مدرسة جرافيك مان  

ايقاف العضويات التي لم تسجل دخول منذ عام


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > الأقسام العامة > المواضيع الاخباريه > منتدى الخواطر > منتدى القصه

الملاحظات

منتدى القصه قصص جرافيك - قصص جرافيك مان - حكايات جرافيك - حكايات جرافيك مان - graphic stories


قصة بداخلنا اسرار ولاكن بنحتتار

قصص جرافيك - قصص جرافيك مان - حكايات جرافيك - حكايات جرافيك مان - graphic stories


إضافة رد
 
أدوات الموضوع إبحث في الموضوع انواع عرض الموضوع
قديم 08-04-2012, 12:44 PM   #1
Mohamed Alblwy
طالب متفوق
ورقة قصة بداخلنا اسرار ولاكن بنحتتار


بسم الله الرحمن الرحيم
السلام عليكم ورحمة الله وبركاته

اعضاء مدرسة جرافيك مان مرحبا بكم
اقدم لكم اليوم قصة بداخلنا اسرار ولاكن بنحتار
اقدم لكم كل يوم حلقة ولو كان الاقبال شديد
اقدم كل يوم حلقتين

(قصــه)
( بداخـلـنـا اسـرار و لـكـن بـنـحـتـار )

هذه قصه من وحى الخيال ولكن احداثها واقعيه بنعشها كلنا

(ابطال القصه)

الام( مدام مديحه )
السن 47 ربه منزل التعليم الاعداديه تزوجت وهيا عندها 18 سنه عندها ولدين وبنتين

الاب متوفى
توفى وهو عنده 52 سنه كان شغال محاسب فى بنك توفى بمرض فيرس سى

الابن الاكبر خالد
عنده 25 سنه خريج كليه تجاره قسم محاسبه بيشتغل فى نفس البنك اللى شغال فيه والده الله يرحمه

البنت الاولى شيماء
عندها 22 سنه وهيا فى اخر سنه فى كليه حقوق

البنت الثانيه نسمه
عندها 20 سنه وهيا فى كليه تربيه قسم لغه انجليزيه

الابن الاصغر محمد
عنده 16 سنه وفى اخر سنه فالثانوى العام

باقى ابطال القصه هنعرفهم مع احداث القصه
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
الحلقة ( 1)

بعد مرور شهرين من وفاه الاب وبعد ما الحاله النفسيه للاسره بقيت احسن

الام مدام مديحه : صباح الخير ياشيماء
شيماء : صباح النور ياماما صاحيه بدرى ليه كدا
الام : عشان احضرلكم الفطار وهنزل اروح البنك مع خالد عشان اخد المعاش وفلوس بابا الله يرحمه
شيماء : الله يرحمه خلاص انا هروح اصحى الباقى
الام : يلا روحى

بعد ما الكل فطر الام اخدت خالد ونزلوا ومحمد راح مدرسته وشيماء ونسمه راحوا كليتهم





وبعد العصر الكل جاه على معياد الغداء

خالد بيتصل بصديق ليه على التليفون

خالد : ازيك ياهيثم عامل ايه
هيثم : انا الحمدالله بخير انت عامل ايه دلوقتى
خالد : الحمدالله احسن بكتير بس مخنوق شويه
هيثم : خير ياخالد
خالد : من ساعه ما بابا توفى واميره مش بتكلمنى وعلى طول تليفونها مقفول
هيثم : يابنى امال لو مكنتش ساكنه جنبك كنت عملت ايه
خالد : ماهى ساكنه جنبى ومعرفش عنها اى حاجه من شهرين وقلقان اوى
هيثم : طب ماتسال اخواتك البنات عنها مش هما اصحابها
خالد : مكسوف اسالهم لانهم مايعرفش اللى مابنا ومش عايز اشغل اخواتى بحاجات زاى دى
هيثم : اسال ياعم كانك بتسال عليها عادى جيران بقا
خالد : هحاول ياهيثم مش ناوى تيجى يابنى
هيثم : اول الشهر جاى هنزل اجازه وهقعد معاك شهرين بحالهم
خالد : ياريت وحشتنى اوى والله
هيثم : وانت كمان ياصحابى
خالد : يلا كفايه كدا عشان رصيدك
هيثم : ولا يهمك فداك ياخالد
خالد : سلام يا صاحبى
هيثم : سلام

