ازاى تشترى كمبيوتر وانت فاهم مش حافظ ؟

أزاى تشترى جهازك وانت فاهم مش حافظ ؟!

ازاي تشتري كمبيوتر جديد ازاى تشترى كمبيوتر وانت فاهم مش حافظ ؟
ازاي تشتري كمبيوتر جديد

أولا الماركه هختار ايه ؟

dell vs hp ازاى تشترى كمبيوتر وانت فاهم مش حافظ ؟
hp or dell

ده الخطأ اللى كل الناس بتقع فيه أول حاجه يقولك هات Dell ولا اقولك هات HP لألألألأ سيبك من كل ده و خد الزتونه بئا و هات Lenovo !!! أحب أقولك انت مش هتاخد الزتونه انت هتاخد حاجه تانيه 1f642 ازاى تشترى كمبيوتر وانت فاهم مش حافظ ؟ لو فكرت بالطريقة دى صحيح الماركه تعتبر ليها اهميه بس مش الأولى اللى ابصلها لأنه ممكن أجيب Dell بسعر أرخص من Lenovo لكن يمسحه مسح يعنى من الاخر الماركه ف المقام الأول هى براند و حاجه تجاريه قبل ما تكون تقنيه لكن اللى تركز عليه قبل الماركه هو الىل هكتبه حالا و بعدها بص على الماركه ايه و انهى ليه الافضليه عندك … انا شخصيا بدور على Dell الأول لأنها بالنسبه ليا أقوى و أفضل ماركه و تقنيه شغل و تحمل ف اللابتوب .. و بدور على HP لأنها أفضل تقنيه ف الــ Desktop ) ..
الاختيار التانى HP ف اللابتوب أى موديل بس ابعد عن ال Pavillion لأنه الفيجا فيه بتضرب بسرعه و بتسخن مش بتسخن بس دى بتولع و بتضرب بعد فترة بسيطه ….. و Dell ف الــ Desktop وتحديدا الــ Precision T3500 فيما فوق .

ثانيا هختار البروسيسور إزاى ؟

أفضل المعالجات المركزية للكمبيوتر ازاى تشترى كمبيوتر وانت فاهم مش حافظ ؟
أفضل المعالجات المركزية للكمبيوتر

بالنسبة ليا أول حاجه ببصلها هى الهرتز أو سرعة المعالج مهو انت ما تروحش فرحان و تبيع اللى وراك و اللى ادامك عشان تروح تجيب I7 أقرع كده من غير ما تشووووووف موديل البروسيسور و تردده كام و بعد كل ده تروح تبص بئا هو كام كور … البروسيسور ف اللابتوب مهم أوى أوى أوى انك تشوف الجيل و الموديل و تشوف النوع و تشوف التردد و تشوف الأنويه …. هو ايه بئا الكيميا اللى بقولها دى 1f642 ازاى تشترى كمبيوتر وانت فاهم مش حافظ ؟ ؟؟




بص يا سيدى أنا أقصد ب الجيل اللى هو أول رقم فى البروسيسور من ناحية الشمال و تعالو ناخد مثال عشان نفهم أكتر
ليكن مثلا أنا عندى بروسيسور نوعه Intel Core i7 3920 XM – 2.9 ~ 3.8 GHZ
ف الأول I3 بيبئا نواتين فقط يعنى Dual Core
أما الــ i5 بيبئا نواتين Dual Core أو أربعه Quad Core سواء Physical Or Logical .. و هوضح يعنى ايه الكلمتين دول 1f642 ازاى تشترى كمبيوتر وانت فاهم مش حافظ ؟
أما الــ i7 فده بيبئا إما Quad Core أو Octa Core يعنى ثمانى النواه .

نيجى بئا للرقم احنا حالا شايفين انه بادىء برقم 3 معناها انه البروسيسور ده من الجيل الثالث و تقدر تقول انه بيسلم على الرابع لأنه ف اواخر الثالث هههههههه جاسس انه فاضله ست شهور و يولد بطريقة كلامى دى 1f642 ازاى تشترى كمبيوتر وانت فاهم مش حافظ ؟ ..

