مدرسة جرافيك مان  

مشاريع افترافكت


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > منتدى طلاب مدرسة جرافيك مان > جرس الفسحه ... حوش المدرسة

الملاحظات

جرس الفسحه ... حوش المدرسة ترفيه و تسليه اعضاء المنتدى فيديوهات كوميديه من يوتيوب - نكت و فوازير مصوره جديده - صور مضحكه معاكسات و شقاوه - مقالب و قفشات كوميديه - مواضيع ترفيهيه خفيفه للبنات والشباب


(الجزء الثالث) مدينة الموت .. حلقة رعب

ترفيه و تسليه اعضاء المنتدى فيديوهات كوميديه من يوتيوب - نكت و فوازير مصوره جديده - صور مضحكه معاكسات و شقاوه - مقالب و قفشات كوميديه - مواضيع ترفيهيه خفيفه للبنات والشباب


إضافة رد
 
أدوات الموضوع إبحث في الموضوع انواع عرض الموضوع
قديم 20-07-2014, 06:02 AM   #1
اآلفرعؤن
عضو متميز
 
الصورة الرمزية اآلفرعؤن
B6 (الجزء الثالث) مدينة الموت .. حلقة رعب

[IMG]http://im85.***********/RQlLmj.jpg[/IMG]

مدينة الموت

الجزء التالت
تأليفي : #اآلفرعؤن
=====================
السلام عليكم ورحمة الله وبركاته
افكركم بسرعة انى اسلام 18 سنة و وصلنا ان القزم بدأ يحكي و قالنا عن اللى حصل فى الارض و اخوه بدأ يحصله حاجات عجيبة بس و سفروه ومعدش بيحصلو حاجة
..
دخلت على اخويا الاوضة لاقيته رجليه بالعكس يعني الركب ورا مش و ايديه الكيعان مش لورا لقدام
وشه مقلوب !! واقف على ايديه ورجليه!
انا اتفزعت بصراحة وكان بيبص لليمين ليمين الغرفة للركن و كأنه خايف اول مانا صرخت من الرعب

لاقيته بصلي فى ثانية كان وشه نحيتي فاهمين يعني ايه فى ثانية فى اقل كمان كان باصصلي وعليه نظره غضب انا طلعت اجري لاقيته واقف مكانه انا استخبيت تحت السرير ودا مخبأ اي حد زمان بس على مين

عمال اراقب لايجي او كدا لسوء حظى النور قطع بس احنا كنا الصبح ولسوء حظي كنت قافل الشباك بس من فراغاته كان داخل نور بسيط يعني مش شايف الا حاجات قليلة بس لاقيت فيه دخان اسود اوي بدأ يتكون فى ركن الاوضة انا بصيت للدخان لاقيته اختفى كان الدخان فى ركن الاوضة اليمين نحية الباب المقفول

برجع وشي نحية الشمال لاقيت اخويا جنبي المفروض الواحد يفرح ان اخوه جنبه صح ؟

انا بصراحة اترعبت و حاولت اهرب بس متكتف من حاجة من رجليا اخويا كان وشه كله ماية و عينيه دي كلها دم وبتنزل دم كان بوقه بيطلع مادة غريبة كدا مش بتاعت بني ادمين ابدا انا حاولت اهرب كتير بس معرفتش طبعاً!!
اخويا بمنظره العجيب دا لاقيته بيقوم يوقف على رجليه السرير طار طبعاً معرفش ازاي خبط فى السقف و اتكسر

و انا ف نص الضلمة دي واخويا واقف راسه فى السقف رغم انو مش طويل !

حاجات سودة مش عارف ايه دي ماسكانى من رجلي وكتير اوي و تقريباً كان فيه فيران بتاكل في جلد رجلي و قاعدين على بطني ..

انا بقول لاخويا كفاية حرام عليك دانا اخوك.
لاقيت اخويا اغماً عليه طبعاً انا حمدت ربنا لان كل حاجة رجعت بعد ما اغم عليه و النور رجع ومافيش حاجات بس جلدي بقى مشوه ..

انا روحت قعدت فى اوضتى اللى فى الدور التالت!

قولتله : بس الدور التالت مقفول !

قالى والمرة دي بهدوء : مانت هتعرف اتقفل ليه واحسنلك ماتفتحهوش .
طبعاً ظهر على وشي علامات القلق! وقولتله كمل

راح مكمل : انا طبعاً ماجيتش جنب اخويا بس الصبح اليوم اللى بعده لاقيته عادى قايم يتمشى فى البيت بياكل و كدا .

نزلت احكيله ع اللى حصل لاقيته بياكل واحد وبياكل بس انا اتفزعت دا بياكل كلب ميت !!

بصلي بصة غريبة انا بصراحة اترعبت وطلعت على اوضتي

لاقيته بيناديلي بيقولي محمد تعالى هنا

اه نسيت اقولكم انى اسمي محمد معلش يا اسلام معلش يا نهى !

