبقى اللي انا كنت فيه حلم

حلم ان يكون لي شرف شق الطريق للمبدعين وتركهم يبدعون بحريه
حلم انشاء مكان للعلم بدون احتكار و لا فرض شروط على احد
حلم بناء مجتمع معطاء يحصد دعوات الخير من المستفيدين والذين فُتِحت لهم طرق التعلم
حلم ان يصبح التعليم من خلال الانترنت ليس مجرد دروس ، بل هي مهنه المستقبل

لازال مجرد حلم

معلومه
لمن لا يعرف جرافيك مان .. يمكن أن أغير تفكيري لتصحيح المسار ولكني لا استسلم
Never Give Up

 
قديم 08-08-2012, 03:46 PM   #6
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي

الضغط يولد الانفجار

مره من المرات في واحد عصبي كان مسجل معانا وكان زعلان اوي من ان قانون المدرسه صعب شويه
وفضل يتعلم ويتعلم وفجأه حصل له ضغط و انفجر
بس انفجر ازاي ؟
راح عمل منتدى ونفذ فيه بالحرف اللي كان رافضه و مسبب له ضغط في مدرسه جرافيك مان
هههههههه
علشان عارف اننا صح مش غلط بس نعمل ايه في الكبر اللي في نفوس البشر


تفجير اخر

في مره كنت بحاول ادافع عن نفسي قدام احد الشخصيات اللي بقدرها جدا وبحترمها
وفـ وسط الكلام قلت كلمه استفذت طاقته الايجابيه قام مفجرها
بس فجرها فين ؟
بره المدرسه و طلع احسن ما عنده كمان
و مفكرش حتى يفيد المدرسه
سبحان الله


وبصراحه اتعلمت من الموقفين درس كويس اوي
لا مش هقول علشان مبقاش غبي 3 مرات
نلتقى بعد الفاصل
^_^

 
قديم 07-09-2012, 10:35 PM   #7
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي

كم تمنيت ان اكون نمر


جرافيكيات


النمر ده تركيبه عجيبه ، فهو اجمل الحيوانات و اقواها و اشرسها و انظفها ايضا !!
الوان النمر جميله و تحس انه قطه بس ليها هيبه ، زي ما يكون راجل جميل بس شخصيه
عيون النمر جميله و لكن قوية ايضاً
صوت النمر قوي و يهز القلوب
قلب النمر لا يعرف الخوف
النمر لا يتفاوض للحصول على حقه
تخيل لو انت نمر و فيك الصفات دي
يااااااااه


بس المشكله انك لو فكرت لحظه هتكتشف ان النمر مجرد حيوان
يعني مش هينفع برضه
خليك انسان احسن
^_^

 
قديم 14-09-2012, 09:48 PM   #8
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي

زمن الفتنه




اليوم تتجدد الفتنه في بلاد المسلمين
الكل يتكلم ، الكل يفتي ، الكل بيقول رأيه
بس المشكله محدش بيحترم رأي غيره ، محدش بيقتنع غير برأيه ، ومن علامات الفتنه ان تقف بجوار الباطل وتسمع للسفيه والروبيضه
هل تعرف الروبيضه ؟ ابحث في جوجل


قال رسول الله صلى الله عليه و سلم : يأتي علي الناس سنون خوادع يصدق فيها الكاذب و يكذب فيها الصادق و يؤتمن الخائن و يخون الامين و ينطق فيها الرويبضة .
قالوا و ما الرويبضة يا رسول الله ؟
قال صلى الله عليه و سلم : الرجل التافه يتحدث في امور العامة



لما يكون في حد بيحبك وفجأه تلاقيه بيهاجمك ومش بيقولك السبب فانت في زمن الفتنه
لان الفتنه قويه ومش هتعرف تقنعه لو حلفتت على عنيك ، و مش بتلاقي لها حل سوى الابتعاد للاسف

لما تلاقي حد بجوارك ومش عاوز يبعد عنك علشان يعرف اخبارك و يقولها لغيرك فأنت في زمن الفتنه
مع ان اللي زي ده رخيص وبيتباع في اول محطة ، والايام دواره

