مدرسة جرافيك مان  

ايقاف العضويات التي لم تسجل دخول منذ عام


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > إستراحة نواعم للبنات فقط > حواء > النواعــــم

الملاحظات

النواعــــم مواضيع للبنات والنساء خاصه بالاهتمامات الحريمي والنصائح للسيدات وتبادل الخبرات الحياتيه


التربية الجنسية الحلقة السابعه - أسئلة الطفل المحرجه ج1

مواضيع للبنات والنساء خاصه بالاهتمامات الحريمي والنصائح للسيدات وتبادل الخبرات الحياتيه


إضافة رد
 
أدوات الموضوع إبحث في الموضوع انواع عرض الموضوع
قديم 10-01-2016, 02:00 PM   #1
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
612 التربية الجنسية الحلقة السابعه - أسئلة الطفل المحرجه ج1


التربية الجنسية الحلقة السابعه - أسئلة الطفل المحرجه ج1

التربية الجنسية الحلقة السابعه - أسئلة الطفل المحرجه ج1


التربية الجنسية من الميلاد الى الزواج
الحلقه السابعه
أسئلة الطفل المحرجه ج1
************************
المره اللى فاتت الناس استغربت وقالت انت طرحت الاسئله طيب فين الاجابات ؟؟

عدم ذكر الاجابات المره اللى فاتت كان مقصود وكان الغرض منه اننا نسمع منكم

كل الاسئله اللى ممكن الطفل يسألها وبالفعل ظهرت اسئله كتير جدا اكتر من

اللى طرحناهم فى الحلقه .

هنبدأ النهارده بنماذج من الاباء والامهات فى طريقة ردهم على السؤال
********************************************.
1 – الرفض .

وهو ان الاب او الام ترفض السؤال وتعنف الطفل وتقوله بس اسكت بلاش قلة ادب

او بطل رغى او كده عيب وهنا الطفل بيبطل يسأل تانى وهيبدأ يدور على حد تانى

يسأله ولازم ننتبه الى انه فى اصدقاء ونت ومصادر كتير سيئه.

2 – التهرب .

وهو ان الام تبدأ تغير فى صيغة السؤال وتحاول ترد باى رد والسلام . يعنى رد غير

شافى للطفل ومبيشبعش فضوله وهنا الطفل بيمل من الاب والام لانهم بيماطلوا

ويسوفوا وبيجاوبوا اجابات مش حقيقيه ولا كامله وبيعرف من بره انهم ضحكوا عليه

وكمان ممكن يعطوا الطفل معلومه كاذبه وفيها استخفاف بعقله فلما يذكرها امام

اصدقائه يبقى ماده للسخريه .

3 – اجابه مباشره بدون تفسير

ودى غلط لان الطفل لا يفهم بلا شرح وتفسير واللى انت بقيت تفهمه بسهوله

لانك كبير ده بقى سهل لان خبرتك وسنه ساعدوك على الفهم لكن الطفل لسه

بلا فهم ولا خبره وفى حاجه الى تفسير وشرح .

4 – تقديم اجابه وتفسير

وهنا الاب والام بيشرحوا ويفسروا للطفل كل شيئ بما يناسب سنه ومداركه

5 - توجيه الطفل للبحث بنفسه او التفكير بنفسه فى اجابات

والنوع ده بيبدأ يقول للطفل حاول انت تفكر وتقولى اجابه وانا هصلحلك لو كانت

غلط وهكمل عليها لو كانت صح . طبعا النوع الرابع والخامس هما افضل الانواع اذا

تم مراعاة عقلية الطفل وسنه واسلوب الحوار والكلمات والالفاظ

شروط اجابة السؤال
**************
1 – ان تكون اجابه صادقه

2- ان تكون اجابه مناسبه للسن

3 – ان تكون اجابه فى وقت ومكان مناسبين

يعنى بعرف الطفل انه يسأل ماما لما يكون هو وماما بس مع بعض ولو كان فى اى

حد واقف معاهم او قاعد مع ماما يبقى لازم يوشوش ماما بالراحه ويسألها فى

ودنها وماما هتجاوب لو ينفع تجاوب ولو مينفعش اول ما نبقى لوحدنا هتجاوب.





والافضل طبعا ان الطفل ميأجلش استفسار او معلومه لانه ممكن يكون هيقول

حاجه مهمه او ايذاء تعرض له وعايز يعرفنا واحنا مع التأجيل نعطى ايحاء للطفل

بعدم اهمية الامر او ينساه او الشخص اللى تعرض له يمشى بعيد مثلا

**************************************

ودلوقتى هنبدأ بالاسئله واجابتها .
*************************
س 1 – انا جيت منين ؟

فى كذا اجابه للسؤال ده .

