مدرسة جرافيك مان  

مشاريع افترافكت


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > منتدى طلاب مدرسة جرافيك مان > جرس الفسحه ... حوش المدرسة

الملاحظات

جرس الفسحه ... حوش المدرسة ترفيه و تسليه اعضاء المنتدى فيديوهات كوميديه من يوتيوب - نكت و فوازير مصوره جديده - صور مضحكه معاكسات و شقاوه - مقالب و قفشات كوميديه - مواضيع ترفيهيه خفيفه للبنات والشباب


ان كيدهن عظيم ................

ترفيه و تسليه اعضاء المنتدى فيديوهات كوميديه من يوتيوب - نكت و فوازير مصوره جديده - صور مضحكه معاكسات و شقاوه - مقالب و قفشات كوميديه - مواضيع ترفيهيه خفيفه للبنات والشباب


إضافة رد
 
أدوات الموضوع إبحث في الموضوع انواع عرض الموضوع
قديم 22-11-2009, 04:57 PM   #1
lionshout
مشرف سابق
افتراضي ان كيدهن عظيم ................

ان كيدهن عظيم........




كان يا ما كان في قديم الزمان ………كان فيه ست عجوزة ... ولا بلاش عجوزة لأحسن تزعل ... ممكن نقول إنها ناضجة كده بتاعة 60-70 سنة ... المهم الست دى كانت قاعدة لوحدها
وفجأة طلع لها ابليس ………(طبعا هى ما صدقت وقالت أكيد جاى يتحرش بيا ) الست " الناضجة " دى خافت وسمت بالرحمن
قالها ابليس :أنتي يا عجوز هل تعتبرين نفسك داهيه؟؟؟؟
الناضجة: أيوه أنا داهيه ونص .. ولو مش مصدقنى أغنيلك نانسى عجرم كمان ...والنساء عموما كيدهن عظيم
أبليس: أنا أتحداك……..وسنرى مين كيده أعظم …..المرأة ولا أبليس
الناضجة:خلاص أنا حأعمل مشكله وأنت تروح تحلها واذا ما قدرتش أنا أحلهالك
وأكيد أفوز بالرهان
إبليس : ok my dear
راحت الناضجة وشافتلها واحد قاعد على القهوة بقاله 18 سنة بعد الكلية اللي مش لاقى شغل ( وكتر خيرك يا اللى فى بالى وربنا يقرب البعيد وتروح هناك )

وقالتله أنا حاشغلك عندي فترة معينه بس……. اذا كنت عاوزنى أأقبضك ما تتدخلش فى أى حاجة ولا تفتح بقك
الشاب وافق لإنها مش جديدة عليه السلبية ده أولاً وثانيا هو مفلس وحسابه فى القهوة بقى تقيل قوى
راحت الناضجة ومعاها الواد ده لمحل قماش وقالت له استنانى عند باب المحل
دخلت المحل وأخدت قماش غالي وقعدت تفاصل بتاع القماش
الناضجة : لا كده كتير قوى يا حاج وغالى عليا قوى ... انت مش عاوز تبيع ولا إيه
التاجر :يا ستى لو الفلوس اللى معاكى ما تكفيش خدى النوع ده كويس برضه وبسعر مهاود
الناضجة : ما أقدرش .. إهئ إهئ ….لازم ده ولا تحصل مصيبة يا ابنى
التاجر :ليه بس كفى الله الشر يا حاجة ؟؟ …..خير إيه الموضوع ؟؟
الناضجة :شفت الواد الحليوة اللي واقف عند باب المحل ده ..ده ابنى ربنا يحميه .. إهئ إهئ ... قال إيه يا خويا بيحب له واحده متجوزة وهي بتحبه وبتموت فيه ولما تتطلق من جوزها …حجوزها لإبنى وهو قالي إذا ما وافقتيش على الجوازة دى أنا حأطردك من البيت وأمرني أني أشتريله القماشة دى يا خويا اللى من النوع الغالى عشان يديها للحتة الطرية بتاعته وإلا حيطردني من البيت مع أن البيت أصلا
بيتي ولكني غلطت وكتبته بأسمه .. إهئ إهئ
التاجر: خلاص يا حاجة وحدى الله بس ... لا حول ولا قوة إلا بالله ….خلاص أنا حأديلك اللى انت عاوزاه بالسعر اللى انت عاوزاه ولو عاوزاه ببلاش ولا يهمك ….والأجر والثواب بقى عند الله
الناضجة طلعت مبسوطة على الآخر وقالت للوله اللى معاها روح انت البيت واستنانى هناك بعدها راحت الناضجة لبيت التاجر وخبطت على الباب وطلعت مراته
الناضجة :آه بابنيتي أنا تعبانة من السكة و مش قادرة أكمل ممكن أقعد عندك أرتاح خمس دقايق
رحبت الزوجة ودخلتها وأكرمتها وجابتلها شاي وقهوة وحاجة ساقعة وحلبة حصى
الناضجة :ربنا يكرمك يا بنتى و ان شاءالله أردها لك
(تعمدت تنسى القماش ) ومشت
الزوجة:يا حرام ... دى باين عليها فعلا كانت تعبانة قوى ... دى نست حتة القماشة …أكيد حترجع بعدين وتاخذها ... أنا حأحطها فى الدولاب
التاجر روح البيت وإتغدى وحبس بشاى وسجارة بلمونت وراح ممدد ... آه ما هى القيلولة تحكم بقى
الراجل صحى العصر وفتح الدولاب عشان يغير البيجامة ويروح الدكان
فجأة
أن أن آآآآآآآآآآآآآآآ آآآن
لقى القماشة
موسيقى تصويرية .. تخسرى لهانى شاكر
وفهم إن الست اللي إبن الست عاوز يتجوزها تبقى مراته وانها بتخونه
أن أن آآآآآآآآآآآآآآآ آآآن
موسيقى تصويرية .. بيعهم يشتروك خالد عجاج
الراجل قام رزع مراته العلقة المتينة ورماها فى الشارع بالهدوم اللي عليها
أن أن آآآآآآآآآآآآآآآ آآآن
موسيقى تصويرية .. أنا مش حاضعف تانى قصادك عمرو دياب
الناضجة بقى كانت مستنية اللحظه دى في أخر الشارع فراحت جرى على البنت
الناضجة : مالك يا بنتى بتعيطى ليه
الزوجه : جوزى رمانى فى الشارع ... وما ادانيش فرصة أتكلم حتى .. هى العقربة أخته أكيد ورا لابلاوى دى كلها
الناضجة : خلاص يا بنتى وحدى الله بس دلوقتى و أنا حأوديك بيتي وأنا حأحلك المشكله دى ان شاء الله

