بخصوص فرض ضرائب علي يوتيوب والمواقع والمدونات

بخصوص فرض ضرائب علي يوتيوب والمواقع و المدونات و البلوجرز

راى الشخصى فى موضوع ضرايب اليوتيوب اللى الدوله عاوزه تفرضها
بصفتى عندى قناة يوتيوب وعايشه برا مصر





Taxes on YouTube

 

243061231 576957726959273 6174484007751541133 n بخصوص فرض ضرائب علي يوتيوب والمواقع والمدونات
بخصوص فرض ضرائب علي يوتيوب والمواقع والمدونات

 

اليوتيوب وجوجل عموما بتدخل لمصر من 250 ل 350 مليون دولار شهريا عمله صعبة سهله داخله لمصر بدون اى مجهود وبتساهم فى دعم خزينه الدوله من العمله الصعبة
اعتقد اللى هيضر من الموضوع ده هى القنوات الصغيرة مش الكبيرة





القنوات الكبيرة بتكون متعاقدة مع بارتنر شيب خصوصا قنوات المطربين والفنانيين ودى اكتر قنوات بتدخل دخل بيوصل لملايين سنويا وطبعا ليهم مكاتب برا مصر ولو مالهمش هيجو هنا دبى يفتحو مكاتب علشان مش يتحسب عليهم اى ضرايب لان الامارات بتددعم اليوتيوبر حول العالم كله ومكتب اليوتيوب الاقليمى فى دبى وبيدعموهم جدا
طبعا اى يوتيوبر لو متعود على دخل معين واتلقى نفسه بيخسر هيحس بالظلم وهيفكر يروح يكمل محتواه من اى بلد مش فيها ضرايب
لان اللى الدوله مش واخده بالها منه ان اليوتيوبر بيصرف وبيشترى معدات تصوير وماجر مكان وحاجات كتير علشان يطلع محتوى بتشاف او بجوده معينه
الناس دى لو مشيت من مصر الدوله هيا اللى هتخسر عمله صعبة سهله .

 

اليوتيوبر او اى صانع محتوى قدر يسعى بنفسه عن وظيفه او كرير من غير ما يكلف الدوله حاجه وبيساعدها بدخول العمله الصعبة
كون الدوله زعلانه ان فى ناس بتكسب كتير دى مش فاهماها لانه ما بيكلفش الدوله اى حاجه وفى نفس الوقت الدوله عارفه ان الموضوع امان جدا ومعروف شركة جوجل مش هتساعد على اى شكل من اشكال العنف
اعتقد لو الموضوع كان فرض ضرايب كبيرة حتى لو على القنوات الكبيرة فمع الوقت القنوات الكبيرة هتخرج من مصر وهيفرضو ضرايب على القنوات الصغيرة
وربنا ييسر الامر للجميع

اترك تعليقاً