920 دى الموديل او الرقم بتاعه
أما بئا XM دى ف هى دى من الاخر الزتونه لأنه الحروف دى هى اللى بتقولك البروسيسور ده ينفعك ولا لأ … من الاخر عشان ما اصدعش دماغك لو لاقيت حرف U ابعد عنه لأنه البروسيسور ده مش للشغل بتاعنا لأنه معنى الحرف ده او حرف ال T انه بروسيسور بيستهلك طاقة قليله ف انت كده هتقلل الكفاءة على حساب طول مدة التشغيل ف ده ينفع لحد شغال شغل مكتبى أكتر منه شغل تصميم .
أما لو لاقيت QM أو XM من غير ما تفكر قول ع البركه لأنه النوعين دول من أقوى أنواع المعالجات ف اللابتوب لأنهم بيتعملهم Unlock لسرعتهم أوتوماتيك عن طريق ال Turbo-boost اللى موجوده ف البورده وده بيخليه تقريبا بيشتغل بفارق رهيب عن سرعته الاساسيه ..


أما بئا 2.9 و 3.8 الرقم الاولانى دى السرعه الاساسيه للبروسيسور اما الرقم التانى فهى السرعه اللى بيوصلها البروسيسور بتاعك بعد ال Unlock ودى بتحصل لما الحمل على البروسيسور يزيد 1f642 ازاى تشترى كمبيوتر وانت فاهم مش حافظ ؟

ايه بئا حكاية Physical Core و Logical Core انت مثلا بتلاقى البروسيسور موجود فيه أربع أنويه لكنه فى ال Task Manager موجود له 8 شاشات معنى كده انه كل نواه بتقوم بعمليتين مع بعض على التوازى و ده تحفه طبعا أما لو لاقيت 4 فيبئا معناها انه الجهاز 4 أنويه و كل نواه بتقوم بعمليه واحده فقط ..

اخر حاجه ف حكاية البروسيسور دى تروح لجوجل و تعمل سيرش برقم البروسيسور زى ما انا كاتبه كده أول لينك لموقع Ark.intel.com أدخل عليه و هتلاقى كل حاجه عن البروسيسور .. هتبص على تردده و التربو بتاعه و عدد الانويه و عدد العمليات كام طبعا كل ما يكون فوق ال 3 ف التردد يبئا أفضل أوى اوى

طيب الرامات تبئا أد إيه ؟؟

رامات الكمبيوتر ازاى تشترى كمبيوتر وانت فاهم مش حافظ ؟
الرامات

حكاية الرامات دى فهى على حسب شغلك ف الكم اللى هتحطه الأهم من الكم هو الــ Pass يعنى تردد الرام .. يفضل انك تحط رامات ال Pass بتاعها 1600 فيما فوق .. أما كمية الرام فلو انت ميزانيتك محدود خليك ف 8 بس اعمل حسابك انك هتزود هتزود أدام … ميزانيتك كويسه شوية خليهم 16 … لو عندك امكانيه أكبر خصوصا لو بتشتغل مع برامج بترمى كاش ف الرام زى الأفتر افيكتس أو الفوتوشوب ( الاخير ده لو بتشتغل على مساحات كبيره ) حط رامات 32 … بس طبعا ده مش لازم ولا شرط انا بقول لوووووووووووووو ميزانيتك كبيرة لو لأ خلاص 16 شغال و 8 برضه شغال بس 8 دى اعمل حسابك تحدث بعدين ..

