ياسمين تزوجت ارجنتيني بسبب الاكل الياباني

قصه حب غريبه تجمع فتاه مصريه بشاب من الارجنتين لا يتحدث العربيه ولا الانجليزيه حتى
هي مسلمه وهو مسيحي فكيف تم الارتباط ؟

 



ياسمين تزوجت ارجنتيني بسبب الاكل الياباني 1 ياسمين تزوجت ارجنتيني بسبب الاكل الياباني
ياسمين تزوجت ارجنتيني بسبب الاكل الياباني

 

 

ياسمين تزوجت ارجنتيني بسبب الاكل الياباني 2 ياسمين تزوجت ارجنتيني بسبب الاكل الياباني
ياسمين تزوجت ارجنتيني بسبب الاكل الياباني

 



 

ياسمين تزوجت ارجنتيني بسبب الاكل الياباني 3 ياسمين تزوجت ارجنتيني بسبب الاكل الياباني
ياسمين تزوجت ارجنتيني بسبب الاكل الياباني

 

 

ياسمين تزوجت ارجنتيني بسبب الاكل الياباني 4 ياسمين تزوجت ارجنتيني بسبب الاكل الياباني
ياسمين تزوجت ارجنتيني بسبب الاكل الياباني

 

انا ياسمين و ده جوزي هو ارجنتيني مش مصري.. طبعا لما اي حد هيقرا انه مش مصري اول حاجة الفضول هيشدك تسأل عرفتو بعض ازاي؟؟

القصة بدأت غريبة جدا
بما اننا احنا الاتنين قلابيظ
يبقى احنا الاتنين بنحب الاكل .. و من هنا بدات القصة

كنا مشتركين انا وهو في بيدج ياباني ع الفيس بوك بتبيع نودلز و حلويات ياباني و شيبسيهات بتشحن لكل دول العالم واسعارها حلوة يعني و كنت نفسي اجيب منها و دايما مترددة ف كنت بدخل اتفرج عالريفيوز بتاعة الناس و الكومنتات
و بالصدفة بتفرج على البوست شوفته عاملهم ريفيو و شكله دايما بيشتري منهم يعني لانه بيشكر في كذا منتج
دخلت كتبتله كومنت سألته هي بجد الحاجات دي كويسة واني هموت واجربها ..

و عادي كتبت و نسيت يعني و مرت ساعات و نمت وصحيت
لقيته باعتلي برايفت بيقوللي انه اسف مفهمش الكومنت بتاعي عشان هو بيتكلم اسباني بس..
فتحت جوجل ترانسليشن و بعتله سؤالي بالاسباني
رد عليا و على اسالتي

بعدها لقيته كلمني تاني اتاري اللئيم قلب في صفحتي و عرف اني مصرية !
كلمني و قاللي قد ايه هو بيحب الحضارة المصرية و انه مبهور بيها و بتقرا عنها و كان بيدرسها في التاريخ في المدرسة زمان وهو صغير ..
الكلام بدأ يجيب بعضه و بقينا صحاب جدا.. و بقيت اعلمه انجليزي عشان نتكلم موبايل كمان و فيديوز و افرجه على الشوارع و الاماكن الاثرية
بقينا 24 ساعة بنتكلم مع بعض جدا
و فجأة قاللي انه بيحبني و عشان هو عارف اني عربية و ان احنا عندنا الحب اخره جواز طلب يتجوزني

بس كان في عائق!! اني مسلمة وهو كاثوليكي و طبعا مع اختلاف الاديان لا الدين ولا البلد هتسمح بالجواز ده
انا اعترفتله ان انا كمان بحبه بس ده العائق الوحيد..

لقيته من نفسه ابتدا يتعلم عن الاسلام وحبه جدا و بدا يقرا و طلب انه يبقى مسلم واني اعلمه الصلاة و القران و ان هما برة مصر معندهمش اهتمام بالديانات زينا لدرجة انها مش مذكورة في الاوراق الرسمية بتتعامل هناك معاملة الحرية الشخصية فبالتالي هو مكانش يعرف حاجة عن دينه اللي فات ف حب دينه الجديد جدا و مقتنع بيه كليا

كان فيه عائق تاني.. ان لازم عشان يسافر ويجي يتجوزني و يطلب ايدي محتاجين مصاريف من اول السفر لحد الشبكة والذي منه

كنت خلاص قربت افقد الامل مع اني بحبه جدا.. !
صحيت من النوم لقيته باع العربية بتاعته وفضل رايح جاي 10 شهور مرمطة فالاتوبيسات عشان الفلوس دي تعمل اي ربح فالبنك حتى لو قليل

وفاتت شهور كتير و فالاخر جه و بغض النظر عن البهدلة و المرمطة في المصالح الحكومية عشان نعمل ورق الجواز.. الا اننا في الاخر اتجوزنا و بقالنا شهر بس متجوزين

معملناش فرح عشان الفلوس اللي معانا تكفي اكتفيت بشهر عسل مش شهر اوي يعني

سافرنا مع بعض الاقصر و اسوان و الجيزة طبعا عشان الاهرامات واهو ضربنا عصفورين بحجر لانه كان نفسه جدا يشوف تاريخ مصر ..

و كان هو ليا عوض ربنا فعلا عن كل اللي حصللي في حياتي زمان و عن كمية الظلم اللي اتعرضتله و الضرر النفسي و الندالة من اقرب ناس ليا سواء صحاب او اهل
انا حرفيا كانت حياتي صعبة جدا كنت شبه مكسورة و وحيدة بقى هو ليا كل حاجة..

اترك تعليقاً