راحت الناضجة لبيتها ودخلت الزوجه في قوضة والولد كان في قوضة تانيه وأمرته أنه ما يطلعش منها راحت الناضجة للقسم وهى بتعيط وتقول :إهئ إهئ ... كنت قاعدة في بيتي وفجأة دخل عليا راجل ومعاه واحدة وقعدوا فى بيتى ... حاولت أطلعهم ما قدرتش ... إحتلوا البيت يا بيه تقولش العراق .. إهئ إهئ .. إلهى يوكسهم وكسة بوش مع إيران .. إهئ إهئ
جوز مخبرين وعربية دورية راكبة ( على أيامهم كانت حنطور طبعا ) وقبضت على الشاب والزوجه ….وحطوهم فى التخشيبة بعد علقة محترمة
الناضجة : ها ها هااااااااااا إيه رايك يا أبو الأباليس ؟؟؟ دورك بقى يا عم الحلو عشان تحلها
أبليس : أحل إيه الله يخرب بيتك ... هو فى كده يا جدعان فى اليابان .. فى كده يا بنى آدمين فى الصين
الناضجة : أنا بقى أحلها وكأن شيء لم يكن . وحكسب الرهان
راحت الناضجة تزور الزوجة فى التخشيبة وقالت لها :أنتي ساعدتيني قبل كده يا بنتى وأنا دلوقتى لازم أساعدك …..يلا ألبسي عباتي وغطي نفسك وأطلعي من السجن كأنك أنا وأنا حاأقعد مكانك
الزوجة:ربنا يخليكى يا حاجة ….بس انتى كده ممكن تتأذى بسببى
الناضجة : وانتى مال أهلك ...زى ما حأطلعك حأطلع نفسى ... إخلعى
و تمت عملية الهروب بنجاح...
أن أن آآآآآآآآآآآآآآآ آآآن
موسيقى تصويرية .. والله وعملوها الرجالة حمادة هلال

القاضى أمر الحراس يجيبوا المسجونين عشان يحكم عليهم
جت الناضجة والواد إياه وقال لهم القاضى :قبضوا عليكوا ليه وهببتوا ايه ؟؟
ردت الناضجة :إهئ إهئ ... والله ما عملنا حاجة يا بيه .. إهئ إهئ ده ‘حنا كنا قاعدين فى البيت أنا وإبنى ولقينا المخبرين هجموا علينا وزى ما انت شايف جابونا هنا قدام جنابك
القاضى اترفز وهزأ الشرطة وما إداهمش فرصه يتكلموا ولا يفتحوا بقهم ويقولهم :ضرب وسكتنا تزوير وبلعنا مواصلات وبتركبوا بلوشى قواضى ولفقتوا .... جايين على الوليه الغلبانة وابنها وكمان عاوزين تتكلموا ... اسفوخس على اللى لبسكم بدل ميرى
طلعت الناضجة وهى مبسوطة من القاضى ومستكنيسة على الآخر
وراحت مدية الواد استمارة 6 مع مكافاة نهاية الخدمة وةقالتله الشغل اللى بينا كده خلص
الواد طلع يجرى وهو فرحان بالفلوس
أن أن آآآآآآآآآآآآآآآ آآآن
موسيقى تصويرية .. بلدنا بتتقدم بينا
وراحت الناضجة لتاجر القماش وقالت له أنها تعبت فى السكة وهى مروحة والواد ابنها الواطى سابها ونط فى أول توكتوك وأن مراتة أصيله وأكرمتها وهي من كثر التعب نست القماش عندها وأن مراته بريئه براءة الشعب من نتيجة الإنتخابات
وقالت خد يا عم انت قماشتك لأن إبنى سافر هو و مراته الجديدة
أن أن آآآآآآآآآآآآآآآ آآآن
موسيقى تصويرية .. سامحنى خلاص إيهاب توفيق
[رجع التاجر مراته وتأسف ليها ووافق إن أمها تقعد معاهم وإن أخته ما تدخلش البيت تانى وإنه يجيبلها الإسورة اللى بتقوله عليها بقالها أسبوع ده غير الفستان اللى أغلى من فستان جارتها
أن أن آآآآآآآآآآآآآآآ آآآن
موسيقى تصويرية .. جبار عبد الحليم حافظ
الناضجة : إيه رأيك بقى يا أبو الأباليس .. الستات ولا الشياطين
تفتكروا إبليس يرد عليها ويقولها إيه