طب بالنسبة لكارت الشاشه المناسب ايه ؟؟

كارت الشاشه ازاى تشترى كمبيوتر وانت فاهم مش حافظ ؟
كارت الشاشه

كارت الشاشه المناسب لشغلنا هو الــ Quadro بس خليك من فوق ال 3800 وانت طالع لو ميزانيتك محدود حط ال 3800 أو 2800 أقل من كده مش هتعرف تشتغل .. أما لو الميزانيه عندك كويسه شويتين ممكن تحط ال 5000 أو ال 4000 دول محترمين اوى اوى اوى بصراحه .. لو الميزانيه عندك تسمح بأكتر ممكن تحط ال K4000 أو ال K5000 … الناس اللى بتحب ال GTX الكارت كويس اوى على فكرة بس الكوادرو أعلى منه فى ال Simulations و ال GPU Rendering الكروت دى مخصصه أكتر للجيمز عكس كروت الكوادرو مخصصه أكتر للثرى دى و الريندر … ممكن تحط GTX 1050 هيبئا كويس اوى لو انت غاوى جيمز تقيله جنب شغلنا ده حتى لو هتنزل فى سرعة ال View Port او ف ال Simulations نزول بسيط مش هيتعدى الثوانى ..

عشان ما تتخمش ورا كلام المواقع و الصفحات و أوليكس 1f642 ازاى تشترى كمبيوتر وانت فاهم مش حافظ ؟ …. سيبك من اى كلام مكتوب خااااااااااااااااااااااااااااااااااالص و خد مواصفات الجهاز و اكشف عليها عن طريق موقع انتل اللى انا حطيته فوق عن البروسيسور و عن طريق موقع
videocardbenchmark.net
بالنسبة لكارت الشاشه و عن طريق باس الرامات بالنسبه للرامات … بعدها قرر و هتتفاجىء انه الىل كاتب الكلام نفسه معظمه كوبى بست من اللى قبله وهو ولا عارف اصلا هو كاتب ايه و تروح تلاقى الجهاز كأنه طالع من المصنع و متكيس تكييسه حلو و انت تلبس تلبيسه حلوة برضه 1f642 ازاى تشترى كمبيوتر وانت فاهم مش حافظ ؟ .

طب انا بسمع يا بشمهندس عرض يقولى ايه جهاز بروسيسور مش عارف مين 16 كور و دبل بروسيسور يعنى الاتنين 32 كور ورامات 24 جيجا و هارد مش عارف كام و كارت شاشه كوادرو و كل ده معانا وبس ب 4500 و كاتب كمان يا بشمهندس انه الجهاز صاروخ .. ده تقوله كده بالصوت الحيانى جك صاروخ ف معاميعك و كور ف دماغك و 4500 عفريت يركبوك ما ينزلو من عليك ابدا … الحاجات اللى بالمنظر ده بتبئا بروسيسورات ضايعه و اتخنها بروسيسور فيهم هتلاقى تردد 2.1 ولا 2.3 طبعا حضرتك كده مبدئيا و قبل اى حاجه لبست ف الحيطه ده ان ماكنتش هتخرم الحيطه و تعدى من الناحية التانيه ..

طيب هنجيب منين ؟؟؟

بالنسبة للــ LapTop ف عن تجربة و لف كتييييييييييييييييييييييييييير جدا جدا جدا فهنجيبه من شركة البيطار ف الاسكندريه ودى صفحتهم و عن تعامل مباشر ناس فاهمه مش بياعين و خلاص
https://www.facebook.com/AlbetarCompuStore

طيب لو هنجيب وورك ستيشن مش لاب … الوورك ستيشن مكانه عند Toy Tamer
وده مش انا اللى مجربه وبس لأ ده أتقل ناس فى المجال بتاعنا حاجتهم كلها من هناك بصراحه حد فهم جدا جدا جدا و احترام والله ما فى بعد كده وده رقمه 01065076555

