السلام عليكم ، لو سمحتوا محتاج آرائكم في المشكلة دي ..

أنا هانتقل من بيتي القديم لبيت تاني و نزلت إمبارح فرع المصرية للإتصالات عشان أعمل طلب نقل للخط الأرضي ، جالي النهارده الفني و من غير ما ينزل من على الموتيسكل قالي التلات بوكسات هنا عطلانين و مش هاينفع أنقلك ، قلتله طب و الجيران دول كلهم اللي موصلين مش عطلان عندهم ليه !! قالي عادي بس مش هاينفع أنقلك غير لما يصلحوا المشكلة دي و يعملوا صيانة ، بصراحة أنا ما كنتش مصدقه و حاسه عايز فلوس لكن أنا برفض الفعل ده في كل زمان و مكان ..

المهم قلت هاكلمه فون و أسجل المكالمة و أعرض عليه لو حد هاينجزلي و عايز فلوس و كدا و بالفعل وافق و كل شيء ظاهر في المكالمة ..

المفروض أتوجه بالمكالمة دي فين عشان ما يتكررش القرف ده مع حد غيري ؟؟؟؟ و إيه الإجراء السليم اللي المفروض اعمله ؟ و هل ينفع تقديم شكاوي ضد الموظف ؟؟

gedarnet in diigo + microsoft