شاب مات في سن صغير

قصص للعبره .. موت الشباب في سن مبكره فهل من معتبر ؟

 



شاب مات وهو صغير شاب مات في سن صغير
موت الشباب في سن مبكره فهل من معتبر

– ست جات لماما بتقولها ابني مات من سنه ف خناقه بسبب بنت ومكنش بيصلي ودايما مخنوق وزهقان من الدنيا .. ابني بقاله ٣ أيام بيجليي ف المنام شكله مريض وبيقولي جمله واحده (عذاب الدنيا اهون من عذاب الآخرة بكتير ياماما ) أمي بكت ومبقتش عارفه تقولها إيه

 

– من أسباب التزامي صاحبي الانتيم كان مسافر يتفسح وعمل حادثه وقعد ف المستشفى فتره قبل ما يموت .. اصحابي اللي كانوا معاه حكولي أنه كان يصرخ ساعات ويبص كأنه شايف حد قدامه بيضربه .. أحد أصحابنا قال والله علامات الخوف والفزع الي ع وشه كل ماافتكرها مبعرفش أنام .. وأبوه إتصل بيا بعد موته بشهور وهو يبكي ويقولي ( ابني كان بيعمل إيه عشان ربنا يعمل فيه كده ) معرفتش أرد وسألته أن كان شاف منام ولا حاجه … بكي بشده ومردش وقفل السكه وبعدها بأيام مات من قهرته ع إبنه الوحيد …



 

– محمود اخويا ( ٢٦سنه) مهندس مات من سنه بسكته قلبيه .. د/ ياسر طاهر وهو بيغسله بيقول والله وانا بغسله شميت ريحه جميله مشمتهاش ف حياتي وكان مبتسم وشكله جميل وحسيت كأني بزف عريس لعروسته .. وكان رأسه واحنا بنغسله بتميل للجهه اليمني واحنا بندفنه استقبل القبله لوحده ومال لليمين بردو .. وبعد وفاته ب٣شهور أمي صحت من النوم مع أذان الفجر وهي بتقول (فزت ورب الكعبه ) وكنت مرافقها في المستشفى فسألتها عن حالها قالتلي(أخوك في الجنه) ولما حبيت أعرف شافت إيه عشان تقول كده قالت ( ده سر بيني وبين ربي ) …

 

” افمن كان مؤمناً كمن كان فاسقا ، لايستوون ” .. طبعاً لا يستوون

ياشباب وبابنات ربنا عدل واللي خاف منه مش زي اللي عصاه .. وزي ماانتم فاكرين انه غفور رحيم متنسويش بردو انه شديد العقاب …
افيقوا يرحمكم الله .

اترك تعليقاً