فى ناس بتفرج الطفل على الفرخه وهى بتبيض وبتقول للطفل ان البيبى بيبقى

موجود فى بطن ماما وبيخرخ بعد لما بيكمل 9 شهور فى بطنها

وناس بتفرج الطفل على فيلم فديوا لولادة الحيوانات وبتشرح للطفل ان البيبى

بيكون زى الحصان ده او الفيل ده وبيولد بنفس الطريقه بعد 9 شهور والافلام دى

كتيره على اليوتيوب وممكن نلاقيها بسهوله .

وناس بتشرح المثال ده على الزرعه وبتقول ان البيبى بيكون زى البذره اللى

حطيناها فى الارض وبتخرج من بطن ماما زى الزرعه دى ما خرجت من الارض لكن

بعد 9 شهور .

وفى ناس بتقول ان البيبى ده كان صغير خالص خالص قد الحبايه وربنا بيحطه فى

بطن ماما لما تتجوز وبعد 9 شهور بيخرج للدنيا .طبعا دى كلها اجابات مناسبه لانه

بتخاطب طفل من 3 الى 6 ومينفعش السن ده نحكى معاه فى اتصال جنسى ولا

اى شيئ له علاقة بالجنس لان فهمه مش هيساعده انه يميز ما بين علاقه بين

زوجين وبين لعبه ممكن يلعبها مع زميلته فى الحضانه
**********.
س2 - هو ليه انا واختى مش زى بعض ؟

لان ربنا خلق البنات لهم شكل زى اختك وماما وتيته وعمتوا وخالتوا وكمان الولاد

لهم شكل زيك انت وبابا وخالوا عمو وجدوا وكل حاجه فى الدنيا ربنا خلقها ولد

وبنت زى القط والقطه والعصفور والعصفوره وكل ولد وبنت لما بيكبروا بيكونوا

زى بابا وماما وربنا يبعتلهم نونو صغير بس لازم يبقوا كبار ويتجوزوا زيى انا وبا با
****************

س3 - ليه البنات مش بيعرفوا يعملوا حمام زى الولاد وهما واقفين ؟

لان ربنا خلق كل البنات زى بعض شكل واحد وكمان كل الولاد زى بعض شكل واحد

وفى حاجات بتعرف البنات تعملها والولاد لأ وحاجات بتعرف الولاد تعملها والبنات لأ

وربنا خلقهم كده علشان ده اريح لهم يعنى انت تقدر تمشى على ايدك ورجلك

زى الحصان ولا هتتعب ؟؟ هيقول لأ هتعب . يعنى لما تمشى كده على رجليك

بس اريح ليك ؟ هيقول اه هنقوله برضوا ربنا خلق البنات ترتاح فى حاجات والولاد

ترتاح فى حاجات . وربنا بيخلى شكل كل واحد يبقى مريحه فى الحاجه اللى بيعملها
********************

س 4 - هو ليه بابا مش بيعرف يرضع النونو ؟

لاننا قولنا ماما وكل البنات الكبار اللى اتجوزوا ربنا خلاهم هما اللى يقدروا يشيلوا

النون فى بطنهم ويقدروا يرضعوه وخللاتى كل الولاد الكبار والرجاله اللى قد بابا

يقدروا يشتغلوا كتير وليهم عضلات يقدروا يتعبوا ويشتغلوا يجيبوا لينا فلوس

نشترى بيها كل الحاجات وكل اللعب ,ربنا خلى كل واحد له شكل يساعده على

الحاجه اللى بيعملها . يعنى ماما والبنات الكبار ليهم مكان يشيلوا فيه النونو جوا

بطنهم وكمان مكان يرضعوا منه النونو وده عند ماما والبنات الكبار بس .
*************************

س 5 – هو ليه انا مينفعش انام معاكى ؟ هتقوليلى علشان انا كبرت طيب ما بابا كبير وبينام معاكى ؟

علشان كل اتنين كبار قد ماما وبابا لما بيكبروا ويتجوزوا ويعملوا فرح ويبقى ليهم

بيت لوحدهم بيناموا سوا ولما بيجيلهم اولاد صغيرين بيناموا سوا الولاد مع الولاد

والبنات مع البنات ولما الولاد والبنات الصغيرين يكبروا ويبقوا قد بابا وماما وكل واحد

منهم يتجوز ويعمل فرح ويجيب بيت برضوا هيعمل كده .
**********************

س6 - طيب انا عايز لما اكبر واعمل فرح اتجوز اختى او اتجوزك انت يا ماما ؟

لا مينفعش .. علشان ربنا عايزنا نبقى كتير ونعرف ناس تانيين ولو اتجوزنا بعض

مش هنعرف حد جديد ولا نبقى كتير لكن لما نتجوز ناس تانيين غير اخواتنا هنبقى

كتير ونعرف ناس تانيين ونبقى عملنا اللى ربنا بيحبه وناخد حسنات

يبقى مينفعش نتجوز ماما ولا خالتوا ولا عمتوا ولا تيته كمان اختك

مينفعش تتجوزك ولا تتجوز بابا ولا خالوا ولا عموا ولا جدوا
*********************

س7 – انت ليه يا ماما بتلبسى كده ( لبس قصير او شفاف او مكشوف ) قدام بابا مع انه راجل ؟

طبعا هنا بنوجه رسالة للام ان لبس البيت ترنج او بجامه او عبايه او سدال او اى

شيء ساتر للعوره ولو هيكون لبس قصير او مكشوف يبقى فوقيه روب .

