مدرسة جرافيك مان  

مشاريع افترافكت


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > منتدى طلاب مدرسة جرافيك مان > جرس الفسحه ... حوش المدرسة

الملاحظات

جرس الفسحه ... حوش المدرسة ترفيه و تسليه اعضاء المنتدى فيديوهات كوميديه من يوتيوب - نكت و فوازير مصوره جديده - صور مضحكه معاكسات و شقاوه - مقالب و قفشات كوميديه - مواضيع ترفيهيه خفيفه للبنات والشباب


مدينة الموت -- من تأليفي

ترفيه و تسليه اعضاء المنتدى فيديوهات كوميديه من يوتيوب - نكت و فوازير مصوره جديده - صور مضحكه معاكسات و شقاوه - مقالب و قفشات كوميديه - مواضيع ترفيهيه خفيفه للبنات والشباب


إضافة رد
 
أدوات الموضوع إبحث في الموضوع انواع عرض الموضوع
قديم 16-07-2014, 07:04 AM   #1
اآلفرعؤن
عضو متميز
 
الصورة الرمزية اآلفرعؤن
كوول مدينة الموت -- من تأليفي

السلام عليكم ورحمة الله وبركاته

حبيت اقدملكم

الجزء الأول



"مدينة الموت"

الشخصية لا تعبر عني اطلاقااً واي لفظ منها ترونه خارج فهو مجرد للشخصيه تمتعو بالقراءه^^


=====نبدأ=====
السلام عليكم ورحمة الله وبركاته
أنا قصتي اللي حصلت معايا قصة مابتحصلش الا فى أفلام الرعب بس و اللى واخدة اوسكار وجوايزسينيمائية كمان يعني اللى حصلي شئ مايحصلش لحد ابداً


اه نسيت أعرفكم بنفسي انا إسلام عندى 18 سنة عايش فى الشرقية مع عيلتي و اخواتي
رغم انى اسمي اسلام بس ملحد اه ملحد بكل معنى الكلمة دي كانت فترة وعديت و رجعت لوعيي يعني من 15 لـ 17 سنة كنت مش مهتم بالدين و اسب و كدا حركات شباب بقى وكنت فاكرها روشنة بس دي كانت اوحش حاجة حصلتلي طول عمري انا دلوقت بأمن بكل حاجة وجود جن وجود ظواهر طبيعية خارقة وجود ربنا وجود يوم قيامة وجود كل حاجة لو قولتولي فيه فضائيين هصدقكم بقيت بصدق بكل حاجة
المهم خلينا ندخل فى التفاصيل شوية احنا انتقلنا لقرية جديدة قرية عادية ناس بيوت اراضى زراعية موجود فيها كل حاجة الا حاجة واحدة ماشوفتهاش "المقابر"
اه القرية مالقيتش فيها مقابر جيبتها يمين شمال مافيش ولا قبر واحد حتى !
لدرجة انى اتريقت وقولت هم الناس دول ماشيين بمبدا الفراعنةالتحنيط ولا الاجانب الحرق .. بس كل كلمة قولتها كانت بتتحسب عليا !!
اه صحيح القرية دي كان اسمه قرية " وادي الدم " وطبعاً بطبيعتي المرحة اخدتها بتريقة
المهم روحنا قعدنا فى بيت قديم كدا بابا اشتريهولنا عشان نقضى فيه السنة اللى المفروض هنشتغل فيها هنا فى ارض ورث لينا .. المهم قضينا اليوم عادى و اجا وقت النوم
اللى لاحظته فى البيت دا ان فيه صورتين !! رغم ان البيت فاضى تماماً
صورة لراجل كدا شكله غريب باصص لليمين بطريقة مفزعة!
ودي كانت فى غرفة نومي .. الصورة التانية لنفس الراجل او واحد شبهه الله اعلم
كان مفيش له عينين وكان شكل الصورة انها رسم زيتي يعني حد راسمها مش متصورة يعني قديمة اوي و دي كانت فى القبو بتاع البيت ايوا احنا عندنا قبو تحت البيت هو البيت عبارة عن بيت بـ 3 ادوار و قبو دور للجلوس و دور للنوم والدور التالت مقفول! والقبو عادى بنحط فيه الادوات كان البيت دا ماتسكنش من 40 سنة !!
المهم نيمنا محصلش اي حاجة و عديت الليلة طبيعية خالص ! صحينا روحنا الارض
انا افتكرتها ارض زراعية زي اللى احنا كنا بنروح نشغلها ونجيب ناس تشتغل فيها احنا مابنشتغلش بنفسنا بس بنراقب العمل وانا طبعاً كنت عامل الشب الروش اللى يتريق على كل حاجة يشوفها و ملحد بقى وبتاع كنت ماسيبش حد فى الشغل فحاله المهم روحنا الارض عجيبة الارض كانت مافهاش زرع! الشجر مافيش له اي ورق اللى موجود فيها بس الغربان و ضباب عجيب كدا! حتى واحنا بنفتح البوابة بتاعتتها ايوا ليها بوابة وسور زي بتاع الافلام الاجنبي كدا المهم واحنا بنفتحها الناس بقيت متعجبة واللى كان بيظهر عليهم الرعب او الفزع من شدة منظر فتح البوابة .. البوابة واحنا بنفتحها طلعت صوت تزييق فظيع عالى اوي اول مرة اشوف صوت تزييق بالمنظر دا .. بابا قالى اهي الارض الورث بتاعنا اللى هتبقى كنزنا الغالى اللى هتغنينا الارض كبيرة كبيرة اوي .


