مدرسة جرافيك مان  

ايقاف العضويات التي لم تسجل دخول منذ عام


خلفيات الاستوديوهات الدعايه والاعلان و الطباعة دورة فوتوشوب الاستوديوهات دورة سويش ماكس دورة مونتاج الفيديو تحميل خلفيات فيديو خلفيات فوتوشوب psd جرافيك مان
الانتقال للخلف   مدرسة جرافيك مان > إستراحة نواعم للبنات فقط > حواء > النواعــــم

الملاحظات

النواعــــم مواضيع للبنات والنساء خاصه بالاهتمامات الحريمي والنصائح للسيدات وتبادل الخبرات الحياتيه


التربية الجنسية الحلقة الحاديه عشر - علامات التحرش بالاطفال

مواضيع للبنات والنساء خاصه بالاهتمامات الحريمي والنصائح للسيدات وتبادل الخبرات الحياتيه


إضافة رد
 
أدوات الموضوع إبحث في الموضوع انواع عرض الموضوع
قديم 10-01-2016, 02:07 PM   #1
جرافيك مان
المدير العام
C.E.O
 
الصورة الرمزية جرافيك مان
أوسمتي
جرافيك مان : جرافيك مان                                             
612 التربية الجنسية الحلقة الحاديه عشر - علامات التحرش بالاطفال


التربية الجنسية الحلقة الحاديه عشر - علامات التحرش بالاطفال

التربية الجنسية الحلقة الحاديه عشر - علامات التحرش بالاطفال


التربية الجنسية من الميلاد الى الزواج
الحلقة الحادية عشر

السلام عليكم ورحمة الله وبركاته

اتكلمنا فى الحلقه السابقه عن التنبيهات ولارشادات اللى من المفروض الام

تتبعها مع الابناء لوقايتهم من التحرش

اليوم نتابع موضوع التحرش وهنتعرف مع بعض على العلامات اللى ممكن تدل الام على ان فى تحرش حصل للطفل

طبعا العلامات دى هتكون علامات ارشادية تدل الام فى حالة ان الطفل لم يخبرها

او انه يكون خايف يتكلم او انه ميبقاش مدرك ان اللى حصل له كان تحرش

وخاصة ان فى اطفال بيكون لهم ظروف خاصة ممكن ميتمكنوش من التعبير

بسبب تأخر فى النمو او تأخر لغوى او لاى سبب تانى

فتبدأ الام من نفسها فى المتابعه للطفل .

مهم جدا نعرف ان العلاقة ما بين الام والطفل بيكون لها اثر بالغ فى ان الطفل

يحكى للام عن اى شيئ تعرض له

يعنى لو الام بتضحك فى وجه الطفل وتحكيله عن يومها وهى قابلت مين وعملت

ايه بما يناسب سنه طبعا وعلشان تفتح مجال للكلام وتجرأ الطفل يتكلم

وبتسأله بعدها
عن يومه كان شكله ايه وهو عمل ايه وتبدأ تسمعه وحتى لو حكلها انه غلط او

عمل شيئ غلط تصبر عليه وتسمع للاخر وتستفسر منه عن اسباب تصرفاته دى

ويكون دايما فى ذهنها

انها تسأل ( ليه عملت ه ) ومتقولش ( ازاى تعمل كده )

لان الفرق كبير ما بين معرفة السبب اللى خلاه يتصرف اى تصرف وما بين اننا

نخلية فى موضع اتهام او دفاع عن النفس

لان الطفل لو خاف هيكون قدامه حل من اتنين اما انه يكذب او انه يسكت خالص

وميتكلمش وفى الحالتين الام مش هتعرف ايه اللى حصل لابنها

*********************
1 - وجود اثار جسديه غير مبرره على جسم الطفل .

خدوش او جروح على الاعضاء التناسلية للطفل او وجود احمرار شديد بدون ما يكون

فى مشكلة عند الولد او سبب يخلية يهرش فى المكان ده او اى علامة غريبة

وغير مبررة يعنى بدون سبب انت كأم تعرفيه

2 – وجود الالم غير مبررة فى الاعضاء التناسلية

يعنى الطفل يشكوا من الم بدون مبرر مقنع سواء عند الاخراج او التبول وهنا لازم

نفرق بين الاعراض اللى ليها سبب مرضى والاعراض اللى بدون سبب واضح

وبتظهر فجأه

3 – ظهور اى اعراض لامراض منقولة جنسيا

وهنا عايزين ننبه على نقطة مهمة قد تغفل عنها كثير من الامهات وهى ان اى

ازوجه وام غالبا ما تعانى فى فترات متباعده او متقاربه من الافرازات سواء بسبب

الفطريات او لاى سبب اخر ويفضل وده الصح طبعا ان الغيارات الداخلية للاطفال

تكون بتتجمع وتتغسل فى مكان مختلف عن مكان الغيارات الداخلية للام

4 – التعبير بالالعاب او الرسم .

