حجاجوفيتش كوريا الجنوبيه

كلنا نسمع عن بلد إسمها كوريا الجنوبية و تقريباً كل اللي نعرفه عنها إنها كانت مستضيفة كاس العالم لكرة القدم مع اليابان سنة ٢٠٠٢ و إنها الدولة العبقرية اللي بتصنع السامسونج و الكيا و الهيونداي و إنها عدوة كوريا الشمالية …
و لكن في حاجات تانية كتييييير منا ميعرفوهاش عنها و إزاي وصلت إنها تكون سادس دولة مصدرة في العالم و الدولة ال١٤ علي بلاد العالم كله إقتصادياً في أقل من ٥٠ سنة من بعد ما كانت دولة مدمرة تماماً من الحرب الطاحنة مع كوريا الشمالية من ١٩٥٠ إلي ١٩٥٣ و ملهاش أي بنية تحتية و مات منها حوالي مليون عسكري و أكتر من مليون و نص مدني في الحرب ،

أحمد حجاجوفيتش حجاجوفيتش كوريا الجنوبيه
حجاجوفيتش كوريا الجنوبيه

و الأفظع من كدة إن كوريا كانت مدمرة معنوية و نفسياً من إنها كانت محتلة بالكامل ٣٥ سنة من بلد قاسية جداً و معندهاش أي نسبة من الرحمة من سنة ١٩١٠ إلي ١٩٤٥ و الصدمة إن البلد اللي كانت محتلاها هي اليابان و كان الجيش الياباني بيستعبد البنات و الستات الكوريات و بيستخدمهم كنساء متعة و عبيد جنس في فترة الحرب العالمية !!



كل ده مخلاش الكوريين الجنوبيين يستسلموا للواقع المرير و ييئسوا و يقعدوا يعيطوا علي تلال الدمار اللي فاضلة من بلدهم أو يفقدوا ثقتهم في نفسهم بعد ما كرامتهم إتهانت و إغتصبت من اليابانيين في فترة الإحتلال… لأ بالعكس الكوريين عرفوا السر اللي يقدر يحول أي دولة مالهاش أي لازمة إلي دولة عظيمة في سنوات معدودة …

السر هو : حب البلد، الإتحاد، الإحترام، التعليم، الصبر، التضحية …
٦ كلمات سهلة قوي تقولها لكن من أصعب الصعاب إنك تطبقها في دولة منهارة و بجد تحقق نجاح كاسح و في وقت قياسي إلا إذا كان الشعب بجد عايز من كله روحه و قلبه إنه يتغير و ينتصر علي نفسه ‏‎smile‎‏ رمز تعبيري

اللي محدش عارفه إن كوريا الجنوبية دلوقتي بتواجه خطر كبير أوي ممكن يدمرها و يمحيها تماماً في المستقبل ،هو إن معدل الخلفة عند البنات و الستات الكوريات دلوقتي ١،٢ طفل في العمر (يعني الست الكورية بتخلف طفل واحد بس في الحياة) ، و ده عشان الرجالة الكوريين مشغولين أوي في الشغل و مشاغل و مصاريف الحياة و إن العيشة غالية هناك و عايزين يوفروا و ده أدي إلي غضب الكوريات الشديد …



الجميل في الموضوع إن المصريين مش محتاجين فيزا عشان يدخلوا كوريا الجنوبية و إنهم هناك بيقدروا و بيعزوا المصريين جداً و أي حد معاه الباسبور المصري يقدر يروح يقعد في كوريا ٣٠ يوم
ده غير إن الجامعات و المعاهد هناك بتعمل منح دراسية كتير أوي و المصريين ليهم أولوية في قلوب الكوريين ‏‎smile‎‏ رمز تعبيري

إيه رأيكم لو نبتدي نطبق التجربة الكورية الجنوبية في مصر ؟

ملحوظة: الصورة لحجاجوفيتش مع ٢ من أجمل البنات الكوريات بعتتهم وزارة السياحة الكورية بالملابس الوطنية للإحتفال برفع العلم المصري في العاصمة الكورية سيول ، و في الصورة التانية كورية تعشق مصر في شوارع سيول

Ahmed Haggagovic – أحمد حجاجوفيتش

اترك تعليقاً