يوميات صائم الحلقه الرابعه

يوميات صائم الحلقه 4








النهارده عند ماما
كلنا رايحين كمان
نفطر المغرب ونقعد
نفتكر ايام زمان
نشرب الشاي المظبط
قبل ما نسيب المكان
المهم وده المفيد
ست هانم دي المدام
غاويه تعمل ليله كوبيه
او تنكد ع العوام
كله جد مفيش هزار
هي بينها وبين خواتي
كل ثانيه بدون عمار
العيال شوف بنت فاطمه
ولا تاخد مني لطمه
ولا حازم شوف هدومه
ابن اشرف ذاد همومه
زي بعضه زي بعضه
مشي حالك
كل عام وانتم بخير
ايوه عارفه انك هتنكر
مين هيشهد للعروسه
هاتي راسك مني بوسه
لا يا خويا روح بعيد
طبع امك شئ عنيد
يا حبيبتي هو يوم
نجتمع فيه ويا بعض
مش هنتخانق ونفضل
نفترق او ننسي بعض
العيال مهما اشتكولك
يدوشوكي وعيطولك
بكره طبعا هتلاقيهم
يلعبو تاني قوام
ينسو كل كلام ما بينهم
لما يصحو م المنام
......................... ........
كل عام وانتم بخير