صور محمد صلاح

فى الكام ساعة اللى فاتوا .. كلام كتير عن محمد صلاح وعدم حضوره حفل الافضل فى افريقيا .. سواء على مواقع التواصل .. او التوك شو الرياضى .. وطبعا صلاح متشاف وحش .. وموقف بايخ وماينفعش وكان لازم يحضر .. وطبعا المبررات انه مانى احتفل معاه قبل كده فى بلده وكده مش روح رياضية .. والحفل فى بلده وكان لازم ينزل يروج لبلده .. وكده صلاح اتغير وشعبيته بتقل وبقى منفسن ومغرور .. وغيره من الحكاوى اللى شغالة !!

Mohamed Salah 1 صور محمد صلاح
صور محمد صلاح

Mohamed Salah

السؤال بقى للى بيحكوا بالشكل ده : انتوا بجد والله ؟! .. يعنى فيه منطق معاكم ؟! .. الحقيقة مش شايف ده خااالص .. اللى انا شايفه انه الكلام ده وبالشكل ده استمرار فى سيناريو الهد والمزايدة على انسان وشاب مصرى ناجح !! .. ليه ؟! لشوية اسباب وواقع كده .. للاسف فيه اللى بينساه علشان ياخد اللقطة بس الحقيقة لقطة بايخة جداا !!



Mohamed Salah 2 صور محمد صلاح
صور محمد صلاح


اولا / قالوا صلاح منفسن وغيور وماعندوش روح رياضية بأمارة ايه ؟! .. جايز بامارة احسن لاعب فى مونديال الاندية او جايز بمناسبة انه هداف ليفربول فى اخر ١٠ سنين او جايز انه فى التشكيل الامثل لفريقه الحالى والسابق فى اخر عشر سنين او جايز علشان رابع احسن لاعب فى العام الماضى عالميا او جايز علشان احسن لاعب افريقى مرتين !! .. او جايز بمناسبة تهنئة مانى على حسابه الشخصى .. جايز علشان كده صلاح منفسن وغيور وماعندوش روح رياضية !! .

 

Mohamed Salah 3 صور محمد صلاح
صور محمد صلاح


ثانيا / صلاح كان لازم يحضر علشان مانى حضر معاه .. وكان لازم يجى علشان يروج لبلده !! .. معلش نرجع بالذاكرة شوية كده .. مانى لما حضر فى السنغال كان حاضر علشان كان فيه جايزة للمركز الثانى وراجعوا الاحتفالية كده هتلاقوا مانى كان معاه الكرة الفضية الى جانب صلاح .. الكلام ده حصل فى النسخة دى ؟!! .. جاوبوا انتوا .. اما بالنسبة للترويج لبلده فدى نكتة رخمة جدااا .. لانه الحقيقة اللى عامله لصلاح لبلده مافيش واحد او واحدة من اللى قاعدين تحت البطانية وعاملين يقطعوا فيه ويقولوا اى كلام مع الموجة !! عمل صفر فى المية منه حتى .. فالافضل تبصوا لحالكم انتم عملتوا ايه لبلدكم !!



Mohamed Salah 4 صور محمد صلاح
صور محمد صلاح


ثالثا / تعرفوا صلاح ماحضرش ليه و ايه اسبابه وظروفه ؟!! .. تعرفوا صلاح متكلم مع مانى او لا ومنسقين مع بعض او لا ؟! .. تعرفوا ناديه عنده اسبابه ومنسق معاه او لا ؟! .. تعرفوا ايه اللى بيدور فى الكواليس او لا ؟!! .. لا ماتعرفوش .. يبقى تسكتوا خالص وبلاش صداااع واجتهادات وطق حنك وهرى اشتهتروا بيه فى اى حاجة وكل حاجة !! كفاية بجد عيب كده !!

Mohamed Salah 5 صور محمد صلاح
صور محمد صلاح


رابعا / موقف صلاح من الاتحاد السابق .. انا مؤيد له ١٠٠% .. عارفين ليه .. لانه الاتحاد ده خسر صلاح المركز الثانى لاحسن لاعب فى العالم .. واللى كان كفيل يخليه يجى ياخد الجايزة وهو حاطط رجل على رجل !! .. ده حصل بدم بارد وفعل رخيص والنتيجة مجهود وجهد بيضيع !!


خامسا / كفاية بقى عادة التتبع والحصار لاى شخص فى مجال عام .. لانه ده شىء الحقيقة بايخ ورخيص جداا .. لانه الامور مش بتمشى بالشكل الساذج اللى بنشوفوا من الناس اللى بتحكى فى المحكى بالشكل ده !! .. فيه حاجة اسمها احتراف واحترافيه .. وفيه حاجة اسمها اسباب وظروف غير معلومة او واضحة .. وفيه حاجة اسمها احترام خصوصية وقرار خاص .. وفيه حاجة اسمها واقع وصورة كبيرة لازم تتشاف قبل النقد والحكى والكلام !! .. اتعودوا تشوفوا الحاجات دى يااخوانا وتعملوا بيها .. هايكون افضل

Mohamed Salah 6 صور محمد صلاح
صور محمد صلاح

 

اترك تعليقاً