مدرسة جرافيك مان  

ايقاف العضويات التي لم تسجل دخول منذ عام


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > الأقسام العامة > المواضيع الاخباريه > الاخبار

الملاحظات

الاخبار أخبار عالميه محليه متابعه الاحداث ، مواضيع متنوعه في كافة المجالات ،حوادث ، قضايا الساعه ، أخباريه ، متابعات


الفرق بين شواطئ اوربا و شواطئ مصر

أخبار عالميه محليه متابعه الاحداث ، مواضيع متنوعه في كافة المجالات ،حوادث ، قضايا الساعه ، أخباريه ، متابعات


إضافة رد
 
أدوات الموضوع إبحث في الموضوع انواع عرض الموضوع
قديم 15-08-2015, 12:49 AM   #1
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
B3 الفرق بين شواطئ اوربا و شواطئ مصر


تعالوا نتعرف على الفرق بين شواطئ اوربا و شواطئ مصر مش كل مصر طبعا بس اسكندريه تحديدا ^_^





الفرق بين شواطئ اوربا و شواطئ مصر


علي اليمين سواحل ايطاليا في الاجازات
علي الشمال احراش اسكندرية في الحرب
علي اليمين في مساحة رملية كبيرة بين البحر والمباني..
علي الشمال بيردمو البحر عشان يبنوا فيه فنادق وغالبا البحر بيقفش عليهم في الشتا وبيهدها علي دماغتهم.. الموضوع قالب عند مش اكتر
علي اليمين الشمسية بتتغرز في الرمل.. اه والمصحف بتتغرز في الرمل
علي الشمال لو غرزت الشمسية في صُرة اللي جانبك بتكسب ١٠ بوينت.. لو في بوقه بتكسب ٢٠ بوينت.. لو في عينه بقي بتكسب ٣٠ بوينت لان النشان صعب في اللامؤاخذة العين... تاخد بيهم اولوية الغز بكرة قرب البحر...
علي اليمين في محلات تشتري منها اكلك وشربك ومنها للرمل
علي الشمال مجرد نجاتك من عبور الطريق وانت جايب ازازة مية صغيرة خايف عليها زي ما بتخاف علي شرفك يستحق ان تحتفل طول السنة وتحكي المغامرة دي لاحفادك... السواقين بتهرس اللي بيشترو ازايز مية صغيرة...
علي اليمين الشماسي ورا بعض.. او جنب بعض..
علي الشمال الشماسي فوق بعض او تحت بعض... او في نني عين ام بعض
علي اليمين الناس شايفة جمال البحر...
علي الشمال الناس شايفة جمال عبدالحميد اللي سارح بالكاميرا او قمصان النوم اللي بترتر او النضارات او الشاي او القهوة او الفريسكا او جرادل العيال او الطيارات الورق او الشيبسي والحلويات او السجاير... جمال عبدالحميد... ركز مع جمال
علي اليمين الناس بتسمع صوت البحر
علي الشمال الناس بتسمع مشاكل فوزية اللي سايبة بيت جوزها وجاية مع امها تصيف والله يخرب بيتك يا سيد مطرح ما انت حاطط راسك والهي ارجع الاقي الشركة ولّعت ويا ترى حسدد فلوس سلفة المصيف منين.. ويا ختااااااااااااااااااااي الراجل ده بيعاكسني وبيقول عليا شبه اسد البحر... وهكذا لحد ما تصدّع وتنام من التعب في الرمل والعيال تعملك دواسة يمسحوا فيها الشباشب من الرمل...
علي اليمين اهم حاجة الهدوء والنظام...
علي الشمال اهم حاجة الاكياس النيلون بتاعة كارفور عشان تلم فيها الفوط المبلولة والتيشرتات المبلولة والشباشب المبلولة والمية المبلولة....
علي اليمين في مراكب ووين سيرف وويف سيرف
علي الشمال في عوامة وزة صفرا منقطة بوني وفي داخلي نقل نصر موديل ٤٨ الناجية من حرب فلسطين...
علي اليمين الناس بتشم ريحة البحر..
علي الشمال الناس بتشم ريحة المحشي والمسقعة وسندوتشات كفتة الرز وترامس الشاي وجاز سيبرتاية القهوة وبتشم ريحة هضم صانية المكرونة بالباشميل اللي خرجت من بطن عبير وهي نايمة تحت الشمس من غير ما تاخد بالها.. حتي الصوت ما اتسمعش من الدوشة... قصدي صوت شخير عبير طبعا..
علي اليمين الناس بتخلص وترجع وقد ازاحت عن كاهلها عبىء سنة كاملة من العمل والكد والجهد
علي الشمال الناس بترجع واشداقها تتوق الي غز انيابها في رقاب العيال والمدام والزملاء في الزفت الشغل... مع وصلة ممتدة من ارتاحتوا؟؟ اياك اسمع كلمة مصيف تاني يا رمم... انا اللي غلطان... انتي طالق... الخ...
علي اليمين الناس بتسيب وراها بلاج
علي الشمال الناس بتسيب وراها ضحية منهكة من تناوب الاعتداءات عليها وسط الزراعات في حالة اعياء شديد وامر رئيس النيابة بعرضها علي الطب الشرعي...

  رد مع اقتباس
قديم 16-08-2015, 01:43 AM   #2
أنين قلب
مشرفة سابقة

الإقامة :  أخيراً مصر ... الحمد لله
هواياتي :  القراءة والموسيقى ورياضة المشي
أنين قلب على طريق التميز
أنين قلب غير متواجد حالياً
افتراضي

علي اليمين بنآدمين بتحافظ علي نفسها ولذلك بتحافظ علي المكان اللي قاعدة فيه علشان تقدر تستمتع

علي الشمال .............................؟؟؟؟؟؟؟؟؟؟؟؟؟؟؟؟؟؟




إليك تحياتي

  رد مع اقتباس
قديم 16-08-2015, 02:08 PM   #3
knaji
نائـــب المديــر
عضوية موثقة
 
الصورة الرمزية knaji
أوسمتي
      knaji : الابداع                knaji : wesamtamayoz             knaji : talebmesali    knaji : entma2    knaji : xafdalmotabe3    knaji : xmorakibmethali    knaji : mo3lemmesali
افتراضي

اللهم اجعلنا من اهل اليمين هههههههههه

البمين بيعلموا اولادهم الاحترام وازالة الاذى عن الطريق
وبتاع الشمال يعلموهم المساؤ ..... هما كتار مش قادر اكتبهم

  رد مع اقتباس
إضافة رد

الكلمات الدليلية
, , , , , , ,


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:57 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google