لما تلاقي حد شاريك ومش عاوز يفرط فيك وبيحاول بكل الطرق يراضيك وانت مصر تدور له على غلطه علشان ميبقاش كبير فانت في زمن الفتنه
لانك لم ترضى ان يكون الشخص الذي علمك كبير و له احترامه حتى النهايه وانقلبت عليه
ولكن لحظه ... هل الكبير ليس له حق الدفاع عن نفسه ؟
في ناس هتقول لا الكبير بيكون صبور ، وفي ناس بتقول حليم ، وفي ناس بتقول ... الخ
ولكن ده في حاله ان الناس لسه معتبراه كبير .. انما لو صغروه يستحملوا لعب العيل على حق

اتوقع ان محدش بيسلم من الفتنه
بعد الثورات العربيه كله طلع خاين
لو في شخص واحد الكل اجمع انه نظيف اليد كنت قلت اننا في اختبار
ولكن نحن في زمان الفتنه

عارفين الشيخ الشعراوي لو كان عايش كان حصل ايه ؟
هل تتخيل كم من الفلول كان سيهاجمه لو كان مع الثوره ؟ ، هل تتخيل كم من الاسلامين كانوا سيهاجمونه لو كان معتدل ؟
لن اخوض في هذا كثيراً ، ولكن ربما يكون من رحمة الله على شيخنا انه لم يواجه هذا الاختبار


اللهم ارحمنا في زمن الفتنه وابعد عنا كل انسان يرسم الفضيله في كلامه وهو اهل الفتنه
امين

 
قديم 24-02-2013, 08:32 PM   #9
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي

برغم الحروب
مازلت جرافيك مان احب الناس واثق في حبهم لي

برغم الفتنه
مازلت جرافيك مان وثقتي في رحمه الله أكبر مما تتخيل

برغم أخطائي
مازلت جرافيك مان و دموعي قريبه حين اسمع
بسم الله الرحمن الرحيم
( قال يا مريم أنى لك هذا قالت هو من عند الله إن الله يرزق من يشاء بغير حساب )

صدق الله العظيم

برغم اني علمته الرمي ولما اشتد عوده رماني
مازلت جرافيك مان الذي لا يتذكر كم مره سقط و لكن في كل مره يرجع يقف ويكمل أو حتى يبدأ من جديد

اللهم احرق قلوب من زرع الفتنه و فتت العصبه و فرق الاحبه
اللهم امين
<< دعاء جرافيك مان في الصلاة

 
قديم 05-02-2014, 04:41 PM   #10
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي

Never Give Up

الحمد لله
ابتسمت اليوم ^_^

 
قديم 12-09-2014, 05:52 PM   #11
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
افتراضي

أنا وعناكب جوجل

صوره من الذاكره
بدايات مدرسه جرافيك مان

جرافيكيات

كنت ببني البيت وكل شويه اجرب حاجه واشوف في زوار ولا هفضل لوحدي ؟
كنت بسأل نفسي هو ممكن حد يعرف الموقع ويدخل يسجل ؟
كنت بقول لعناكب جوجل ادخلي وارشفي والله انا بنزل حجات جديده ^_^
واي تطور في الموقع كنت باخد برنت سكرين للذكرى

الصوره بتاريخ 8 - 5 - 2009

وده الاستايل اللي كنت مركبه وبجرب بقى
لاحظوا تحت جنب الساعه كنت فاتح ماسينجر الهوت ميل الله يمسيه بالخير هههههه
وكمان اسم الموقع كان "منتديات جرافيك مان" مش مدرسه جرافيك مان
وكمان كان اسمي بالانجليزي مش بالعربي Graphicman
كنت فاتح الاكسبلور مش الفايرفوكس علشان وقتها كان في مشاكل بين المتصفحين بالنسبه لاعدادت الاستايل
الساعه كانت 12.35 صباحا
اكبر تواجد بالمنتدى كان 13 ^_^

بس وقتها كنت قاعد انا وعنكبوت وحيد من العم جوجل جرافيكيات

ناس جت وناس راحت وفضل اسم المدرسه يكبر الحمد لله
ناس نهشت في المدرسه وناس لملمت الجراح ولن ننساهم
بس النقطه الفاصله كانت في شهر يناير 2013 هقولكم عليها بعدين

وربك لما يريد جرافيكيات
احلامنا هتحقق ، وكلامنا هيتصدق
حب لاخر حته في قلبك دوووب دوووب




بكره ده لسه حكايه بعيده ،، لسه في علم الغيب
بحبكم والله ^_^

 
موضوع مغلق


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:19 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google