ازاي نعمل ضبط الراوتر الجديد VDSL ☎️
بالنسبة لموضوع استهلاك الباقة فى الخطوط المنزلية 🎤
النهاردة السرعات وصلت ل 20 و 30 و50 ميجا ودى سرعة كبيرة 🚀
مفهوم الانترنت اختلف عن زمان مبقاش مجرد chat او Browsing
النهاردة بقى في online games 🎮و IPtv حتى اليوتيوب بقى فيديوهاته HD
ا الباقة 140 جيجا كانت بتخلص فى اسبوعين بسبب Pubg وفيديوهات اليوتيوب ذات الجودة HD
دا غير ال IPtv وماتشات دوريات اوروبا ⚽️
عشان نحتفظ بالباقة لاكبر قدر ممكن وقبل ما نعمل اى اوبشن في الراوتر لازم نفهم شوية حاجات
اولا بالنسبة للداونلود مش هاتكلم فيه لان زي ما بتعمل داونلود هتقل الباقة بنفس القدر
هانتكلم عن الحاجات اللى بتاخد من الباقة من غير حساب
زى اليوتيوب مثلا
مع السرعات الجديدة اللى بيحصل كالاتى :
بتشغل فيديو – السيرفر بيحس بالسرعة العالية – ف بتشوف الفيديو على اعلى دقة HD
المشكلة مش فى كدة – المشكلة الحقيقية فى انك بتتفرج على دقيقة من الفيديو ممكن ما يعجبكش فابتنقل على فيديو تانى
الدقيقة دى مع السرعة الكبيرة الفيديو بيكون حمل بتاع ثلاث ارباع الفيديو
يعنى اتحسب عليك ثلاث ارباع مساحة الفيديو بدون داعى ولا استخدام
نخلى بالنا بقى ونشتغل على جودة 480 زى الفل او 144p زي الفل برضو انا شخصيا بشتغل عليها 👍
نيجي بقى للخطوة المهمة وهى تحديد السرعة من الراوتر
الاول ماكناش نعرف نحدد السرعة غير عن طريق سيرفرات وراوترات ميكروتك لكن فى راوتر we الجديد فى اوبشن لتحديد السرعة
من القائمة الرئيسية نختار internet ومن القائمة الفرعية نختار Bandwidth Control
كما هو موضح نعلم على المربع اللى قصاد Enable Bandwith control
وبعدين قصاد Ingress Bandwidth نضع رقم بيعبر عن سرعة الداونلود
يعنى مثلا لو عايز تحدد السرعة لغاية 2 ميجا
يبقى 2048 ÷ 8 = 256
يبقى نكتب 256 – اللى عايز يزود يزود – حدد السرعة ثم اقسم على 8 واكتب الرقم اللى يطلع
وبعدين save
وماننساش ندخل على موقع fast لقياس السرعة الواصلة للجهاز قبل وبعد الخطوات… 💻
وبعدين نجرب ونشوف.