عيوب الحياه في الامارات

عيوب الحياه في الامارات وتحديدا دبي بعد ٥ سنين اقامه فيها
مبدئيا كدا عشان الناس متهاجمش ده رأي الشخصي وبناءا علي تجربتي وممكن جدا تعرض وجهة نظرك وندردش
وهعمل مقاله منفصل برضو عن المميزات 1f60d عيوب الحياه في الامارات

Defects of life in the Emirates





عيوب الحياه في الامارات عيوب الحياه في الامارات
عيوب الحياه في الامارات


١- الحياه غاليه جدا بطريقه مبالغ فيها يعني مثلا اسعار الاكل و الشوبنج و اللبس مقارنه بدول تانيه كتير اوي يعني من الاخر الي جاي علي قد الي رايح الا ادا كنت ناوي بقي تعيش قحط ومتعملش اي حاجه في حياتك غير انك تشتغل وتقعد في البيت غير كدا هتصرف يعني هتصرف هتقولي بقي مانت بتقبض كويس وشئ طبيعي تكون الحياه غاليه هقولك صح بس ده شئ مش كويس لانك هتفضل في نفس الساقيه دي كتير ومش هتخلص .

 


٢- عدم الاستقرار الوظيفي الا حد كبير انك تلاقي شغل في دبي ده مش شئ صعب لاكن الا حد كبير ممكن تسيبو بسرعه لاسباب زي مثلا ان الشركه تقفل او تقرر انها تقلل موظفين وللاسف ده بقي موجود كتير الفتره الاخيره وانك لسه محافظ علي شغلك فا طبعا ده شئ كويس .



 


٣- معندكش الحق تقول رأيك لو كان سلبي حتي لو حاجات بسيطه لانك حريه التعبير مقصوره بس علي الحاجات الايجابيه ودي في ناس ممكن تشوفها حاجه حلوه وناس تشوفها وحشه وبتختلف من شخص للتاني بس بالنسبالي في اكبر دول العالم بيسبو كل شخص يتكلم براحتو لان ببساطه في حريه تعبير .


٤- لو انت شخص بتحب الخضره والطبيعه زي حالاتي فا للاسف مش هتنبسط خالص في دبي لانها بس حاجات معينه زي مولات وحدائق واماكن مفتوحه هتستمتع بيها شهرين في السنه بس .


٥- الجو هناك جحيم حرفيا طول وقت السنه ماعدا من شهر ١٢ لحد شهر ٣ كدا وطبعا ده مش معناه انو بيبقي ساقعه في الشهور دي لا بيبقي في حر فظيع بينهم بس ممكن في النص تمطر مرتين كدا 1f601 عيوب الحياه في الامارات.

 


٦- انك مهما عيشت في الامارات لا يمكن تاخد الجنسيه او حتي الاقامه الدائمه وهتفضل دايما ضيف الا في حالات نادره اوي وخليني اقولك مثال كدا انت لو مصري واتجوزت اماراتيه اولادك مش هياخدو الجنسيه وهيبقي اسمهم ابناء مواطنات لاكن مفيش باسبور.


الي هيقولي انت ليه عشت هناك كل ده لازم يفهم انو نصيب وغرض المقاله مش الاساءه هو بس التوضيح مش اكتر والامارات من احلي الدول الي ممكن تعيش فيها في حياتك لو تجنبت الي انا قولت ومكنش حاجه كبيره بالنسبالك

الغرض من المقاله اني اقول السلبيات من وجه نظري انا الشخصيه بس مش شرط انك تتفق معايا وان شاء الله قريب هعمل مقاله عن الايجابيات

اترك تعليقاً