أوباما يختار د / أحمد زويل ضمن مجلس مستشاريه العلميين

[bio7mo]

أوباما يختار العالم المصري أحمد زويل ضمن مجلس مستشاريه العلميين

أعلن الرئيس الأمريكي باراك أوباما رسميا عن اختيار العالم المصري الكبير الدكتور أحمد زويل الحاصل على جائزة نوبل في الكيمياء عام 1999 ليكون ضمن أعضاء مجلس المستشارين العلميين والتكنولوجيين التابع للبيت الأبيض مباشرة والمعروف اختصارا باسم مجلس "بي.كاست" PCAST.

وكان قرار تشكيل المجلس الاستشاري الرئاسي الأمريكي "بي كاست" قد تم التوقيع عليه في صورة قانون رئاسي بواسطة الرئيس الأمريكي السابق جورج بوش يوم 30 سبتمبر عام 2001 ، وهو مجلس يتكون من مجموعة من أبرز العلماء والمستشارين الذين يقدمون المشورة إلى الرئيس ونائبه ويساعدوه على تشكيل السياسات واتخاذ القرارات في مختلف المجالات مثل العلوم والتكنولوجيا والابتكار ، ويعتمد أوباما بشكل كبير على هذا المجلس في تشكيل قراراته وتوجهاته في القضايا الرئيسية مثل العلوم والتعليم والطاقة والصحة والبيئة والأمن والتغير المناخي والاقتصاد.








وجاء الإعلان عن اختيار الدكتور زويل – الأستاذ في معهد كاليفورنيا للتكنولوجيا "كالتيك" – في خطاب ألقاه أوباما في الأكاديمية الوطنية للعلوم في واشنطن.

وحسبما ذكرت صحيفة "الشروق" المصرية فقد وقع اختيار أوباما على زويل من بين عشرين من الشخصيات العلمية البارزة التي تم تعيينها في المجلس ، وهم : روزينا بيرباوم وكريستين كاسل وكريستوفر تشيبا وجيمس جيتس وجون هولدرن وشيرلي جاكسون وإيريك لاندر وريتشار ليفن وتشاد ميركن وماريو مولينا وإيرنست مونيز وكريج موندي وويليام بريس وماكسين سافيتز وباربرا شال وإيريك شميدت ودانييل شراج وديفيد شو وهارولد فارموس.

والمجلس بتشكيله الحالي يتألف من ثلاثة من الحاصلين على جوائز نوبل واثنين من رؤساء الجامعات الأمريكية.

وقال أوباما عن هذا المجلس : "إنه يتكون من قادة بارزين من العديد من المجالات العلمية ممن يساعدون على إيجاد تنوع في الخبرات ووجهات النظر" ، وسوف أكلف المجلس بتوجيه المشورة لي حول الاستراتيجيات الوطنية من أجل الحفاظ على ثقافة الإبداع العلمي".

أما أحمد زويل نفسه فقال تعليقا على هذا الاختيار : "إنني سعيد بأن أكون مستشارا لمساعدة الرئيس أوباما في تحقيق رؤيته للولايات المتحدة للقرن الحادي والعشرين ، وللتعامل مع القضايا ذات الأهمية العالمية".

ووصف جان لو تشامو رئيس معهد كالتك زويل بأنه "اختيار رائع لعضوية بي كاست ، ليس فقط لكونه عالما متميزا ، ولكن لأنه أيضا قائد نخبوي يملك رؤية عظيمة في القضايا التي يواجهها المجتمع".

مصدر الخبر .. محيط

الف مبرووك دكتور زويل .. وإلى مزيد من التميز دائما

لمن يريد ان يعرف الكثير عن موضوع الفيمتو كيمياء الذى حصل الدكتور زويل جائزة نوبل فيه.. يمكنكم الدخول على هذا الرابط http://bio7mo.googlepages.com/femto.htm

تحياتى للجميع

[أنين قلب]

مش عارفة ليه يا بروفسر حاسة ان الراجل دا حيمشي بسياسة اعرف عدوك علشان تعرف نقطة ضعفة وتعرف ازاي تقتله
بصراحة مش مستريحة بالمستشارين اللي عمال يلمهم من جميع التخصصات وانحاء العالم وخصوصا مصر والمسلمين ولا انت مش معايا ؟
موضوع انه يختار مستشارة شئون دينية مسلمة مصرية وعالم في الكيمياء زي أحمد زويل برضه مسلم مصري مش مريحني نهائي ..
بس ارجع واقولك
لعله خير
وربنا يخلف ظن السوء