طب هل فى مواصفات مقترحه ؟

مواصفات الكمبيوتر ازاى تشترى كمبيوتر وانت فاهم مش حافظ ؟
مواصفات الكمبيوتر

لو عليا انا هقول المواصفات اللى أنا اشتغلت عليها و ليك بعد ما تخلص قراية البوست ده و تفهمهم انك تزود أو تقلل على حسب حاجتك و خططتك و ميزانيتك .. هو مبدئيا لو انا هشترى لاب ف أول حاجه بهتم بيها هو البروسيسور و كارت الشاشه أى حاجت تانيه بالنسبالى ثانويه لأنه دول مش هعرف احدثهم أما اى حاجه تانيه فمش مشكلة تتغير او تتزود عادى … أما لو بشترى وورك ستيشن فالحاجه الوحيده اللى ببص عليها هى البروسيسور لأنه عشان احدثه ممكن اخد مقلب محترم و ياما لبسته بصراحه انه بتبئا البورده ليها اخر فى انها تتحمل بروسيسورات معينه ف بضطر أغير الجهاز كله .. لكن اى حاجه تانيه ف الوورك ستيشن مش مشكله تتحدث او تتغير بعدين .

لو انت هتشترى وورك ستيشن و ميزانيتك متوسطه او محدوده شوية خليك ف المواصفات دى :

CPU : Intel Xeon 55xx 2.x 8 Core Dual Proccessor
معنى حرف ال X أى رقم .
Ram : 8
VGA : Nvidia Quadro 2000 Or 2800

ميزانيتك أعلى ف زود على حسب اللى فهمته بئا من كلامى هنا 1f642 ازاى تشترى كمبيوتر وانت فاهم مش حافظ ؟

لو انت رايح تشترى لابتوب و الميزانيه مش سامحه اوى و محدوده اوى ف ممكن

https://www.facebook.com/AlbetarCompuStore/photos/pcb.1979909182037452/1979900252038345/?type=3&theater

اما لو الميزانيه تسمح و مبحبحه شوية فممكن و بصراحه ترشيحى الشخصى ده

https://www.facebook.com/AlbetarCompuStore/photos/pcb.1967960406565663/1967956649899372/?type=3&theater

أما بصراحه التوب فهو ده
https://www.facebook.com/AlbetarCompuStore/posts/1984112471617123

طيب انا رايح اشترى لاب أعمل تيست ازاااااى ؟

شراء لاب توب جديد ازاى تشترى كمبيوتر وانت فاهم مش حافظ ؟
شراء لاب توب جديد

بشوف ناس بصراحه والله بتخبط ع اللاب و تنفخ ف المكان بتاع مروحة البروسيسور و تقول ع البركه 1f642 ازاى تشترى كمبيوتر وانت فاهم مش حافظ ؟ .. على فكرة ده مش بطيخه بتشوفها حمرا ولا قرعه .. من ناحية هنخبط ع اللاب ف هنخبط بس مش هقوله ع البركه بعد خبطة و نفخه 1f642 ازاى تشترى كمبيوتر وانت فاهم مش حافظ ؟
بص يا سيدى و بصى يا ستى 1f642 ازاى تشترى كمبيوتر وانت فاهم مش حافظ ؟

