Clamp Meter

كتير مننا يعرف الملتيمتر وكلنا عارفين طبعا إنك عشان تقيس شدة التيار لازم تقيسه على التوالي ،، طيب نتخيل إنك مثلا في مصنع وقابلتك مشكلة وعاوز تقيس شدة التيار معقول لازم تقطع السلك عشان تقيسه طب تخيل إن أمامك لوحة فيها ٢٠ سلك ومحتاج تقيس تيار كل سلك مش معقولة هتقطع العشرين سلك وبعدين تلحمه 😂 ..

Clamp Meter Clamp Meter
Clamp Meter

في جهاز قياس تغلب على المشكلة دي الجهاز ده اسمه العلمي Clamp Meter واسمه في السوق كلامب أمبير أو بينز أمبير ممكن تكون مسمعتش عنه لو أنت لسه طالب أو خريج حديث ،، طيب لو مسمعتش عنه خليك معايا أشرحلك بيشتغل أزاي…



 

%D9%83%D9%84%D8%A7%D9%85%D8%A8 clamp Clamp Meter

 



 

مبدأيا الجهاز بسيط جداا فكرته معتمدة على المجال المغناطيسي الناشئ عن التيار بيحوله داخل محول صغير وعن طريقه بيعطيك قيمة دقيقة جداا للتيار ومش ده المهم برضه المهم بنقيس التيار أزاي ،، بمنتهى البساطة بتحول المؤشر زي الملتيمتر على وضع قياس التيار وبيكون مكتوب جنبه رقم وليكن مثلا 1000A الرقم ده بيعبر عن أقصى تيار ممكن يقيسه بعد كده بتضغط على الزرار اللي على اليسار هتلاقي البينز دول اتفتحوا عشان كده بيسموه بينز أمبير 😁 تحط السلك داخل القوس ده هتلاقيه عطيك قيمة التيار على الشاشة.
مش بس كده الجهاز فيه بعض قياسات الملتيمتر العادي وهي قياس المقاومة والجهد والتوصيلية ومش بتحتاج البينز فيها بتوصل سلكين القياس عادي زي الملتيمتر ومؤشرك وقيس 😉 ، الجهاز العادى منه سعره مش غالي و ممكن يبدأ من 120 جنيه و ممكن يصل سعره احياناً لألووف وده بيتوقف على حسب جودة الكلامب ودقته ومدى القياس .
نتمنى تكونوا أستفدوا وأضفنا ليك معلومة جديدة 😉⁦❤️

اترك تعليقاً