لمانلاقى الطفل بيلعب لعبه واضح ان لها دلالات جنسية او بيعمل حركات جنسيه

يبقى لازم الام تنتبه وتراقب تصرف الطفل وتسأله انت بتعمل ايه ومين علمك

اللعبه دى او شوفت مين بيلعبها . لان فى بعض الالعاب بيعرفها الطفل من باب

اللعب يعنى يكون حد لعب كده قصاده وفى بعض الالعاب بيكون الطفل بيكررها

لانه تعرض لتحرش من شخص اخر وقاله ان دى لعبه او اننا كده بنلعب ومتقولش

لحد
5 - الاسئلة الخاصة بالكبار .

ودى سبق وضحناها فى حلقات الاسئلة المحرجة للطفل وقولنا ان لكل سن

اسئلة خاصة بيه ولما نلاقى الطفل بيسأل اسئلة كبيرة عن سنه فى امور خاصة

جدا لازم ننتبه ونعرف هو بيسأل بناءا على كلام سمعه من بره ولا وبيسأل من

لانه تعرض لشيئ او حصل قدامه شيئ فيه ت سواء كان لفظى او جسدى

6 – الخوف الغير مبرر

خوف الطفل الغير مبرر من احد الاشخاص وتجنب لقائه او تواجده معاه فى مكان

واحد دون ابداء اسباب خاصة لو تصاحب الخوف ده ببكاء او توتر يصيب الطفل من

وجود الشخص ده

7 - الانطواء المفاجئ .

لما يكون الطفل منطلق وبيحب اللعب والخروج وفجأه نلاقى انه بقى منطوى

وبيحب الوحده وبيتجنب لقاء الناس او يتجنب الخروج وطبيعته تكون غير كده يبقى

لازم ننتبه الى التغيير اللى حصل للطفل ونبحث عن اسبابه

8 – تجنب الكلام مع الام

تجنب الكلام وخوفه من التحدث مع الام وخوفه من الاسئله وانفراده بنفسه بيكون

له عدة اسباب ممكن يكون التحرش احدها خاصة لو الام شديدة او بتتعصب او

مبتعرفش تتواصل بشكل جيد مع الطفل

9 - وجود افراز شرجى او بقايا اخراج فى ملابس الطفل بدون سبب واضح او

مشية غريبة للطفل يباعد فيها بين ساقية دون وجود تسلخات مثلا او الم معروف

سببه للام وخاصة لو تصاحب معها وجود الم فى الاخراج ورفض لتناول الطعام او
بكاء وخوف من الاخراج .

لانه لو تعرض الطفل لا قدر الله الى تحرش او علاقة جنسية فبينتج عنها الم حاد

جدا فى الشرج وبيسبب الم شديد عند الاخراج وبيبدأالطفل يرفض الطعام لانه

هيحتاج يعمل حمام والحمام بيسبب له الم شديد

طبعا ده فى اسوء حالات التحرش اللى ممكن يتعرض فيها طفل لعلاقة جنسية

عافانا الله وكل اولاد نا يا رب من كل سوء

10 – نوبات البكاء الغير مبرره

او الاحلام المفزعه بدون سبب ممكن تكون بسبب ضغوط تعرض لها الطفل او

بسبب تهديد بيمارس علية وهنا لازم استيعاب للطفل وتطمين له

11 – التبول اللا اردى

الغير مبرر او غير معروف الاسباب بعد انتظام لفترة طويله فى عدم التبول او التبرز

اللا ارادى وخاصة لو تصاحب ذلك بالعلامات السابق ذكرها ..

واخيرا نكرر ان التواصل الجيد مع الطفل والرفق والصبر هو جواز المرور الى عقل

الطفل وتشجيعه على الكلام والا هيخبى ويكذب ويسكت وميتكلمش








التربية الجنسية الحلقة الأولى - مش عيب ولا حرام
التربية الجنسية الحلقة الثانيه - الاطفال من سن يوم الى سن 3 سنوات
التربية الجنسية الحلقة الثالثه - تعلمي مع ابنك
التربية الجنسية الحلقة الرابعه - علاج المواقف الحرجه
التربية الجنسية الحلقة الخامسه - اخطاء يجب الانتباه لها
التربية الجنسية الحلقة السادسه - من سن ( 3 الى 6 ) سنوات
التربية الجنسية الحلقة السابعه - أسئلة الطفل المحرجه ج1
التربية الجنسية الحلقة الثامنة - أسئلة الطفل المحرجه ج2
التربية الجنسية الحلقة التاسعه - التحرش الجنسى
التربية الجنسية الحلقة العاشره - التوعية للوقاية من التحرش
التربية الجنسية الحلقة الحاديه عشر - علامات التحرش بالاطفال
التربية الجنسية الحلقة الثانيه عشر - علاج الاطفال من التحرش الجنسي

  رد مع اقتباس
إضافة رد

الكلمات الدليلية
, , , , , , , ,


يتصفح الموضوع حالياً : 1 (0 عضو و 1 زائر)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 08:43 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc. Trans by
new notificatio by 9adq_ala7sas
جميع الحقوق لمدرسة جرافيك مان
اعلانات جرافيك مان
Google