ظهور ثعبان الطريشة السام او المقرنة في التجمع ومدينتي والمعادي

قصه ظهور ثعبان الطريشة في بعض الاماكن في القاهره بشكل غريب

ثعبان الطريشة 1 ظهور ثعبان الطريشة السام او المقرنة في التجمع ومدينتي والمعادي
ظهور ثعبان الطريشة السام او المقرنة في التجمع ومدينتي والمعادي

 



 

ثعبان الطريشة 2 ظهور ثعبان الطريشة السام او المقرنة في التجمع ومدينتي والمعادي
ظهور ثعبان الطريشة السام او المقرنة في التجمع ومدينتي والمعادي

 

 



ثعبان الطريشة 3 ظهور ثعبان الطريشة السام او المقرنة في التجمع ومدينتي والمعادي
ظهور ثعبان الطريشة السام او المقرنة في التجمع ومدينتي والمعادي

 

 

ثعبان الطريشة 4 ظهور ثعبان الطريشة السام او المقرنة في التجمع ومدينتي والمعادي
ظهور ثعبان الطريشة السام او المقرنة في التجمع ومدينتي والمعادي

 

 

 

ثعبان الطريشة 5 ظهور ثعبان الطريشة السام او المقرنة في التجمع ومدينتي والمعادي
ظهور ثعبان الطريشة السام او المقرنة في التجمع ومدينتي والمعادي

 

 

ظهور ثعبان الطريشة السام او المقرنة في التجمع ومدينتي والمعادي والمنطقة دي بالشكل المكثّف ده كان نتيجة لانتشار القوارض في الاساس، واللي بسبب ان سكان الكومباوندات مبيحبوش يعيشوا في حتة فيها كلاب وقطط بلدي، فا كان بيتم قتلها بلا رحمة،

الزواحف والحشرات والقوارض معروف ان عدوهم الطبيعي “مش السلسلة الغذائية” هما الكلاب والقطط، بتقتلها، واي حد بيربيهم بيشوف ازاي بيطادوا اي حشرة بتدخل البيت واي سلك بتلاعبه بيها، مسألتش نفسك ليه القطط لما بتهاجم بتعمل فحيح زي التعبان؟ هاه؟ ووجود القطط والكلاب البلدي اللي بتقرفوا منها دي اساسا رحمة من ربنا عشان الحيوانات السامة اللي زي الطريشة كدة متطلعش،

سنين بنصرّخ ونحذّر عالفيس من اختلال توازن البيئة، والتجربة الصينية مع قتل طائر الدوري واللي تسببت بعد كدة في اكبر مجاعة عرفتها البشرية وهي مجاعة الصين ١٩٥٨م في عهد ماو تسي تونج : tiny.cc/hjpfaz

فاكرين من ١٠ شهور كدة؟ لما الدنيا اتقلبت علي صفقة مصرية ببيع الكلاب والقطط لكوريا والصين عشان ياكلوها؟ وقعدنا نقول بلاش واختلال التوازن والكلاب والقطط مهمين؟ ومحدش سمعنا؟ tiny.cc/j6ofaz

اهو ظهور الطريشة دي واحدة من الحاجات اللي كانت مستخبية وقليلة بسبب وجود القطط والكلاب البلدي اللي كانت شوية اللامؤاخذة ستات محدثات النعمة ارباب النوادي “مع احترامي ليهم ومش كلهم انما اللي اتكلموا بس” بتتكلم بألاطة عن قذارة منظر الكلاب والقطط وهما بياكلوا من الزبالة، اللي هوا “اوه نو انا احب اعيش في هدوء اقتلوا الكلاب الياي دي”،

مش عاجبكوا منظر الكلاب والقطط؟؟ طب خدوا دي.

