هام للجميع موضوع يخص الردود على التصميم والنقد البناء ِِِ والافكار والاقتراحات والمشاكل

السلام عليكم ورحمه الله وبركاته
اخباركوا ايه يامبدعي المدرسه .. يارب الكل بخير
..

ياليت جميع الأعضاء اللى تتدخل معرض الفوتوشوب فى المدرسة جميعا فرد فرد
عايز اشوف افكاركم واقتراحتكم والمشاكل اللي تواجهكم فى المعرض .. علشان نرتقي بالقسم ..
واطلب من جميع الاعضاء الرد سواء عنده فكره او اقتراح او مشكله .. واللى عندهـ فكرة او مشكلة او اقتراح ياريت يكتبه هنا
..

الموضوع دا علشان اللى بشوفه فى المعرض .. من مجاملات و ردود ع التصاميم ليس لها معني ..

والردود دائما تكون متشابهه !!

مثل **تصميم رائع , تسلم ايدك , جميل جدا , مميز , و الخ ** .. وكلها لـ زيادة المشاركات فقط!!

يعني المصمم يتعب ويفكر فى افكار لـ تصميمه وفى الأخر يلاقي المجاملات و ردود ليس لها معني ولا تنفع المصمم لـ يطور من مستواه فى التصميم

**المدرسة هنا لـ التعليم** .. يعني اي عضو يدخل تصميم عضو اخر وشاف التصميم .. ياريت يشوفة من كل الجوانب .. و لو فى شئ ناقص يكتب فى ردهـ ومايبخل بـ معلومة ع صاحب التصميم
و لو فى اي فكرة ممكن تزيد من جمالية التصميم .. يقولها لـ المصمم وهوة منها يطور من نفسة واداءه ..

ليه المجاملات والردود الذي لا معني لها ؟! .. ليه مانشوف التصميم ونحكم عليه نقول اللى عجبنا فى التصميم و لو فى شئ ما عجبنا فى التصميم نقولة لـ المصمم لـ يتفادي الخطأ فى التصاميم القادمة
بكدة الكل هايصير مبدع ..

اهم حاجة لـ رقي المصم هو النقد البناء .. بالنقد الكل هايوصل للأحتراف .. ماتبخل ع احد بـ معلومة ممكن تفيدهـ فى تصميمه

بكدهـ القسم هايكون نشيط وملئ بـ المبدعين .. النقد ثم النقد ثم النقد .. وهذا لـ رقي المصمم .. والمصمم ليه يسجل فى المنتديات ؟ .. اكيد علشان يستفاد من معلومات وافكار المصممين الاخرين
ولعرض تصاميمه ويشوف النقد البناء من الأعضاء لـ يطور من مستواهـ ..

انا بشوف ردود بقول ياريت ما كان العضو دا رد ع التصميم اصلا !!.. خلاص عايزين ردود صادقة .. ردود بها نقد بناء .. خلاص نسيبنا من المجاملات الزائده اللى ماتجيب همها

تصميم عجبكـ قول اللى عجبكـ فيه ايه .. تصميم ماعجبكـ فيه شئ قول للمصمم عليه لـ يصلحه ويتفادهـ فى التصاميم القادمة

ياريت الكل يبدأ بـ نفسة .. علشان كلنا هنا نتعلم ونوصل ونرتقي للأفضل








لو فى شئ عجبكـ فى تصميم معين قول ايه اللى عجبكـ فى التصميم والحركة دي اتعملت ازاي .. والمصمم يعمل للتصميم درس
او اللى يشوف غلطة فى تصميم .. يقول لـ المصممم عليها وازاي يتفاداها فى التصاميم القادمة ولو شرح له الطريقة اللي يتفادي بها الغلطة دي هايكون شئ جميل

.
.
.

انتظر من جميع المصممين الرد ع الموضوع لو بـ فكرة او اقتراح .. او مشكلة بتواجهه فى المعرض
..

تحياتي