شيماء : بت يانسمه اخوكى كان بيكلم هيثم دلوقتى وقاله على اميره
نسمه : بجد طب وبعدين هنقوله ايه دا
شيماء : مش عارفه لازم يعرف ان اميره اتخطبت وطبعا حضرتك السبب
نسمه : السبب ليه انا فهمتها وضع اخويا بعد وفاه بابا لو كان هيجى يتقدم وبابا عايش مش هيقدر يتقدم دلوقتى وبابا لسه متوفى وكمان خالد بقا مسئول عن البيت كله
شيماء : على اساس ان بابا مات ومعاه ديون ولا ايه بطلى يانسمه انتى غلطانه اتسرعتى
نسمه : انا غلطانه وقولتلها كدا وهيا لو بتحبه هتسمع ليا ولا هتفضل جنبه وتستحمل ظروفه لحد ماتعدى صح ولا انا غلطانه
شيماء : بصراحه عندك حق تعالى يلا ماما بتنادى ربنا يستر
نسمه : يلا

خالد ومحمد وشيماء ونسمه قاعدوا مع مامتهم عشان تتكلم معاهم

الام مدام مديحه : انا كنت فالبنك واخدت كل فلوس بابا وانا ان شاء الله هقسم الفلوس عليكم وانا معايا فلوس فالبنك من جدكم الله يرحمه بس طبعا مصروف البيت قل عن الاول وطبعا فى حاجات مش اساسيه هنستغنى عنها زاى النادى كدا
محمد : لا كله الا النادى ياماما دا انا مشترك فبطوله السباحه لا بالله عليكى
خالد : بلاش ياماما النادى انا هدفعه طيب
الام مدام مديحه : لالا فلوسك ياخالد هتدهملى كل شهر بس مش عشان اصرف منهم لا عشان احطهم على فلوسك فالبنك عشان تكون نفسك وتتجوز بقا

فى هذه اللاحظه نظرت شيماء الى نسمه نظره لوم عشان هيا ضيعت اميره من خالد بتسرع

شيماء : طب وبعدين ياماما
الام مدام مديحه : خلاص انا هدفع الاقساط كلها مره واحده من الفلوس بدل ما ادفع الاقساط من مصروف البيت وانتوا اى حاجه هتطلبها بسيطه تجبوها من مصروفكم ماشى وانت ياخالد طبعا من ساعه ماشتغلت مش بتاخد مصروف وبرده مش هناخد منك قرش المهم تكون نفسك عايزه اجوزك قبل ما اموت
خالد : بعد الشر عليكى ربنا يخليكى لينا ياست الكل

بعد الاجتماع الاسرى

شيماء : شفتى بقا انتى اتسرعتى ازاى لما اتكلمتى مع اميره اهو بقا جاهز يعنى حرام عليكى بجد
نسمه : يابنتى هيا لو بتحبه هتصبر عليه
شيماء : لا برده انتى بكلامك خلتيها تفقد الامل نهائى
نسمه : صدقينى يمكن انا اصغر منكم بس انا حاسه ان كدا الصح لخالد

دخل خالد اوضه نسمه وشيماء عشان يسالهم عن اميره

خالد : بتعملوا ايه يابنات
نسمه : ولا حاجه تعالى
خالد : ايه اخباركم ناقصكم حاجه
شيماء : لا ياحبيبى ربنا يخليك انت عامل ايه
خالد : الحمدالله , هيا اميره مش بتيجى ليه ولا بتسال
نسمه : خاطبها بقا مش بيخليها تروح فى حته
خالد : خاطبها ؟؟
شيماء : انت متعرفش انها اتقريت فاتحتها من اسبوعين تقريبا
خالد : لا طبعا اتارى هيا بقالها فتره مش بتجى بتحضر للخطوبه
نسمه : الله واعلم بس هما عملهوها من غير هيصهه عشان وفاه بابا
خالد : لا كتر خيرهم ربنا يوفقها انا هروح انام تصبحوا على خير
شيمماء : وانت من اهله