قولتله : استنى ازاي عرفت انى اسلام و هى نهى ؟؟

قالنا : انتو قولتولي بعد ماصرختوو

قولتلو : لا ماقولناش !
زعق فيا ووشه اتقلب تاني : انت هتكدبني انتو قولتولي ولا مش مكمل وروحو ف 60 داهية !
انا اترعبت وقولتلو : كمل كمل اه افتكرت قولتك .
طبعاً انا متأكد انى ماتكلمتش!

المهم هو كمل وهدى وقالنا : انا نزلت عشان اشوف اخويا عاوز ايه بس لما نزلت
سمعت صرخة راجل عالية اوي فاهمين يعني ايه صرخة رجالى عالية اوي !

فجريت بسرعة من على السلم اللى كان كله فيران حجمها كبير نوعاً ما وكانت مغطية السقف و النور قطع وانا نازل !

ببص على اخويا لاقيته ميت (الجزء الثالث) مدينة الموت .. حلقة رعب

اه والله زي مابقولكم اخويا مدبوح راسه فى حتة وجسمه فى حتة وكلاب كتير بتاكل فى جسمه انا فضلت اعيط والطم ووقعت عالارض بس فى حاجة تانية كنت لازم الطم بسببها ..

طلعت للاوضة بتاعتى اللى فى الدور الـ 3 تاني .
وكأنى روحت لأجلي اول مادخلت الاوضة الباب اترزع !

الازاز كله اتكسر الا المراية الاوضة ضلمت

ولاقيت الهيكل العظمي الغريب اللى كان فى المقابر

طالعلي من المراية ونفس الجيش راكع صفين كدا وهو ماشي وجايلي .

انا بصراحة اتكومت مكانى وفضلت اقرا قرآن وادعى ربنا .
" اللهم انى اعوذ بك من همزات الشياطين و اعوذ بك من ان يحضرون "

بس ولاااا كأني بقول حاجة الهيكل دا كان جايلي

بس فيه حاجة غريبة المرة دي ..

كان فيه اجزاء منه عليها لحم وكاملة ..

لاقيته مسكني جامد من دماغى.

وقالى : انت بس بصوت مرعب جدا والمرة دي بيتكلم يعني مش بسمع الصوت من غير مايتكلم

قولتله : انا ؟

قالي : ايوا انت يامحمد ... انت اللى اخترتك عشان تبقى حارس!

قولتله : حارس ايه .. ايه التخاريف دي !

قالي : انت حارس المقابر وحارسي الشخصي انت هتساعدني انى ارجع تاني للحياة !

قولتله : ازاي؟
قالى : انت هتروح للناس و تخليني اقضى عليهم بأبشع الطرق انت كل مهمتك تحمي المقابر من اي حد ممكن يدخلها او يشوهها . او يسرقها
و تخليني اتغذى على ارواح الناس دول ! عشان ارجع للحياة

والمقابل هيكون غالى اوي

قولتله : لالا انا عمري ماعمل كدا فى اهل قريتي لا عمري ماعمل كدا !

قالى : انت مش هتخلص منا كدا ! انت كدا فتحت ابواب جهنم عليك .. كدا انت بتعصى اوامر ملك " مدينة الموت "

انت لازم ترجع الساحر للحياة لازم ترجعني للحياة .

المهم بعدها لاقيت كل حاجة اختفت انا طلعت اجري من البيت وقررت ماارجعش ابداً .

وانا ماشي بجري فى القرية ومحدش عارف بجري ليه

عديت من جنب الارض الزراعية بتاعتي
لاقيت اخويا اللى مات !! هو المفروض مات

وندهلي قالى : محمد خد بص لاقيت ايه تعالى خد الارض اتزرعت اخيراً

انا فرحت انى شوفت اخويا مش عشان الارض ولا حاجة فتحت البوابة ودخلت لاقيت بابها اتقفل جريت على اخويا بقوله انت ايه اللى جابك هنا يلا نخرج من الارض دي بسرعة

لاقيت اخويا : وشه رجع زي ماكان فى البيت وايديه ورجليه

وضحك ضحكة غريبة مخيفة

وقالي : مش قولتلك هتيجي وتحرسها !

انا جاي بهرب لاقيت اخويا المرة دي بيجري ورايا!

مسكت فى البوابة وبزعق حد يفتحلي حد يفتحلي

اخويا هجم عليا وبدأ يقطع جلدي كأن قطة بتخربشني

وفجأة
.
.
.
.
لاقيتني بصحى من النوم !! اه بصحى من النوم @@

معقول دا حلم يامحمد ؟؟ لا دا مش حلم

فيه خرابيش قطط على ايدي .. و الاوضة دي مش اوضتى دي شبه السجن

دم عالحيطان و سلاسل فى كل مكان و فران بتجري ف كل مكان و الغريب فيه فيران عالسقف و دم بينزل من السقف !!

ولاقيت ......

" نستكمل فى الجزء الرابع "

==============

اتمنى انها عجبتكم ^^

تحياتي لكم

توقيع - اآلفرعؤن

  رد مع اقتباس
إضافة رد

الكلمات الدليلية
مدينة, الموت, حلقة, الثالث, مدرسه جرافيك


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:26 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google