الرد المناسب على تغريدة علاء مبارك

هو ده الرد المناسب على تغريدة علاء مبارك
عن صفقة القرن

 



علاء مبارك الرد المناسب على تغريدة علاء مبارك
علاء مبارك

* صفقة القرن هي إن فى رجل شال رأسه على كفه اسمه عبد الفتاح السيسي علشان ينقذ مصر من حكم الاخوان الشياطين اللى توحشوا اقتصاديا فى عهد الوالد
* صفقة القرن هي اننا نلاقي بلادنا باحتياطي نقدي 13 مليار و دولة مفلسه عشان السيد والد حضرتك دمر زراعات مهمه واهمها زراعه القطن وفى عهده الرقعه الزراعيه على حافه الهاويه وبقينا نستورد حتى اكلنا والصناعات الوطنيه اللى دمرها واهمها صناعه الغزل والنسيج واتقفلت مصانع كتير وتسريح عماله ومبقاش غير صناعه اللبان والشيبسى
*صفقة القرن هى ان جيشنا وشرطتنا وشعبنا لحد الان بيدفعوا تمن إهمال السيد الوالد لسيناء بعد ما ساد فيها الاٍرهاب القذر عن طريق الإنفاق
* صفقة القرن هي علاج فيروس سي اللي هرى كبد ملايين المصريين فى عهد بابى
* صفقة القرن إصلاح منظومه كامله وخطيرة زى السكه الحديد اللى اتملت على اخرها اخوان وكولجيه وبقوا يستحلوا موت الأبرياء
* صفقة القرن هي التخلص من كل الدعم اللى الوالد كان بيقترض علشان يعيش الشعب فى ميه البطيخ ونصحى على بيع بلدنا علشان نسد الديون دى كلها.
* صفقه القرن منظومه تموين توفر اكتر من ٤٠٠ جنيه فى الشهر للغلابه غير العيش اللى كانت طوابيره من القاهره لأسوان فى عهد السيد الوالد
* صفقه القرن شفتها ازاى فى عيد العمال الناس بتهتف بحياه السيسى وتحيا مصر ازاى لكن السيسى رد على هتافهم وقالهم ان الزيادات اللى حصلت مش ده ثمار الاقتصاد لا فى اكتر من كده بكتير بس نشتغل وننتج علشان بلدنا مش مجرد منحه طالعه من جيب الوالد الشعب
* صفقه القرن لما السيسى لما سكن الناس فى بيوت ومساكن زى الاسمرات وغيرها تليق بهم بدل العشوائيات اللى كترت فى عهد الوالد وكانوا الكلاب واصحاب الاجندات بيتاجروا بها

 

* صفقه القرن لما السيسى جاب ليبيا عاليها واطيها عند استشهاد شهداء المصريين فى ليبيا وجاب التار وبرد نار ١٠٠ مليون مصرى
* صفقه القرن لما كنيسه البطرسيه اتفجرت السيسى والدوله مناموش وقبل الجنازه واخد العزاء كانت اجهزه الدوله متعرفه على الجانى وعرفت من وراء الحادثه احنا بقى لحد دلوقتى منعرفش مين اللى فجر كنيسه القديسين اللى حصلت ايّام السيد الوالد
اقولك تانى ولا كده كفايه
هو بالحق السيد الوالد كان بيعمل ايه طوال٣٠ سنه؟؟؟
وفى النهايه بدل ما ترمى كلام عبيط اتعب نفسك واسأل بابى هو الجيش ممكن يفرط فى حبه رمل ولا اى رجل عسكرى يقدر يخون بلده؟؟
وإلا كان الجيش سابكم ترثوا الحكم وتحولوها تكيه!!!



اترك تعليقاً