اعلان مدينتي اصاله

اعلانات رمضان السنه دي فيها حجات غريبه والاغرب هو اعلان مدينتي بتاع اصاله

 



اعلان مدينتي اصاله اعلان مدينتي اصاله
اعلان مدينتي اصاله

 

عزيزي العميل اللي شاف إعلانات مدينتي المبهرةوقرر يشتري فيها في شوية حقايق ماشوفتهاش في الإعلان و لازم تعرفها قبل ما تشتري :

١- اغلب الإعلانات هاتلاقيها محصورة في الثلث الاول من مدينتي واللي هو عبارة عن (المدخل والبوابة والسنترال البارك والنادي وبعض اللقطات من الجولف والبحيرات اللي في منطقة محدد في منطقة الفيلات واجزاء لاند سكيب من بي١ وبي٢و الساوث بارك والنادي وشوية لقطات اخرى ميكس كده هايبهرك)
لكن عمرك ما هاتشوف الإعلان بيتخطى المناطق دي عشان دي كده وش الكريمة اللي بيبيعولك بيه لكن الحقيقة لما هاتشتري انت مش هاتشتري في المناطق دي خالص انت هاتشتري منطقة تانية جديدة هاتبقى غالبا في النص الاخر من الكوكب اللي هو الصحراء اللي موجودةواللي هي بالفعل فيها سكان عايشين بقالهم سنين كتير على امل ان الخدمات اللي اتوعدوا بيها في الارض الصحرا المجاورة لهم هاتتبني وهاينعموا بالحياة الحلوه البي بتيجي في الإعلان



 

 

 

٢- حاول وانت بتشتري في مدينتي تضور على مدارس تقبل ولادك خارج مدينتي عشان هما مفيش غير مدرستين واغلب الطلاب فيهم من خارج مدينتي و اولادك هاينظرو في قأئمة الانتظار جنب طلاب كتير تانيين من اهل المدينة

٣- خليك فاهم كويس انك لازم تكون في صحة جيدة ومش بتعمل اي حاجة في محيط مدينتي ممكن يعرض حياتك او حياة اسرتك لاحتياج خدمة طبية معقولة لان تخيل يا مؤمن الصحرا دي مافيهاش مركز طبي محترم يقدم اي حاجة للحوادث او للطوارئ وعشان تلحق اي ظرف لأقدر الله لازم تخرج بره مدينتي وأقرب حاجة هايكون المركز الطبي العالمي .. اه نسيت اقولك مفيش غير عربية الإسعاف واحدة تقريبا في المدينة يعني خدها سباحة للمركز الطبي

٤- على هامش ذكر السباحة خليك عارف ان النادي أنشطته وخدماته اصلا غير كافية لاستيعاب ملاك المدينة قوم الادارة الغالية تعمل ايه قول انت كده تعمل ايه!! فتحت العضويات لأي حد مش شرط يكون مالك في المدينة .. اه والله زي ما بقولك كده

٥- بمجرد شوف بمجرد ما حضرتك اشتريت في المدينة أصبحت مطالب بفروق صيانة بأرقام قياسية رغم انك دافع وديعة محترمة لكن للامانه الجماعة لينشروا معاها تقرير المراقب المالي عشان بس تبقى بتدفع وانت منتشي وضميرك مرتاح

٦- خليك فاهم كويس ان الشركة صفر في ادارة الأزمات وبلح في حل مشاكل السكان عاوز اقولك في سرك في سكان شققهم وفيلاتهم مشرخة والشركة لحد النهاردة بتماطل فيهم وبعضهم تم علاج مشكلته بس لما طلعوا روحهم والبعض الاخر فيلاتهم تحت الإصلاح من سنين وعايشين مشردين في الارض ودوّل يعتبروا الناس اللي يعني الشركة ظبطتهم
فخط نفس السيناريو لنفسك لا فدر الله اذا واجهت مشكلة مع الشركة

٧- عاوزك وانت بتشتري تسألهم هي الارض اللي جنبي دي هاتي فيها ايه لو قالولك خدمات افهم ان الورقة ان شاء الله هما اللي هايستمتعوا بيها ده اذا اصلا ما بنوش فيها مرحلة جديدة

ولي انا بقوله ده عشان اشتغلت هناك كتيير وبتكلم بالواقع اللى شفته بس علشان انا استفزني جدا الي شوفته في إعلان مدينتي ان هما بيبيعو حاجه مش موجوده على أرض الواقع

اترك تعليقاً