قصه مؤثره في حياه فاروق الفيشاوي

قصه مؤثره في حياه فاروق الفيشاوي

فاروق الفيشاوي 1 قصه مؤثره في حياه فاروق الفيشاوي
قصه مؤثره في حياه فاروق الفيشاوي

 



فاروق الفيشاوي طول عمره كان بالنسبة لي ممثل وخلاص.. مش من كبار عشاقه بس لو لقيت فيلم له بأكمل فرجة..

بس من سنتين كنت أنا وصحابي في أسوان..
وكنا راجعين في قطر النوم علشان نطلع رحلة اقتصادية وكدة..
المهم قطر النوم ده لو مش فعلاً هتنام ممكن تتشل من الزهق فيه..

فطلعنا أنا وصحابي قعدنا في عربية الكافيتيريا..
فاروق الفيشاوي وعماد محرم وناس صحابهم كانوا في الترابيزة اللي جنبنا..
ودمهم خفيف ومسخسخين من الضحك فقعدنا راميين ودن وبنضحك معاهم..



 

وقبل ما نقف في الأقصر سمعنا فاروق الفيشاوي بيطلب صديق له من الأقصر وقاله يبعتله مع حد من المحل عنده أكل وهو هيحاسبه..

ووقفنا في الأقصر.. ودخل فاروق العربية محملاً بأكياس كنتاكي.. أكتر أكلة ما ينفعش تتأكل عامة وما ينفعش تتأكل في قطر خاصة.. بس هي وجبة إدمانية ليا أنا وصحابي..

وإذ بفاروق الفيشاوي ابتدى يفتح العلب ويوزع على الترابيزات اللي حواليه..
وطبعا بالنسبة لناس كل اختياراتهم من كافيتريا قطر النوم سندوتش جبنة رومي مجهولة المصدر ناشعة الزيت على العيش الفينو الناشف لدرجة تشريح غطائه النايلون، أحنا في حلم!

لما لقانا خلصنا أكل أدانا تاني.. وقالنا أحنا عاملينلكم ازعاج من الصبح، لازم تأكلوا معانا..

 

فاروق الفيشاوي 2 قصه مؤثره في حياه فاروق الفيشاوي
قصه مؤثره في حياه فاروق الفيشاوي

 

في الحقيقة فنانين كتير أوي الواحد لما اتحط معاهم في مواقف شخصية يا إما كرههم يا إما بقى مهووس بيهم..

وأنا شخصياً الكرم والضحك وحب الحياة من أهم ما يميز الانسان بالنسبة لي..

الله يرحمك يا فاروق الفيشاوي الفنان ويسخرلك اللي يفتكرولك مواقف كرم وضحك وحب حياة، يدعولك بحق صبرك على الابتلاء اللي صبرت عليه

 

فاروق الفيشاوي 3 قصه مؤثره في حياه فاروق الفيشاوي
قصه مؤثره في حياه فاروق الفيشاوي

 

 

فاروق الفيشاوي، ممثل مصري
الزوج/الزوجة: سمية الألفي (متزوج 1979–1992) متداول
الميلاد: فبراير 1952، المنوفية
الوفاة: 25 يوليو 2019، القاهرة
أبناء: أحمد الفيشاوي، عمر الفيشاوي

اترك تعليقاً