بعد ماخرج خالد من عند اخواته

شيماء : لازم تتسرعى كدا كل حاجه عندك بسرعه
نسمه : ايه يابنتى هو لازم يعرف عشان لو شافها بالصدفه
شيماء : بس شكل خالد حزين اوى والمشكله انه مفكر اننا منعرفش حاجه عن موضوعهم
نسمه : بكره يبقا كويس متقلقيش
شيماء : يارب

دخل خالد اوضته وهو فى حاله استغراب شديد وبدا يتكلم مع نفسه

خالد * ليه يا اميره عملتى كدا يعنى عشان بابا اتوفى تتخلى عنى ليه عملتلك ايه دا حتى انا عمرى مازعلتك فى حاجه انتى استحاله تكونى بتحبينى ولا فكرتى ان بابا توفى خلاص مش هاجى اتقدم وهتخلى عنك طب حتى كنتى عرفتينى ليه كل دا ليه اعرف زاى الغريب حتى لو كنتى مش عايزه تضايقنى كنتى بعتيلى رساله على الاقل لكن انتى اخترتى الطريق السهل للهروب من الموجهه ياخساره يا اميره
يارب صبرنى فراق والدى وفراق حبيبتى

وبعد كدا راح ماسك التليفون عشان يتصل .......؟؟؟

ياترى بقا خالد بيتصل بمين وليه وهيحصل ايه بعدين مع خالد ؟؟؟

انتظرونا فى الحلقه القادمه

ويارب تعجبكم

تــحــيــاتــى محمد

  رد مع اقتباس
قديم 08-04-2012, 03:36 PM   #2
karema1
عضوه
افتراضي

قصة جميلة اخي
تسلم ايدك
متابعة بشوق
وفي انتظار الحلقة الثانية
احلى نجوم وتقييم شخصي للابداع

قصة بداخلنا اسرار ولاكن بنحتتار

  رد مع اقتباس
قديم 08-04-2012, 04:11 PM   #3
فارس احلام
طالب مجتهد
 
الصورة الرمزية فارس احلام
افتراضي

قصه فى منتهى الروعه والجمال تسلم ايدك.على الطرح

  رد مع اقتباس
قديم 08-04-2012, 04:20 PM   #4
Diamond Heart
نجمه المدرسه
 
الصورة الرمزية Diamond Heart
افتراضي

فى انتظار باقى الحلقات

اجمل *****

توقيع - Diamond Heart



سبحان الله
.. الحمدلله .. لا اله الا الله .. الله اكبر



  رد مع اقتباس
قديم 08-04-2012, 08:20 PM   #5
AREEG
اسطوره لن تتكرر
 
الصورة الرمزية AREEG
افتراضي

وعليكم السلام ورحمة الله وبركاته

قصه جميله وممتعه

وبعدين احتمال اميره اتخطبت علشان خالد ماصارحها بحبه

حتى لو بيتكلمو مع بعض ويستلطفو

بعض المفروض يصارحها ويفهمها وضعهم هيكون ايه

يعني الغلط منه

مش هنستبق الاحداث وخلينا نشوف بقيه اجزاء القصه

تسلم ايديك يا محمد

  رد مع اقتباس
قديم 08-04-2012, 08:30 PM   #6
Sh3kO
"SchooL Fire"
 
الصورة الرمزية Sh3kO
افتراضي

تسلم يا باشا

بجد حلقه جميله جدا

وشكلها قصه ممتعه

تقييم لمجهووودك

توقيع - Sh3kO



مـهما رقصت الخراف على قبور الأسود .. ستظل الخراف خراف .. والأسود أسود


Mr:ShekO
Ahmed Hesham
[/COLOR]
::-[دورة التحكم بالمنتديات - لوحة التحكم]-::
  رد مع اقتباس
قديم 09-04-2012, 04:51 PM   #7
Mohamed Alblwy
طالب متفوق
افتراضي

شكرا لكم جميعا على مروركم الجميل

  رد مع اقتباس
إضافة رد

الكلمات الدليلية
, , ,


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:58 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google