أولا : هتبص على البودى بتاع اللابتوب و تشوفه هل فيه شروخات او كسور ممكن تلاقى طبعا فيه خبطة بسيطه او تجريحه بسيطه ده عادى أما شرخ أو كسر ف شكرا لأنه مع الوقت هيفتح منك .
****************
ثانيا : و اللاب مقفول هترفعه شوية و تهزه و تشوف حاجه سايبه فيه زى مكان البطاريه مثلا أو الكفر بتاع الكارت الىل فى الجنب او مكان الهارد بيتهز لو كان الهارد فى الجنب زى الديفيدى كده .
***************
ثالثا : هتفتح اللاب و تحرك الشاشه فوق و تحت و عينك عليها تشوفها بتعمل فليكر ولا لأ ( بترعش يعنى 1f642 ازاى تشترى كمبيوتر وانت فاهم مش حافظ ؟ ) … او بتجيب خطوط ولا لأ أو بتطفى ولا لأ على فكرة لو بتاع الصيانه الىل هناك شاطر و اللاب مواصفاته جامده مش هيعيب اللاب ف حاجه هيفتحه و يغيرلك الكابل اللى واصل بين الشاشه و البورده و طبعا السعر هينزل بتاع 200 او 300 جنيه 1f642 ازاى تشترى كمبيوتر وانت فاهم مش حافظ ؟ .
***************
رابعا : هتجرب الكيبورد زووورااااااااار زووورااااااار على نوتباد طبعا او اى برنامج كتابه مع الكنترول و الأتل و الشيفت لو لقيته تقيل أو بيعلق او حروف مش شغاله هتفكك منه .
*******************
خامسا : هنخبط على الشاشه كده خبطتين تلاته ( خلى بالك بقول تخبط على الشاشه مش ترزع على الشاشه ) .. وتشوف هل بتقطع ولا بتجيب خطوط ولا الوانها بتتغير .. الطبيعى جدا انها تعمل رعشه بسيطه خالص يمكن تلاحظها فى تالت ولا رابع خبطة ده طبيعى .
********************
سادسا : هتحط اى سماعه هاند فرى ف المكان بتاعها ف اللاب و تشغل اى حاجه فيها صوت وحاول تحرك البنه بتاعة السماعه لفها مثلا او حركها فوق و تحت وشوف الصوت هيقطع ولا لأ بس طبعا تبئا متاكد من انه سماعتك اصلا سليمه و السلك بتاعها سليم مش تجيب سماعه من ام 20 جنيه و تروح تتيست بيها 1f642 ازاى تشترى كمبيوتر وانت فاهم مش حافظ ؟
*********************
سابعا : شيل البطاريه من مكانها و اتاكد من انه المسامير كلها موجوده و بص على الالواح الصغيرة بتاعة البطاريه ما يكونش عليها صدا او متاكله سواء فى اللاب او البطاريه نفسها .
*********************
ثامنا : افتح فولدر ال Users اللى موجود ف الـ C وشوف اسم الفولدر ايه .. بعدها افتح الــ Command Prompt من قايمة ستارت و اعمل كليك يمين و شغله كأدمن .. هتلاقيه فاتح بالشكل ده :

C:\Windows\System32\
هتكتب CD..
C:\Windows
هتكتب تانى cd..
C:\
هتكتب cd USERS
c:\users\
هتكتب cd و جنبها اسم فولدر اليوزرز الىل انت شفته فى ال C و ليكن مثلا gfx
C:\Users\gfx
هتكتب بئا الأمر ده
Powercfg -energy
و تستنى شوية لغاية ما يخلص رغى 1f642 ازاى تشترى كمبيوتر وانت فاهم مش حافظ ؟ .. و تروح فولدر اليوزرز هتلاقى ملف افتحه بأى متصفح عندك و دور فيه لغاية ما تلاقى رقمين تحت بعض واحد مكتوب ادامه Last Full Charge و رقم تانى اسمه Design Capacity .. افتح اى اله حاسبه و اقسم ال Last على ال Design و الرقم اللى هيطلع اضربه ف 100 .. مفترض هيطلعلك النسبة الحقيقه الىل ف البطارية عندك كام دلوقتى طابق النسبه دى على النسبة الموجوده ادامك لما تقف على رمز البطاريه لو مختلفه تماااااااما يبئا حاجه من اتنين يا البطاريه دى خربانه تماما يا اما تخلى صاحخب المكان يجيبلك شاحن قوى مثلا 8 او 10 او 11 أمبير و خلى البطاريه تشحن شوية و شيل الشاحن و اشتغل على الجهاز شوية وشوف المده اللى مديهالك على ما البطارية تخلص لو لقيتها نفس المده الىل انت اشتغلتها او اقل دقيقة ولا اتنين يبئا الشاحن كان هو المشكله و البطارية سليمه لو لأ تغير البطارية دى فورا ..
*************************
تاسعا : جرب ال USB كلها واحد واحد و ياريت لو تجربهم على حاجه معاك تكون USB3 و هز الفلاشة او حركها وهى جوه ال USB شوفه واسع ولا ماسك مزبوط على الفلاشه ..

 

منقول من المهندس أحمد عبد الرحمن رياض Ahmed Abd El Rahman)

اترك تعليقاً