قولتله دي منظر كنز دي لو كنز يبقى انا مش عاوز **** دي* ام دا كنز !
اختي الصغير : قالتلي انا متشائمه من الارض دي انا خايفة ادخلها


قولتلها لا متخافيش دي مجرد ارض زراعية عادي تعالى هنرووح نسأل عنها


استأذنا من بابا وروحنا على اننا هنجيب شوية حاجات
روحنا بدأنا نسأل كل ما نسأل حد عن الارض دي يقولنا انهى ارض مافيش ارض كدا
او يقول انا ماليش دعوة والله مابقربلها ولا ليا دعوة بيها
او اللى يقول انا اطرش معلش لو هتتكلم عن الارض دي مش هرد
الا راجل واحد بس شافنى و أنا بسال قالى تعال معايا انا هقولك على كل حاجة
الراجل تقريباً طوله 1 متر او 95سانتي يعني قصير اوي و كان مغطي وشه
المهم روحت معاه انا واختى الصغيرة لاقيناه ساكن في بيت شبه الكوخ القديم دا اللى
احنا طبعاً خوفنا ندخل قالنا ماتخافوش مش هخطفكو انا مش بعض !!
ضحكنا واخدنا الموضوع هزار و دخلنا واحنا مرعوبين اصلا اننا نقرب!
... دخلنا البيت الراجل شال القناع من على وشه طلع وشه مش محروق ولا حاجة عشان يحط شاش وقناع وكدا بس احيه ايه دا
دا نفس الراجل اللى صورته فى القبو اللى مرسومه بالزيت
" عينيه مش موجودين اصلا مكانهم مافيش حاجة مناخيره تقريباً مش موجوده بوقه واسع اوي و سنانه حادة


انا واختى شوفناه : صرخنا بأعلى حاجة عندنا انا بصراحة صرخت ولا ست فى الـشهر التاسع وبتولد!
قالنا ماتخافوش ماتخافوش انا عارف انى اخوف و دا سبب انى لبست الحاجات دي عشان الكل بيخاف مني مش عاوز حد يخاف مني هم عارفين انى ميت .


قولتلو تلقائى : بدل مانت ميت عاوز مننا ايه سيبنا ربنا يرحمك رغم انى ملحد لاقتني لجأت لربنا بشكل تلقائى ودي مكانتش اول مرة دا لسة كتير اوي هلجأله


المهم قالنا : انا صاحب البيت و حارس المقابر احسنلكو ماتزرعوش الارض دي


لسة هيكمل انا قولتله : استنى استنى حارس مقابر ايه ؟؟ انا جيبت البلد يمين وشمال مافيهاش قبر واحد!


لاقيته وشه اتقلب و زعق قالى : ماتقطعنيش دا موضوع خطر عليا قبلكو


انا اترعبت بصراحة من منظره وهو بيكشر عن انيابه وبيزعق روحت قايله : كمل كمل بس مش عاوز اتاكل .
قالى : كدا كدا لو مسمعتنيش مش هتتاكل هيحصلك اسوأ !
قولتله انا واختى فى نفس الوقت : هو فيه حاجة اسوأ ؟ طيب كمل الحكي


رد وبدأ الحكي وقال : .....


" نستكمل فى الحلقة القادمة "

================
لمتابعتي اتمنى الاعجاب بصفحتى ع الفيسبوك

سيتم نزول جميع اجزاء القصة هناك القصة عبارة عن 4 اجزاء و ان شاء الله فيه قصص اكثر كثير " رعب ايضا"

توقيع - اآلفرعؤن

  رد مع اقتباس
قديم 16-07-2014, 08:10 AM   #2
فوتو خفاجه
طالب نشيط
 
الصورة الرمزية فوتو خفاجه

الإقامة :  مصر - الاسكندرية
هواياتي :  photoshop.illustrator
فوتو خفاجه سيصبح متميزا في وقت قريبفوتو خفاجه سيصبح متميزا في وقت قريب
فوتو خفاجه غير متواجد حالياً
افتراضي

القصة حلوه اوي ياريت تنزل الباقي علشان انا كده دماغي هتشتغل واعد افكر في اللي هيحصل واكيد اللي هتقوله احسن من اللي في دماغي بكتير [IMG]http://im31.***********/QSmfZ.png[/IMG]

  رد مع اقتباس
قديم 17-07-2014, 12:43 AM   #3
اآلفرعؤن
عضو متميز
 
الصورة الرمزية اآلفرعؤن
افتراضي

هههه تسلم خفاجة

انهاردة قرب الفجر اوبعده هتلاقى الجزء التاني

لحد الوقت دا خلي دماغك تجيب و تودي هههههه

توقيع - اآلفرعؤن

  رد مع اقتباس
إضافة رد

الكلمات الدليلية
مدينة, الموت, تأليفي


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:35 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google