طريقه اختبار لابتوب مستعمل قبل الشراء

ازاي تختبر او تجرب لابتوب مستعمل قبل ما تشتريه ؟ كيفيه فحص كمبيوتر لابتوب مستعمل واعتماده قبل الشراء علشان متندمش

 



طريقه اختبار لابتوب مستعمل قبل الشراء طريقه اختبار لابتوب مستعمل قبل الشراء
طريقه اختبار لابتوب مستعمل قبل الشراء

 

قبل ما تشتري أي لاب توب مستعمل, فيه كذا حاجة لازم تعملها عشان تتأكد إن الجهاز كويس و مافيهوش أي مشاكل.

1- هتبدأ بالحاجات السهلة اللي مبتخودش وقت زي الكيبورد و ديه يستحسن إنك متستخدمش فيها أي برنامج, كل اللي عليك إنك تفتح ملف وورد و تجرب عليه كل زرار شغال ولا لأ و تتأكد إن كل الزراير راكبة كويس في مكانها و مش بتحتاج ضغطة قوية عشان تكتب



 

Laptop Keyboard and Trackpad طريقه اختبار لابتوب مستعمل قبل الشراء
Laptop-Keyboard-and-Trackpad

 

 

2- بعد كدة هتجرب كل مداخل و مخارج الجهاز زي ال usb و ال VGA و ال DVD و أي مدخل غيرهم
3- لو الجهاز فيه كاميرا, هتنزل أي برنامج ليها من الرابط دة
https://download.cnet.com/chat-voip-email-webcam-video/
و تتأكد إنها شغالة

 

Laptop Ports and CD Drive طريقه اختبار لابتوب مستعمل قبل الشراء
Laptop Ports and CD Drive

 

4- بالنسبة للشاشة فلازم تتأكد إن مافيهاش أي بقع بيضاء أو أي نقط سودة من خلال إنك تدخل عالموقع دة
http://lcdtech.info/en/tests/dead.pixel.htm
و تدوس start test و تقعد تتنقل ما بين الألوان لحد ما تتأكد إن الشاشة مافيهاش مشاكل

5- لو الجهاز فيه كارت شاشة AMD أو Nvidia فكل اللي عليك إنك تنزل برنامج FurMark اللي في الرابط دة :
https://geeks3d.com/dl/show/621
و تختار الجودة على حسب قوة الكارت بتاعك و بعد كدة تدوس burn in – test و سيب البرنامج شغال من 15 ل 20 دقيقة. لو الشاشة معملتش أي رعشة أو الجهاز موقفش مرة واحدة أو مفصلش خالص يبقى كدة كارت الشاشة سليم و مافيهوش مشاكل
و تقدر تتأكد من البروسيسور بنفس البرنامج, بس المرة دي دوس على cpu burner و إفتح ال task manager و إتأكد إن البروسيسور مستهلك 100% و إن الجهاز معملش أي مشكلة من اللي ذكرناها في كارت الشاشة

6- بالنسبة للهارد فبلاش برنامج HD Sentinal لأن بعض التجار بيلعبو فيه و بيخلوا الهارد كأنو جديد. الأفضل إنك تنزل البرنامج اللي في الرابط دة
https://www.hdtune.com/download.html
و بعد ما تشغله دوس على Error Scan و دوس Start. لو البرنامج جاب أي نقطة حمراء يبقى كدة الهارد فيه مشاكل و لازم تغيره.

 

قبل أن تقوم بشراء جهاز لاب توب مستعمل، تأكد من أن تقارن السعر المدرج بسعر نفس اللاب توب لكن بحالته الجديدة، بحيث تري ما إذا كان البائع يعرض نفس سعر الجهاز وهو جديد أم لا، وفى هذه الحالة لا تقم بشرائه؛ فما الذي يمنعك إذًا من شراء الجديد ؟ لذا فأبحث عن الأسعار بشكل صحيح حتى تتمكن من اتخاذ قرار مستنير بشأن ما إذا كان اللاب توب المُستعمل يستحق سعره أم الأفضل لك شراء لاب توب جديد

 

أتمنى يكون البوست دة أفادكوا

 

اترك تعليقاً