راعى ان فى اولاد وبنات وان ما يلبس للزوج من بابا الزينه واظهار فتنة المرأه

وجمالها لا يصح ان يلبس امام الابناء .

ومحدش يقول الدنيا حر فنلبس براحتنا لان ده كلام مش صحيح ممكن نص كم

وممكن طويل شويه وممكن حاجات كتير غير اللى تكشف عوره او تثير ابن او بنت

وفى فتوى بانه حتى اللبس لو ساتر وكنه مثير ينبغى تركه وعدم لبسه الا للزوج

فقط ولا يلبس امام الابناء الفتوى على موقع اسلام ويب هنزلها فى تعليق على البوست .
***************

س8 – ماما هو انتى بتلبسى بامبرز زيى البيبى ؟؟

طبعا ده سؤال اتوجه لامهات كتير وكان استفسار من الطفل عن الفوط الصحيه .

والحقيقه انا مستغرب لان الطفل عمره ما هيسأل عن حاجه مقفوله او موجوده فى

مكان مغلق والمفترض ان دى حاجه خاصه جدا يعنى كل ما يخص الاعتناء

بالنظافه الشخصيه والملابس الداخليه وما شابه المفترض يكون فى دولاب خاص

بالام او فى دولاب الحمام بعيد عن اعين الطفل .لان فى بعض الامور بنتصرف فيها

بشكل غلط وبنرجع نسأل ايه الحل ؟

************************************************** *******
لسه باقى معانا 18 سؤال هنجاوب عنهم المره اللى جاية ان شاء

الله لان المقال هيبقى كبير جدا لو كتبناهم

ملحوظه هامه جدا ..
****************
اوقات بيكون فى تعليقات فيها بعض الكلام بيصف امر خاص جدا او لبس او امور

خاصه ميصحش تتذكر بالشكل ده واوقات كمان بيكون فى وصف دقيق لشيئ

ممكن التلميح له بكلمات بسيطه وتوصل المعنى وكمان فى بعض الاعضاء الكرام

بيعلق على اللى بيكتب مش على الموضوع نفسه انا عارف اننا كلنا فى الصفحه

اعضاء على مستوى عالى من الرقى والحياء واكيد هنراعى الامر ده .

اسأل الله ان يرزقنا جميعا الحياء والعفاف وقول وفعل ما يرضيه عنا .



التربية الجنسية الحلقة الأولى - مش عيب ولا حرام
التربية الجنسية الحلقة الثانيه - الاطفال من سن يوم الى سن 3 سنوات
التربية الجنسية الحلقة الثالثه - تعلمي مع ابنك
التربية الجنسية الحلقة الرابعه - علاج المواقف الحرجه
التربية الجنسية الحلقة الخامسه - اخطاء يجب الانتباه لها
التربية الجنسية الحلقة السادسه - من سن ( 3 الى 6 ) سنوات
التربية الجنسية الحلقة السابعه - أسئلة الطفل المحرجه ج1
التربية الجنسية الحلقة الثامنة - أسئلة الطفل المحرجه ج2
التربية الجنسية الحلقة التاسعه - التحرش الجنسى
التربية الجنسية الحلقة العاشره - التوعية للوقاية من التحرش
التربية الجنسية الحلقة الحاديه عشر - علامات التحرش بالاطفال
التربية الجنسية الحلقة الثانيه عشر - علاج الاطفال من التحرش الجنسي

  رد مع اقتباس
قديم 06-04-2017, 04:03 PM   #2
mrstamer
فريق الابداع
 
الصورة الرمزية mrstamer

الإقامة :  بلاد الله
هواياتي :  اتعلم الجميل المفيد
mrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدودmrstamer مبدع بلا حدود
mrstamer غير متواجد حالياً
أوسمتي
      mrstamer : الابداع                mrstamer : wesamtamayoz          mrstamer : talebamesalia               
افتراضي

احسنتم الموضوع استاذ حاتم
برفكت بجد
الطفل في عمر مبكره بيسأل وبيستكشف
يحتاج الامر حكمه في التعامل معه
وتلقيمه الحقيقه ببساطه وبدون تشويه يؤثر عليه مستقبلا
جزاكم الله الجنه

توقيع - mrstamer

  رد مع اقتباس
إضافة رد

الكلمات الدليلية
, , , , , , ,


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:35 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google