قواعد التصوير الاربعين 40

ماهي قواعد التصوير الفوتوغرافي الاربعين 40 التي يجب على المصور تعلمها ليصبح مصور فوتوغرافي محترف











١- التصوير مش سبوبة
٢- صور Raw
٣- متسألش انهي احسن نيكون ولا كانون
٤- العدسة ام زوم كبير مش هتخليك مصور كويس ‏‎
٥- انت مُصور يعني photographer مش photography ‏‎
٦- اكسر فلاش الكاميرا
٧- صور Raw
٨- لما ربنا يكرمك ويفتحها عليك متتنكش ع خلق الله
٩- ساعد الناس
١٠- الفلاش ف الوش مفيهوش معلش




١١ - self portrait not selfie ‏‎
١٢ - التصوير مش سبوبة
١٣ - قيم نفسك بعد كُل الصورة , انت راضي عنها ولا لا
١٤- مش عيب انك تنقل , بس العيب انك تبقي حرامي وغبي
١٥ - لما تكتب ع الصور Don't use it without my permission صدقني مش دا اللي هيخلي اللي عايز يسرقها يخاف
١٦ - صور Raw
١٧- احسن مُعدات تصوير هي اللي معاك دلوقتي
١٨ - صاحبك اللي جايب T-shirt من Pull&Bear وبنطلون من Zara دا مش موديل
١٩ - ركز ف شُغلك وفكك من الناس قالو وعادو وعملو وسوو ,شُغل النسوان دا بيجيب ورا
٢٠- اياك تلمس الموديل اللي بتصوره من ٢١ ل ٣٠ تصور Raw ‏‎




٣١- العدسة ال 50 مش بتاعت portrait ايوة فاجأتك بس دي الحقيقة المُرة ‏‎
٣٢ - نيكون الوانها مش احسن من كانون
٣٣- متكتبش ابدا فوق صورك " يارب اسعد كُل الناس " او " اعمل تاج للي نفسك تشوفه كدة " ‏‎
٣٤ - ال iSO ربنا خلقه عشان نعليه لما نحتاجه ‏‎
٣٥- مهما تكون قرأت واتعلمت انت لسة ولا حاجة , وهتفضل تتعلم
٣٦- من تواضع لله رفعه
٣٧ - مش هقولك تاني صور Raw ‏‎
٣٨- لما تكون معاك 5D mark III هتبقي 5D mark III owner مش هتبقي مُصور مُحترف ‏‎
٣٩ - مفيش قواعد للتصوير تجبرك انك تصور بشكل مُعين , Rules are made to be broken
٤٠ - جواك مُبدع هيطلع لما تسكت الناقد اللي جواك