شكرًا صناع مسلسل الاختيار

من اجمل مسلسلات رمضان 2020 .. بطوله مجموعه من فنانين مصر لتجسيد ملحبه مربع البرث الشهيره ..

 



 

مسلسل الاختيار شكرًا صناع مسلسل الاختيار
شكرًا صناع مسلسل الاختيار

 

بجد شابوه لصناع الملحمة الدرامية دي.. وفي اعتقادي المتواضع أن “الاختيار” هايكون زيه زي مسلسلات كتيرة بتعتبر علامات فارقة في وجدان الشعب المصري زي: “رأفت الهجان” و”جمعة الشوان”.
وبرغم تعجبي من التبرير لابن تيمية، واستغرابي الشديد من عدم إظهار شخصية الشيخ الصوفي السيناوي باسمه الحقيقية وصفته الحقيقية “سليمان أبو حراز”، وتوجسي من كون الموضوع مغازلة للتيار السلفي، لكن خالينا نتجاوز النقطة دي.



– فقط للتذكير، زيهم زي الإخوان مهما عملتوا معاهم هايغدروا مع أو فرصة

 

وبالنسبة للفنان “أمير كرارة“، لما عرفت أنهم هايعملوا مسلسل عن حياة الشهيد “أحمد المنسي“، خفت شوية لأن النوع ده من الدراما هو الأصعب، خصوصًا أنه أي انفصال هايحسه المشاهد بين الشخصية الدرامية والشخصية الحقيقية، المسلسل هايقع، بس بصراحة أنا كنت بتفرج على “كرارة” وشيفاه المنسي بجد، وماحستش أبدًا أنه مش ضابط في الصاعقة المصرية.. برافو وشابوه لـ”كرارة”، اللي بقاله كذا سنة متألق في شخصية “باشا مصر”، وكان مبدع في شخصية الضابط في فيلم “حرب كرموز”، وكان فعلاً أسطورة في #الاختيار بسبب اتقانه للشخصية.
فخورة بيه ومشفقة عليه في نفس الوقت؛ لأن أي دور بعد كده لازم يبقى أعلى وأكثر تفردًا.

 

شكرًا للمخرج اللي فعلاً أجاد في اختيار طاقم العمل؛ لدرجة قرب الشبه بين الأبطال الحقيقيين والممثلين خصوصًا اللي قام بدور”الشبراوي“. ده غير أن كتير من الممثلين تحس فعلاً أنهم ضباط في الجيش، زي اللي قام بدور “مغربي” والرائد “محمد درويش” وغيرهم.

اترك تعليقاً