|
المشاركات 13,581 |
+التقييم 2.48 |
تاريخ التسجيل 12-04-2009 |
الاقامة مصر |
نظام التشغيل |
رقم العضوية 1 |
كلنا بنسمع عن الشاشات الحديثه من شركه LG والتي تتميز بخاصيه تشغيل الانترنت والفيس بوك واليوتيوب وتويتر وبيكون معاها 2 ريموت
وهم كبير اسمه شاشات LED سمارت LG smart tv
طبعا الريموت الاول ده المعروف وملوش لزمه غير في فتح الشاشه واغلاقها وبعدين بتتنقل من الرسيرفر تشوف القنوات الفضائيه
طيب الريموت التاني اللي بيكون مع تليفزيونات LG smart له شكل بيضاوي واسمه الريموت السحري او magic remote for lg smart tv
وده وظيفته مثل الماوس العاديه في جهاز الكبيوتر بيتم توجيهه للشاشه LED وتحركه زي الماوس بس بشكل لاسلكي
وتقوم بتحريك بكره الريموت لتصفح الانترنت من خلال متصفح مثبت على شاشه LG smart tv
ويوجد نظام التطبيقات على الشاشه مثل فيسبوك وتويتر ويوتيوب مثل الهواتف الذكيه
وكمان التليفزيون فيه خاصيه التسجيل من الرسيفر او الفيديو او كاميرا خارجيه
طيب كل ده جميل وده اللي بيتقال في الدعايه للشركه بس بعد ما تشتري التليفزيون هتكتشف الوهم
- افتح الكرتونه زي الشاطر و ادخل على الواي فاي واشبك انترنت وجري على ايقونه اليوتيوب هتلاقي البحث مش بالعربي مع ان التليفزون قوائمه عربيه.
- بلاش خليها بعدين افتح تطبيق الفيس بوك بقى ،، هيقولك لازم تربطه بحسابك على جهاز كمبيوتر بكود معين .
- بلاش فيس بوك نفتح المتصفح وندخل على موقع الفيس نفسه بقى دا احنا مصريين وبنفكر ومينضحكش علينا ،، اوبااااا اشتغل الفيس من المتصفح العادي
يعني مش التطبيق المثبت واخيرا لقيت ميزه في الشاشه سمارت دي ، طيب ماله بطيء وبيهنج وكل شويه تطلع رساله الذاكره لا تكفي لتصفح هذا الموقع وفيديوهات الفيس بوك مش بتفتح .
- خلاص نرجع للتطبيق يمكن يكون اسرع وادينا بقالنا يومين بنجرب كل شويه حاجه وفرحانين بالشاشه ، التطبيق باختصار هيفكرك بيوندوز 98
التطبيق عباره عن قائمه على اليمين زي الاسطوانات التعليميه كده هههههه قرف بجد وزي ما يكون المبرمج كسل يكمله
ودي صوره الفيس بوك علشان تتخيل المعاناه ^_^
facebook in lg smart tv
والغريبه من فتره شهرين كده طلعت رساله على الشاشه عن توقف دعم تطبيق الفيس بوك على شاشات LG ،، قال يعني هو كان شغال او له دعم اصلا .
طب بلاش كل ده عاوزين نسجل بقى شريط فرح من فيديو قديم فيه حد عزيز علينا وخايفين الشريط يبوظ
واهو نبقى استفدنا من ام الشاشه دي
حط الفلاشه و وصل الفيديو و دوس تسجيل مش هيحصل حاجه و لا هيسجل <<< يعلن ابو الوهم ده كله وهم وهم
طيب ما تفكر شويه وادخل على الانترنت ودور مش هتلاقي اي حل لان المحتوى العربي مفيهوش معلومات عن الشاشه دي كتير
طيب ابحث بالانجليزي ،، واخيرا عرفت الحل لازم الفلاشه تكون اكبر من 40 جيجا اوووووووف الحمد لله نجرب تاني
قلت اجرب تاني بس كنت فصلت الفيديو ... والرسيفر هو اللي متوصل حاليا .. قالي لا استنى مينفعش تسجل من HD
لازم وصله صوت وصوره اللي هي كابل التوصيل العادي من الرسيفر للشاشه زي الصوره دي
اما كابل الــ HD اهه
ماشي ياعم انا اسف نسيت اني فاصل الفيديو يخربتك انا حاسس انك بتربيني من جديد
وصلت الفيديو و سجل اخيرا بس اكتشفت انه سجل على المساحه الداخليه الخاصه بالشاشه لاني مكنتش موصل هارد كبير او فلاشه اكبر من 40 جيجا
قلت مفيش مشكله المهم انه سجل وبعدين انقل اللي سجلته على الهارد
وصلت الهارد بس مش عارف انقل ومفيش خاصيه نسخ طيب اعمل ايه في ام السراب اللي انا ماشي وراه ده ؟
قلت باااااااااس مفيش غير خدمه العملاء اتصلت بالرقم المختصر لخدمه عملاء LG
الو مساء الخير ^_^
سالته هل يوجد ترقيه لنظام الشاشه علشان تطبيق الفيس يتطور شويه على اساس انه مثل الموبايل بينزل لاي تطبيق تحديثات مستمره
الاجابه : لا
سالته طيب بالنسبه للتسجيل هل ينفع اني انقل من ذاكره الشاشه الى هارد او فلاشه
الاجابه : لا
سالته طيب لو سجلت على هارد كبير
الاجابه : الشاشه بتفرمت الهارد قبل التسجيل بنظام معين لا يعمل الا على الشاشه نفسها لضمان عدم نسخ المحتوى الى احد اخر
سالته ده شريط عائلي
الاجابه : هو النظام كده يا فندم حمايه الملكيه الفكريه
طيب ممكن اكسر الشاشه ؟
الاجابه : اكيد يا فندم دي بتاعتك وليك كل الحريه تكسرها
من الاخر اشتري شاشه عاديه بلاش تجري وراء وهم اسمه شاشات ذكيه او سمارت
تجربه شخصيه ومقال شخصي لا يجب نقله من الموقع لاي موقع اخر
جرافيك مان
يتصفح الموضوع حالياً : 1 (0 عضو و 1 زائر) | |
أدوات الموضوع | إبحث في الموضوع |
انواع عرض الموضوع | |
|
الموضوع | كاتب الموضوع | المنتدى | مشاركات | آخر مشاركة |
طلب استايل - Styles او اسمه | M ohamed S alah | طلبات الاعضاء | 0 | 02-02-2022 05:48 AM |
شرح التسجيل على تليفزيون lg سمارت | جرافيك مان | تعليم الحاسب الألي | 0 | 25-09-2014 09:21 PM |
اريد هذا الخط او اسمه | rmdnhsn | الأسئله والمشاكل الخاصه ببرنامج الفوتوشوب | 3 | 28-08-2014 09:08 PM |
ازمه فى شارع المعز لدين الله الفاطمى بالقاهرة | صابر بيه | الاخبار | 3 | 15-02-2012 12:59 PM |
Smart sat | أبوحنين | الستلايت و الفضائيات | 0 | 14-07-2011 10:22 AM |