[جرافيك مان]

الف شكر يا مان على المعلومه
وده طبعا يؤكد انه ف مصر علماء عباقره بجد واميركا محتاجه لهم
مشكور مره تانيه
تحياتي

[rehab]

المشاركة الأصلية كتبت بواسطة أنين قلب مش عارفة ليه يا بروفسر حاسة ان الراجل دا حيمشي بسياسة اعرف عدوك علشان تعرف نقطة ضعفة وتعرف ازاي تقتله بصراحة مش مستريحة بالمستشارين اللي عمال يلمهم من جميع التخصصات وانحاء العالم وخصوصا مصر والمسلمين ولا انت مش معايا ؟ موضوع انه يختار مستشارة شئون دينية مسلمة مصرية وعالم في الكيمياء زي أحمد زويل برضه مسلم مصري مش مريحني نهائي .. بس ارجع واقولك لعله خير وربنا يخلف ظن السوء

هو أكيد عاوز يخلى المسلمين فى صفه
اكيد بيفكر فى حاجه
وأكيد وراه حد بيفكر ويدبر
وربنا يستر

[أنين قلب]

انا مش ببص للموضوع بنظرة سوداء بس المثل بيقول حاذر ومتخونش ومش اختيار اوباما اللي حيعرفنا اننا عندنا علماء محتاجهم العالم مصر طول عمرها منبع العلم والعلماء والحضارة في أصلها بس اللي ينمي العلم دا ويطوره ..
شكرا rehab علي انك حاسة نفس احساسي
حياتي

[bio7mo]

علشان أوباما يعين حد فى مكان مهم زى ده.. لا اعتقد انه يهمه سياسيا بقدر انه يهمه علميا .. لأنه عايز بلده تكون أقوى بلد .. والقوة دائما من العلم .. وعلشان يختار دكتور زويل .. أكيد لأن الدكتور زويل يستحقها وهيفيد بلدهم كتير ..
وبعدين نقاط ضعفنا معروفة .. وكتيير ..
وهنروح بعيد ليه .. كان ايه اللى يجبر واحد زى بوش انه يكرم عالم مصرى مسلم - دكتور مصطفى السيد - بأعلى وسام أمريكى فى العلوم .. ده دليل أن العلم هو رقم واحد فى أمريكا .. واللى رشح الدكتور مصطفى السيد هم العلماء وليس رجال السياسة ..

وده برضه أكيد مايمنعش ان احنا لازم نكون حذرين ..

شكرا للجميع

تحياتى إليكم

[لمسه حنين]

ميرسي الك اخوى على تلك المعلومات

دمت بخير

[Kemo]

تخياتى ليك على الخبر السار
بس اللى يزعلك ان يبقى فى بلدك عالم زى احمد زويل وبلدك
لا تستفيد منه
واللى يزعلك اكتر ان يبقى بلدك فيها كتير اساتذه فى جميع المجلات وكبار فى العالم
ويتعمل كده فينا من الجزائر واللى يحزنك ان احنا نساوى نفسنا بيهم
تخياتى ليك بايووووووووووو

[الملكة]

سلمت يداك أخى الفاضل على المعلومات وانا رأيى من رأيك ان أوباما فعلا بيدور على العلم والقوة فى العلم وكمان مش فارقة معاه ديانة لو أى شخص مكان دكتور أحمد زويل وفى نفس المكانة العلمية أكيد كان حيختاره الناس دى بتفكر صح يارب نتعلم منهم ويشرفنا ان دكتور أحمد زويل مسلم ومن مصر

[bio7mo]

ألف شكر لكم جميعا على المرور ..

تحياتى إليكم

[الـقـلـب الـحـزيـن]

شكراً أخوي ع المعلومات


يسلمووا.


تقبل مروري.

[زهر الخزامى]

الحمد لله انه عندنا في عالمنا العربي والإسلامي

علماء من العيار الثقيل لكن ما يحز في انفسنا

أن أوطانهم لا تقدر علمهم ولا تضعهم في اماكنهم المرموقة التي يستحقونها

عن جدارة والادهى والامر ان يستفيد من علمهم وعبقريتهم اعداؤنا

في الدين والثقافة والفكر ومن يدمرون عالمنا العربي والإسلامي

شبرا شبرا ..

شكرا جزيلا لك أخي الكريم ..

تحياتي .


[IMG]http://www.***********/lives/12713808122.gif[/IMG]