حيّة الطريشة لونها لون الصحرا، مش هتشوفها، حجمها صغير ميجيبش ٣٠ سنتي مثلا، بس اخطر من الكوبرا، فا مش هتلاحظها اوي وممكن تكون تحت رجلك دلوقتي حالا، والنابين بتوعها بيتحركوا لورا وقدام، حتى لو واقف فوق دماغها ممكن تعضّك عادي

السم بتاعها بيسموه “مية النار”، عارف بيسموه ميّة النار ليه؟ عشان عضته بتحرق حضرتك، يقال انها بتحول لون الجسم كله للون الاسود، وعشان مكان العضة الانسجة فيها بتتقتل والجلد بيورم زي اللي مرمي عليه ميّة النار، مش قادر اوصفلك بقا اكتر من كدة،

الطريشة جسمها كله شوك صعب تمسكها، بتحك جسمها في نفسه فا بتعمل صوت اسمه الكشيش، صوت مميز هتسمعه، عندها قرنين في دماغها، ومن النوع اللي بيهاجم، بيلف حوالين نفسه زي السوستة وبينط متر ويهبش على طول، ممكن يجيب الجمل وصاحبه، سرعة نطته مبتتجاوزش الثانية، بيقولك لو لمحت واحدة، حاول متتحركش، ويكون فيه بينك وبينها فوق المتر، واي حركة مفاجأة هتتعض، وعضتها اسوآ ب١٠٠ عقرب،

السم بيتحرك في الدم بسرعة جدا، ممكن يقتلك في دقايق واقصى مدة بتكون ساعتين، ساعات في بعض القبايل البدوية اللي بتعايش الانواع دي كتير في الصحرا بينصحوا بقطع العضو المعضوض عشان متموتش، يعني تكفي عضة من الطريشة في رجلك وبنسبة كبيرة هتتبتر، عشان كدة البدو بيمشوا دايما اما مغطيين رجولهم ووشوشهم، واما بخناجر وسيوف كبيرة عشان لو اتعضوا يقطعوا الطرف ويكووه بالنار بعد تسخين السكينة طبعا لحد ما تحمر.

الطريشة بتفضل انها تستخبي في الرمال طبعا، بس هيا كمان بتستخبى الزبالة ونشارة القش والعشب والخشب، وبتخش البيوت عادي تستخبى جوا وهتلاقي مكان تدخلّك منه مهما أمّنت نفسك وقفلت عليك عادي، هتلاقي خرم هنا او هناك، وابتنجذب لاي اكل مكشوف يعني وانتا قاعد بتتغدى معرّض لهجمة، وده هتلاقيه في اول لينك خالص.

الحيّة علي حسب كلام اخواتنا الصعايدة زي الفامباير كدة، بينفر من الثوم والبصل، عشان كدة الصعايدة دايما بتنصح بتعليق الثوم والبصل في البلكونات وحوالين البيوت، ولو حكمت امشي بيه، فا اهلا بيك في عصر الخوف القوطي،

نخلينا فاكرين ان كل ده، بسبب كل اناني بيحب نفسه وبيكره وجع الدماغ وبيقرف من كلاب وقطط الشارع، هوا ده الانسان بأختصار، وقلبي مع سكان مدينتي والتجمع والسادات والرحاب والكومباوندز من الرعب اللي مستنيينه وشافوه، وياريت يكون فيه اتعاظ بقا ونسيب الكلتب والقطط الغلبانة في الشارع تستلقط رزقها وتعيش في سلام، الطاعون اللي هوا الموت الاسود بييجي من القوارض واللي هي عدوها بردو القطط، ولو راح الطاعون فالقوارض موجودة، ويا رب تعدي المرادي علي خير.

الحر عامل مؤثر، هدم محمية وادي دجلة عامل مؤثر، قتل القطط والكلاب كلها عوامل مؤثرة علي البيئة واضرّت بتوازنها، حتي لو انهم ملاقوش غير طريشة واحدة، دا مؤشر مش كويس.

الصور انا واخدها من Amr M. Marzouk والقصة اثارها Wael Abbas،

ملحوظة : انا حاطت لينكات لحوار مع متخصصين وسط البوست، عشان الاسألة المكررة والاستفسارات، وما علي الرسول الا البلاغ فقط، يعني انا مش مهندس زراعي في النهاية انا مجرد باحث وليس الا، والكلام يحتمل الصواب والخطأ، وشكرا.

اترك تعليقاً