مستنى الردود وااتعليقات وقولوى ايه رايكم فى الكلام ده

منقول

  رد مع اقتباس
قديم 22-11-2009, 06:32 PM   #2
ندوووي
كبار الشخصيات
 
الصورة الرمزية ندوووي

الإقامة :  ~** فٍِيَ قِلٍَبْ حَبٌيٍْبَيٍَِ
هواياتي :  اَِلٍَِْدِلَِِْعَِِْـ ..
ندوووي يملك الكثير من الإبداعات لكنه يكتفي بالقليلندوووي يملك الكثير من الإبداعات لكنه يكتفي بالقليلندوووي يملك الكثير من الإبداعات لكنه يكتفي بالقليلندوووي يملك الكثير من الإبداعات لكنه يكتفي بالقليلندوووي يملك الكثير من الإبداعات لكنه يكتفي بالقليلندوووي يملك الكثير من الإبداعات لكنه يكتفي بالقليلندوووي يملك الكثير من الإبداعات لكنه يكتفي بالقليلندوووي يملك الكثير من الإبداعات لكنه يكتفي بالقليلندوووي يملك الكثير من الإبداعات لكنه يكتفي بالقليل
ندوووي غير متواجد حالياً
افتراضي

هههههههههههههههههههههه

lionshout :: بجد موضوع تحفه انا اول مرا اضحك كدا .. طبعا هيقول الستات

بسس احنا مش كدا خالص خالص ..ده احنا نسمه كدا متحسش بينا ملايكه

هههههههههههههههههههههه

====================

ثانكس عالتوبيك الروووووووعه

مستنين جديدك

  رد مع اقتباس
قديم 22-11-2009, 06:53 PM   #3
lionshout
مشرف سابق
افتراضي

ندوووى:: شكرا لمرورك واكيد انتى مش كده خالص دا انتى دلوعه المدرسه يعنى جمالك ولا جمال مبارك
وده طبعا ماينطبقش على كل الستات
دا لو كان كدا عمرى مانا متجوز

  رد مع اقتباس
قديم 22-11-2009, 07:05 PM   #4
صمت الرجولة
VIP
افتراضي

هههههههههههههههههههههههههههههههههههههههههههههههههه ههههههاااااااااااااااااااي

لوووووووووووووووووووووووووول

أن أن آآآآآآآآآآآآآآآ آآآن

اتوقع ابليس حيئول

موسيقى تصويرية ................ايييييييييييييييييه احب اوباما واكره جورج بوش وايييييييييييييييييه
خخخخخخخخخخخخخخخ

  رد مع اقتباس
قديم 22-11-2009, 08:21 PM   #5
lionshout
مشرف سابق
افتراضي

ههههههههههه
شكرا لمرورك صمت
الموضوع نور

  رد مع اقتباس
قديم 23-11-2009, 12:54 PM   #6
ملاك الروح
مشرفة سابقه
افتراضي

هههههههههههههههههههههههههههههههههههههههههههههههههه ههههههههههههههههههههههههههههههههههههههه
موضوع روعه
يسلموووووووووووووووووووووو

  رد مع اقتباس
قديم 23-11-2009, 09:34 PM   #7
lionshout
مشرف سابق
افتراضي

المشاركة الأصلية كتبت بواسطة ملاك الروح مشاهدة المشاركة
هههههههههههههههههههههههههههههههههههههههههههههههههه ههههههههههههههههههههههههههههههههههههههه
موضوع روعه
يسلموووووووووووووووووووووو
طيب

  رد مع اقتباس
قديم 24-11-2009, 01:08 PM   #8
lionshout
مشرف سابق
افتراضي

هههههههه
شكرا ملاك لمرورك
وكل عام وانتى بخير

  رد مع اقتباس
إضافة رد


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 07:42 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google